Vlardafa mona (suterot)

**Vlardafa mona**
	XANTO
	XANTO
Vergumvelt	The Adventure of the Empty House
Sutesik	Arthur Conan Doyle
Ava	Englava
Suterotinda	Berpotam
Evla	1903
betara	teza

Vlardafa mona

Vlardafa mona ( englavon The Adventure of the Empty House ) tir berpotam ke Arthur Conan Doyle taneon sanegayan bak 1903 koe Standard Magazine virda az direilanon koe Dimpira ke Sherlock Holmes berpotamak.

Vildeks

Tozafa bula

Ba sielon 30/03/1894, lantanye porafe is diliodafe yoltkirafe gu Ronald Adair dene oga ke London maneon ice 427 ke Park vawila xonukeyeson zo katrasir. Ramiruk ke divroidas vilt ke dierk ko taka torar da in zo adjubeyer. Wori batcoba nutir merotisa larde metan va mawa cwe me rokolaniyir kiren tuvel kouon al zo budeyer isen dilk dere tiyir merovansan kir ontinarsaf ise ile va lane belaxare turotisase va urpera va lentor. Beka dilk abdi awalkera ke Adair gan kwik zo fenkuyur, pune aytasik divuon co viltayar voxen batcoba nutir tirodafa kiren dierkara male mana soluma co tir elimarsafa ise gan vegungik co zo gildeyer. Watson selaropik rabater da Scotland Yard ardial lente bata bula medefrer kire va sare ke Sherlock Holmes batcer ugale bantel arti abic viel va bata arienta tuke intafa maltrakusa rotira co maeyer.

Dimpira ke Holmes

Watson selaropik zo evodar nume kabdu gomilaxo lanir kadimida gu arienta al zo givar. Banlize jevintafi tarimi ixam tigir, don guazafe nevadolesikye mekuranon nokiene gan Watson. Dim ilput, Watson gire zo evodar, gan auzura ke mil nokienik. Bantan va neva pu Watson djudoler, dusivason da vegemoy kadime selaropik co tir ton lokiewafa kerdela dem konaka lofa karba co adonesa va ansu. Watson van vegemoy rwoder. Aze dimon zo woltendar kire Sherlock Holmes guazaf nik kabdueon tigir. Sye Holmes al xonuker, weti barda nope doaliera va Moriarty tavesik koe Swiza. Batlize, bad abic verast va efuxa ke guazik tire su deswar.

Watson dimwiyawer aze pu Sherlock Holmes biber. Bantan va intafa mekena dimpira pebur. Bal doaliera va Moriarty weti barda, do volnik tit Reichenbach stoya enwe me lubeyer kire arti lyumara tuke intafa felira va niponafe baritsu ckane ke lyumaruti tere al kevwayar. Kozwison va Moriarty titon seluyusi moe pistok, gorayar da di bevulayar xonukeyes, videteson va guntap kev aryon volnik. Bam va int koe ponyaska vaskeyer vieli ardial elogayan gan Watson al buluyur. Voxen lan dofugik va moblira ke Holmes wiyir aze va raporkipi ben in ticuon malkabuyur. Kikaweyeson tit kiria, Holmes lajupotceyer ise va bat warzaf kevelik divvawayar. Azon ko Firenze gelbeyer lize va ant Mycroft berye walzeyer, aze tori tolda ko Tibeta mallapiyir, aze koe Persa koyayar, aze va Franca ton rolafa pilkoma tere levirubayar. Banlize va pulvira va bula ke Park vawila gildeyer nume va dimpira ko London maeteson gorayar.

Maera

Holmes gan arienta ke Park vawila zo jekupur kire va ozodafa nuba ke Sebastian Moran kake bata gomilara al wir, i ke dalaf pomasik ke Moriarty is weti barda lagadjubeyes kabuyuson va raporki ticu kiria. Moran gan Holmes zo grupeyer. Al tiyir donaf tcabanesik ke britanafa ervolia, faves va pilkovafa viltaxa : zelt dem bolk kan raxivan gael is divroidason rodeviltas elimapon nek amliton.

Holmes dere gruper da Moran va Moriarty kotdroe djujaxadar, nume zinular vielu dene kraba ke Baker vawila dimon di tigir, pune battan en di lasugaytar. Batdume Holmes va kudja va int dene kraba inker, ageltason da toidesik rundayan gan Moran koe Baker vawila reme dilk va dimlanira ke kogrupasik di katcalar numaze va okilik walzeter.

Holmes a Watson al katrasir numaze ko stuva dostar, azen ba siel ko vlardafa mona vasked, i ko mona dem dilk lente lipok ke 221B Baker vawila. Kudja va Holmes tigisa koe kraba gan turunkayan gum zo koafir nume litesir da Holmes koe kraba miv tigir. In zinular da Moran dem zelt ko vawila fu artlanir aze va drucka reme dilk di zeltar. Battode ardialik ke Scotland Yard pokeon playeyen zo elogatad nume va bat keunisis gomilasik. Wori voldum erava ke kogrupasik, Moran dere rietar da ko vlardafa mona lente lipok ke 221B Baker vawila kotirkar enide mewinon rozeltatar. Gildeson va bora vanlanisa va vask, Holmes is Watson rundarud nume mekosmatanon art orikapafa alava ke olkoba va int palsed. Moi zeltara ke Moran fobalieyes va volnik, kogrupasik az Watson va in felileteson moebidud azen Holmes kan azdagara va ardialik elogar. Pisonasik fugackason zo ebidur aze ta malyera gan rictaga zo divstar. Holmes pu Watson megrupenas va kotaf suzenk waroldon diver.

