Hunzahúa
 Hunzahúa tiyir taneaf Zaque nafalik ke Hunza ( Tunja ) boweyes va Zacazgo cosxo ( tani ki ke Muisca abdigalda koe refe Kolombia sokasane ) kali 1470. Inaf direik di tiyir Michuá nutikye. Hunzahúa tiyir milugalafa gu Zipa Meicuchuca nafalik ke Zipazgo cosxo tiso geefi ki ke Muisca abdigalda. Blirizva[betara | va krent betá]Hunzahúa konolesik ke Idacansas tiyir okilik ke Iraca baerdaf krant aze gan okilikeem ke cos zo kiblayar enide va cos sinton kobodas di diliyir. Vanpiyir taneaf Zaque nafalik ke lentefi ki ke Muisca abdigalda dem Hunza kelu ( refa Tunja ), isen tana kerdela ke intafa gaderopa tiyir biura va favera va ervo. Sedme Javier Ocampo López grupelik sutepeyes icde alka is vundopa ke Muisca, yolt ke inafa gadikya tiyir Faravita isen tel ke berikya tiyir Noncetá.[1] Vunda kareizur da Hunzahúa va loklaafa berikya korenayar nume yerumayar viele van Chipatá va Hunza buluyur. Faravita sinafa gadikya va mana yerumara me dotrakuyur nume va tolonga ipeyer ise va ekeda dem chicha ekot trovgayar. Batcoba va Hunzahúa lird nekiyir. Viele Hunzahúa va tegira ke gadikya rabateyer ise va kevotcera ke Muisca cosik va intafa veyilagira vofayar, pune va Hunza is vemaf krant nayayar. Noncetá va nazbeye koe Susa nazbayar voxazen ine kadayar raporka. Gabentafa tolonga ilon koyayar, kal Tequendama stoya. Banlize sin kadayad toloya raporka voke baerdafa stoya.[1] Gazara ke Zaque ke lentefa Muisca zo divatceyer, mal Chicamocha kuksa kal frofaxo ke Sutagao aname Fusagasugá is mal azeka koe San Juan vema kal jowafa gola ke Panche cos isu Muzo, don vema ke Vélez, tadleson va lana tanuca ke Chibcha avuxo is tawavo ke Muisca alka. Kaikion dili zo relatceyer viele Zipa Saguamanchica nafalik ke Muisca geefi coski va Michuá direik ke Hunzahúa moi inafa awalkera bak 1470 dilfuyur.[2][3] Vuestexa[betara | va krent betá]
|
| |||||||||||||||||||||||||||||||||||||||
.jpg)
 |
Muisca : sane ke Kolombia is savsaf abdiespanaf seltay |
|---|---|
| Seltay |
Tawamidura • Vegeduropa • Yamba • Kocopa • Burmotaropa • Skapa • Inseik • Lexa • Ava • Vundopa • Alka • Geja |
| Debak |
Fúquene • Guatavita • Iguaque • Suesca • Tota • Tequendama stoya |
| Izva |
Muisca abdigalda • Savsaf bowesik • Pasca meld • Chocontá meld • Tocarema meld • Espanafa olgalicura |
| Nafalik |
Zipazgo : Meicuchuca • Saguamanchica • Nemequene • Tisquesusa • Zaquesazipa |
| Lorik |
Chiminigagua • Bachué • Chía • Sué • Bochica • Huitaca • Chibchacum • Cuchavira • Nencatacoa • Chaquén • Chibafruime • Guahaioque |