Chía

Chía ( dere grupena ton Chíe ) tiyir yolt ke tael koe Muisca alka isu vundopa. Payuna wetce lorikya, tiyir leca ke puve ke tamava is nendasik va disukexeem is yambeem, ton kor ke ayikya. Dere tiyir yerumanik ke Sué lorikye va awalt ise va fli do Nencatacoa lorikye walziliyir. Koe ara apta ke lizukafa vundopa, Bachué xantumikya ke Muisca sane kadayar tael dositatason va Sué. Sué is Chía va Muisca nafalikeem tikiyid. Lorikye va awalt va Zaque nafalik ke lentefi ki ke Muisca abdigalda tikiyir isen inafa dopewa koe Sogamoso tigiyir, solve yasa ke Zipa nafalik gazas va tawavo dem refa Bogotؘá vagee abdigalda, va lorikya va tael tikiyir isen dalafo fiptaxo koe Chía oku mone tigiyir. Sedme Juan de Castellanos ugaldik : « Muisca sane va awalt is tael ton yerumanikeem is xantumikeem ke sane envayar. » Sinafa dopewa koe Chía is Hunza tigiyid. Chyquy gertik flion gu baerdafa jara va fipta tarizana pu lorikya vajuleyed, i va fipta dem firvira va moava is trocadayafa xeka. Vuestexa (es) Ocampo López, Javier. Leyendas populares colombianas. Editorial Plaza y Janes Editores Colombia s.a., 1996. ISBN 958-14-0267-5, 9789581402670.

Chía Lorikya ke Muisca Kira Lizukaf yolt Chíe Yorda Lorik va tael Atay Gola Muisca Atayexo Chía Lorafa yasa Gadikye Chiminigagua, lorikye va afi Yerumanik Sué lorikya va awalt Nazbeik Cuchavira, lorikye va korfi Chibchacum, lorikye va muva Huitaca, lorikya va yambeem betara teza