Yunkexa

Konaka yunkexa va berpotam, koe sanegasa virda bak 1903 :

Dere rupel

Arthur Conan Doyle : Englavaf suterotik ( 1859-1930 )
(en) Vlardafa mona, dene Wikisource ( xantokrent )

Vuestexa

Tuveli icde Suteroteem

Tana yunkexa ke taneaf piskuks va berpotam bak 1903

t · p · b Sherlock Holmes, nevatum ke Arthur Conan Doyle
The Adventures of Sherlock Holmes ( Yona stuva ke Sherlock Holmes )
Berpot	1887 ~ A Study in Scarlet ( Vayara va kere ) • 1890 ~ The Sign of the Four ( Sugda ke balema ) • 1902 ~ The Hound of the Baskervilles ( Vakol ke Baskerville yasa ) • 1915 ~ The Valley of Fear ( Vuda Krant )	Sherlock Holmes
Yona stuva ke Sherlock Holmes The Adventures of Sherlock Holmes (1892)	A Scandal in Bohemia ( Bilita koe Ceska ) • The Red-Headed League ( Blakerikafa Gluyista ) • A Case of Identity ( Pilkomafa arienta ) • The Boscombe Valley Mystery ( Bula ke Boscombe krant ) • The Five Orange Pips ( Aluboya dorga ke kramte ) • The Man with the Twisted Lip ( Ayikye dem mucunaf kutc ) • The Blue Carbuncle ( Faltafa aka ) • The Speckled Band ( Pinunaf nok ) • The Engineer's Thumb ( Arekta ke dritikye ) • The Noble Bachelor ( Kaelafe oluikye ) • The Beryl Coronet ( Amoto dem berielxa ) • The Copper Beeches ( Rolmukafa tajda )
Namio ke Sherlock Holmes Memoirs of Sherlock Holmes (1894)	Silver Blaze ( Dilgavafa teyka ) • The Adventure of the Cardboard Box ( Liwayaf bor ) • The Adventure of the Yellow Face ( Blafotafa gexata ) • The Stock-broker's Clerk ( Betayes unenik ) • The Gloria Scott ( Gloria Scott tota ) • The Musgrave Ritual ( Musgrave welima ) • The Adventure of the Reigate Squire ( Pilkotik ke Reigate ) • The Adventure of the Crooked Man ( Minkedikye ) • The Resident Patient ( Ropen sokesik ) • The Greek Interpreter ( Ellasavaf remtrakusik ) • The Naval Treaty ( Birafa bioga ) • The Final Problem ( Bocaf zvak )
Dimpira ke Sherlock Holmes The Return of Sherlock Holmes (1905)	The Adventure of the Empty House ( Vlardafa mona ) • The Adventure of the Norwood Builder ( Vegedusik ke Norwood ) • The Adventure of the Dancing Men ( Stutesik ) • The Adventure of the Solitary Cyclist ( Antiaf tolkrafolusik ) • The Adventure of the Priory School ( Priory bema ) • The Adventure of Black Peter ( Ebeltaf Peter ) • The Adventure of Charles Augustus Milverton ( Charles Augustus Milverton ) • The Adventure of the Six Napoleons ( Tevoy Napoleon ) • The Adventure of the Three Students ( Baroy vayasik ) • The Adventure of the Golden Pince-Nez ( Moavaf pezkurt ) • The Adventure of the Missing Three-Quarter ( Graces berkik ) • The Adventure of the Abbey Grange ( Abbey Grange ) • The Adventure of the Second Stain ( Toleafa kretsa )
Inafa bocafa celyomura His Last Bow (1917)	The Adventure of Wisteria Lodge ( Wisteria Lodge ) • The Adventure of the Bruce-Pardington Plans ( Zovdom ke Bruce-Pardington midtota ) • The Adventure of the Devil's Foot ( Oretlikafa nuga ) • The Adventure of the Red Circle ( Kerafu ivamu ) • The Disappearance of Lady Frances Carfax ( Griawira ke Frances Carfax ) • The Adventure of the Dying Detective ( Ilblis kogrupasik ) • [His Last Bow - The War Service of Sherlock Holmes ( Inafa bocafa celyomura )
Savseluxaxak ke Sherlock Holmes The Case-Book of Sherlock Holmes (1927)	The Adventure of the Mazarin Stone ( Aka ke Mazarin ) • The Problem of Thor Bridge ( Zvak ke Thor za ) • The Adventure of the Creeping Man ( Upenyesikye ) • The Adventure of the Sussex Vampire ( Forteyfamik ke Sussex ) • The Adventure of the Three Garridebs ( Baroy Garrideb yoltik ) • The Adventure of the Illustrious Client ( Tcumpaf anelik ) • The Adventure of the Three Gables ( Barragufa mona ) • The Adventure of the Blanched Soldier ( Weriktaf sayakik ) • The Adventure of the Lion's Mane ( Yinaxot ke krapol ) • The Adventure of the Retired Colourman ( Bulusaf ksevadolesik ) • The Adventure of the Veiled Lodger ( Italkkirafa vredanikya ) • The Adventure of Shoscombe Old Place ( Shoscombe Old Place )