Aller au contenu

Pasca meld

Teliz mal Wikipedia.

Pasca meld tiyir abdiespanafa geja moe cosxo ke Muisca abdigalda koe refa Kolombia. Moni 1470 moe tawek ke PascaCundinamarca ) dilizeyer. Toloya kevelafa neya tiyid ervolia ke Zipa Saguamanchica nafalik ke Zipazgo is Bacatá kev tela ke okilik ke Fusagasugá. Zipazgo va intafo nafalaxo djudivatceyer.

Zovdaks va Saguamanchica koe Historia General de las Conquistas del Nuevo Reino de Granada neva (1688) ke Lucas Fernández de Piedrahíta
Okilik ke Fusagasugá, witaf balumaks

Moni 1470 moi kouskejara, Saguamanchica va Sutagao cos bowen gan sersik ke Fusagasugá. Ban cos irubas gee jowa ke Muisca abdigalda tiyir ke Chibcha saneeem voxe eze abdigalda meruptenon bliyir. Saguamanchica va rictula djudivatceyer nume do 30 000 güecha gejik van Fusungá azekexa mallaniyir. Arti abic viel va tawek ke Pasca artlaniyir lize va axafa acagira ralentayar nume arti oxam san-toloy bartiv va irubasikeem levrotiyir. Radimi bat lirk, ervolia ke Zipa van lana lebafa venta liziweyer lize milk ke sersik ke Fusagasugá tigiyir ise va doaliera fuzuyur.[1]

Debak ke venta tiyir nilaf, keve batkrilon gurafa mefta is bankrilon titsuyafa groya is larida. Azeka ke Fusagasugá kale Subía kuksa kaikeon divlizeyer. Saguamanchica va 12 000 güecha gejik tixolapon vanticlanitis va arestafa mefta is dirgan gan tan psihipqua yasasersik mielon stakseyer. Batkane ba direfa gazda va ervolia ke Fusagasugá belcon kabduuon is kadimuon toz rodilfuyur. Rabateson va debala, ban sayakik lagotceyed voxe gan ervolia ke Zipa zo onkayad nume kal anambe ke wid jontikote zo aytayad. To kalcenera tiyir. Uzatama jadiwik ke Fusagasugá zo gralomeyer. Okilik ke Tibacuy vangluyanik ke Fusagasugá al zo bakapayar aze pirdayar da sersik di duntuyur. Bantan tere askiyir ise tit Zipa badenyayar aze va ina wetce an jiomaik dosteyer ise ixedayar. Zipa va ixera kserayar aze va sersik ke Fusagasugá wetce okilik ke inaf cos dimsulayar, kredason gu levrotira ke Zipazgo ke Bacatá va cosxo. Vruzara lente Suá awaltlorik sokiyir.[2]

Vuestexa[betara | va krent betá]

  1. (es) Fernández de Piedrahita, Lucas. Historia General de las Conquistas del Nuevo Reino de Granada. (Antwerpen, 1688), bu 30.
  2. (es) Fernández de Piedrahita, Lucas. Historia General de las Conquistas del Nuevo Reino de Granada. (Antwerpen, 1688), bu 31.
Pasca meld
Liwot va Muisca abdigalda tici XV-eafa decemda
Givacka
Evla 1470
Tigixo   Pasca, Cundinamarca, Kolombia
Danexa Cenera ke Zipazgo
Neya
Zipazgo     /     Zacazgo
Dirgasik
Saguamanchica     /     Sersik ke Fusagasugá
Ervoliapo
30 000 gejik     /     Megrupena ota
Kosikeem
?     /     ?
betara teza
  Tuveli icde Izvopa 
Muisca : sane ke Kolombia is savsaf abdiespanaf seltay
Seltay

TawamiduraVegeduropaYambaKocopaBurmotaropaSkapaInseikLexaAvaVundopaAlkaGeja

Debak

FúqueneGuatavitaIguaqueSuescaTotaTequendama stoya

Izva

Muisca abdigaldaSavsaf bowesikPasca meldChocontá meldTocarema meldEspanafa olgalicura

Nafalik

Zipazgo : MeicuchucaSaguamanchicaNemequeneTisquesusaZaquesazipa
Zacazgo : HunzahúaMichuáQuemuenchatochaAquiminzaque

Lorik

ChiminigaguaBachuéChíaSuéBochicaHuitacaChibchacumCuchaviraNencatacoaChaquénChibafruimeGuahaioque