Vegedusik ke Norwood (suterot)

**Vegedusik ke Norwood**
	XANTO
	XANTO
Vergumvelt	The Adventure of the Norwood Builder
Sutesik	Arthur Conan Doyle
Ava	Englava
Suterotinda	Berpotam
Evla	1903
betara	teza

Vegedusik ke Norwood

Vegedusik ke Norwood ( englavon The Adventure of the Norwood Builder ) tir berpotam ke Arthur Conan Doyle taneon sanegayan bak 1903 koe Standard Magazine virda az direilanon koe Dimpira ke Sherlock Holmes berpotamak.

Vildeks

Tozafa bula

Stuva bak 1894 dilizer, arti aksattum radimi dimpira ke Sherlock Holmes koe London. John Hector Mcfarlane jotaf tegivsutesik ke Blackheath va Baker vawila kalvulter aze pu Holmes pebur da nope gomilara va Jonas Oldacre gan ardial zo onkar voxe tir volgunaf. Darevielon alto ke Oldacre anteyayano koe pilkot ke Norwood zo katrasiyir isen lana runza ke Mcfarlane koe yasaxo dere zo katrasiyir, batdume in zo nubuntur.

Sedme in, John Oldacre klaafe gu 52 tanda den tegivsutesikaf ilput daresielon auzuyur enide va bafela djutuwinugayar. Evodason va Mcfarlane, koe bata bafela bazeckeyer da inaf kiewegeeem isu kaydeeem isu krupeem tod awalkera pu Mcfarlane co di zo remziliyid. Oldacre pebuyur da va batcoba djuprogaskiyir kire va man kobas is riwes korik djupomayar aze eruyur da Mcfarlane ko Norwood bansielon di denlapitir. Arti sye tolbartivafa lawara bansielon, Mcfarlane va intafa runza dene Oldacre vulkuyur. Sedme Mcfarlane to belison va fela, va xonukera ke arintaf vedgobesik vangrupeyer. Nope bat divereem, Lestrade fayik ke Scotland Yard ardial va Mcfarlane soper, beka Holmes va volgunuca ke jotaf tegivsutesik vere trakur.

Maera

Holmes dene gadikeem ke Mcfarlane koe Blackheath toz kogrupar nume kosmar da gadikya ke tegivsutesik va Oldacre gelkeon skedegayar voxazen inafa tizafa is udutafa anda va jiadara va skeda jupayar. Oldacre me al karolayar. Batdume inafa kiblara va nazbeikye ke savsafa skedeganikya wetce konolesik evodayar. Nekev bata abigaca, kogrupason va pilkot ke Oldacre koe Norwood Holmes va mecoba rotuvolgunasa va Mcfarlane trasir, kore kevtrakur da Lexington W^-ya kwik ke Oldacre va lancoba mewelidana grupecker. Holmes va volgunuca ke Mcfarlane ilfolir.

Gazdon direvielon, Lestrade va Holmes kan sumesutesiki givar da lana anzasa wazdexa va gunuca ke Mcfarlane koe Norwood su zo trasir. Bata wazdexa nijur forteykirafa geltafa koinga ke Mcfarlane keve lana rebava. Holmes va vole laner kiren bal inafa arintafa dizvera bata koinga me kruldeyer. Bak arintaf sielcek kle al zo askir edje Mcfarlane koe flint ixam tigiyir enide di zo koridayar. Holmes vangruper da Oldacre va konakilara koridatasa va Mcfarlane gu gomilara enwe levskuyur enide gu savsaf skedeganik tis inafa gadikya va int di jaxadar. Holmes va yasaxo gire djukogrupar nume va birgaf tuvel moe vegem kosmar, lize trakur da Oldacre kakeon va int palser. Enide kosmara co tir loon wenyafa tove Lestrade, Holmes va teyelogara jupar numen Oldacre va vask govodivlanir. Batkane fatmara zo razdar. Bal auzura ke Mcfarlane koe Norwood, jotaf tegivsutesik va kueca kan xuvara va arekta ko mildafa sebeka al gonozeyer voxazen bata koinga ta askedara va rolafa wazdexa gan Lexington kwikya al zo dimnariyir. Luxe drowigafo burmoweyeso alto ke Oldacre katrasiyino koe intezba, kon sulem enwe tiyir. Dakela ke burmeyen cot al stapeyer da ino co tiyir ke ayik.

