Nencatacoa

Nencatacoa ( okon gu Fo ) tiyir lorik nendas va lioziasik is yambik is jora koe alka is vundopa ke Muisca sane dene abdiespanafa Amerika. Pimtara Chicha ruyatxa veykum kacayasa irka, tisa dalafa tadlexa ke jora yonton gu Nencatacoa Nencatacoa ton aalasulem kum moava is dem lioza zo kaatoeyer. Vas bresitol ik rupolam vektapayar. Nencatacoa tiyir nendasik va layesik ; layera tiyir rabapa dene Muisca sane, i raba malsavesa va jontik amidaf ugot, don tulon kilta. Va yambik is lingesik nyofas va lay is trocaday is moava is balumara dere nendayar. Ison Nencatacoa tiyir lorik va jora is izakuca is stutera. Prostewa kareizud da ina metrumason va arcoba, do sane gijoruyur. Muisca saneik va chicha uliyid, i va ruyatxa veykum kacayana az burmeyena irka. Kotviele korik va mona vegeduyud, pune levmadason va vizapa pomayar isen remi kolnara chicha ruyatxa jontikote zo uliyir. Acum fiptatason va tenukera va dopewa ik mona ik kelda ok ba koflira va warzaf okilik, Muisca saneik va chicha gilulidebapayad. Ba faytawara az warolara, stuteson is dankason is lexuson ( kan truga is val ) joruyud ise va lorik don tulon Nencatacoa porayad. Nencatacoa ( okon gu Fo ) : Lorik va izakuca is jlokuca is lexa is stutera. Va xa gu aryon kor artazukar. Va layesik is layrubiasik nendar. Ton bresitol dile muxawer maninde gu Fo zo yoltar. Vuestexa (es) Ocampo López, Javier. 2013. Mitos y leyendas indígenas de Colombia. Plaza & Janes Editores Colombia S.A.

Nencatacoa Lorikye ke Muisca Kira Lizukaf yolt Fo Yorda Lorik va yamba is jora Pilkovoy Bresitol Atay Gola Muisca Lorafa yasa betara teza