Sué

Sué ( dere grupene ton Xué ok Sua ok Zuhe ok Suhé ) tiyir lorikye va awalt koe alka ke Muisca. Tiyir yerumanik ke Chía lorikya va tael. Muisca is inafa abdigalda tiyid tan balemoy abduef seltay ke abdiespanafa Amerika ise va intafa alka moe Cundiboyense azekexa koe Andes rodega al voneyed. Awalt is muva viwazena gan Chibchacum tiyid zolonapafa wica icde tawamidura. Pimtara Dimempara va Awalt dopewa atayexo va Sué Rawopafa tcila ke Sogamoso Moida Chiminigagua va afi al reduyur, pune va Chía pilkomana gu tael is Sué wetce awalt reduyur. Gonzalo Jiménez de Quesada espanaf olgalicusik icde Muisca saneik suteyer : « Va Awalt is Tael wetce nazbasik va kota ra did ise folid da sin belcon wetce yerumanikeem reduyus va pirdoteem tid. » Chía tiyir tikisa va Zipa nafalik ke geefi ki ke Muisca abdigalda sove Sué va Zaque nafalik ke lenteka boweyer. Okilik ke Ramiriquí va Sué dere tikiyir. Sué koe Awalt dopewa ke Sugamuxi ( re Sogamoso, wid ke Awalt ) zo payuyur. Ara dopewa tikisa va Sué koe Bacatá is Guatavita tigiyid. Dalafa dopewa ke Sugamuxi gan firdera ke espanik zo vilayar. Ba idulugalafi volegaki, Muisca oluik ko dopewa ton ezgalday laniyid lize wetayad, kumzilidatason va ilaneafa warolara. Bat viel gan sane lingeyese va alto is tugrijase gu chicha ekot zo fiptapayar. Sin va intafa izga dere sonteyed kire foliyid da Sué va pilkafa lorikinda afizcekon diskina kserayar. Ewavak Vuestexa (es) Ocampo López, Javier. 2013. Mitos y leyendas indígenas de Colombia – Indigenous myths and legends of Colombia. Plaza & Janes Editores Colombia S.A. (es) Ocampo López, Javier. 2007. Grandes culturas indígenas de América - Great indigenous cultures of the Americas, 1–238. Plaza & Janes Editores Colombia S.A.

Sué Lorikye ke Muisca Kira Lizukaf yolt Xué, Sua, Zuhe, Suhé Yorda Lorik va awalt Atay Gola Muisca Atayexo Sugamuxi Lorafa yasa Gadikye Chiminigagua, lorikye va afi Yerumanik Chía lorikya va tael Nazbeik Cuchavira, lorikye va korfi Chibchacum, lorikye va muva betara teza