Bochica

Bochica ( okon gu Nemqueteba ok Sadigua ) tir lorikinda ke Muisca alka isu vund. Tir reduse gradilikye va Muisca seltay. Va tawamiduropa is aryona exava kotaveyer. Vunda Sedme vunda ke Muisca is Chibcha, Bochica tiyir lukastkirafe ayikye ronulaniyise. Va lidopafa vexa pu taneakafe Muisca sane kotaveyer ise va teza grustatasa va soka dem swavaf okilik isu suptaf firviyir. Bochica va tawamiduropa is yantanyofara is aryona exava pu sane dere kotaveyer aze van talteka soyututuson mallaniyir. Viele Muisca saneik va taveks ke Bochica radimion jovleyed ise va vexeem mea malaskiyid, pune kentacek va vema ke Bogotá koartokayar lize bliyid. Va Bochica gradilik pomatanon rozayad ; ina moo korfi artlaniyir aze va Tequendama stoya kan peyara reduyur lizo lava ke kentacek di divtraspuyur. Bochica ko Pasca koe Cundinamarca az Gámeza koe Boyacá awiyir lize gan sane luvedon zo askipeyer. Ko arula ke Toya fayluyur lize jontik okilik utcorutuson di auzuyud. Chiminigagua an lorik ke Muisca sane va konak okilik ko Sugamuxi stakseyer, i ko widava vanpitisa baerdaxo lize Awalt Dopewa di zo kolnayar ise poron gu Bochica, alkafa jora di zo gigrustayad. Vuestexa (es) Ocampo López, Javier. 2013. Mitos y leyendas indígenas de Colombia. Plaza & Janes Editores Colombia S.A. (en) Herrmann, Paul, and Michael Bullock. 1954. Conquest by Man, 1-186. Harper & Brothers. (en) Silverberg, Robert. 1996 (1967). The Golden Dream: Seekers of El Dorado, 98–99. Ohio University Press.

Bochica Lorikye ke Muisca Kira Lizukaf yolt Nemqueteba, Sadigua Yorda Tuseltayas gradilik Atay Gola Muisca Atayexo Sugamuxi Lorafa yasa betara teza