Yunkexa

Konaka yunkexa va berpotam, koe sanegasa virda bak 1903 :

Dere rupel

Arthur Conan Doyle : Englavaf suterotik ( 1859-1930 )
(en) Vegedusik ke Norwood, dene Wikisource ( xantokrent )

Vuestexa

Tuveli icde Suteroteem

t · p · b Sherlock Holmes, nevatum ke Arthur Conan Doyle
The Adventures of Sherlock Holmes ( Yona stuva ke Sherlock Holmes )
Berpot	1887 ~ A Study in Scarlet ( Vayara va kere ) • 1890 ~ The Sign of the Four ( Sugda ke balema ) • 1902 ~ The Hound of the Baskervilles ( Vakol ke Baskerville yasa ) • 1915 ~ The Valley of Fear ( Vuda Krant )	Sherlock Holmes
Yona stuva ke Sherlock Holmes The Adventures of Sherlock Holmes (1892)	A Scandal in Bohemia ( Bilita koe Ceska ) • The Red-Headed League ( Blakerikafa Gluyista ) • A Case of Identity ( Pilkomafa arienta ) • The Boscombe Valley Mystery ( Bula ke Boscombe krant ) • The Five Orange Pips ( Aluboya dorga ke kramte ) • The Man with the Twisted Lip ( Ayikye dem mucunaf kutc ) • The Blue Carbuncle ( Faltafa aka ) • The Speckled Band ( Pinunaf nok ) • The Engineer's Thumb ( Arekta ke dritikye ) • The Noble Bachelor ( Kaelafe oluikye ) • The Beryl Coronet ( Amoto dem berielxa ) • The Copper Beeches ( Rolmukafa tajda )
Namio ke Sherlock Holmes Memoirs of Sherlock Holmes (1894)	Silver Blaze ( Dilgavafa teyka ) • The Adventure of the Cardboard Box ( Liwayaf bor ) • The Adventure of the Yellow Face ( Blafotafa gexata ) • The Stock-broker's Clerk ( Betayes unenik ) • The Gloria Scott ( Gloria Scott tota ) • The Musgrave Ritual ( Musgrave welima ) • The Adventure of the Reigate Squire ( Pilkotik ke Reigate ) • The Adventure of the Crooked Man ( Minkedikye ) • The Resident Patient ( Ropen sokesik ) • The Greek Interpreter ( Ellasavaf remtrakusik ) • The Naval Treaty ( Birafa bioga ) • The Final Problem ( Bocaf zvak )
Dimpira ke Sherlock Holmes The Return of Sherlock Holmes (1905)	The Adventure of the Empty House ( Vlardafa mona ) • The Adventure of the Norwood Builder ( Vegedusik ke Norwood ) • The Adventure of the Dancing Men ( Stutesik ) • The Adventure of the Solitary Cyclist ( Antiaf tolkrafolusik ) • The Adventure of the Priory School ( Priory bema ) • The Adventure of Black Peter ( Ebeltaf Peter ) • The Adventure of Charles Augustus Milverton ( Charles Augustus Milverton ) • The Adventure of the Six Napoleons ( Tevoy Napoleon ) • The Adventure of the Three Students ( Baroy vayasik ) • The Adventure of the Golden Pince-Nez ( Moavaf pezkurt ) • The Adventure of the Missing Three-Quarter ( Graces berkik ) • The Adventure of the Abbey Grange ( Abbey Grange ) • The Adventure of the Second Stain ( Toleafa kretsa )
Inafa bocafa celyomura His Last Bow (1917)	The Adventure of Wisteria Lodge ( Wisteria Lodge ) • The Adventure of the Bruce-Pardington Plans ( Zovdom ke Bruce-Pardington midtota ) • The Adventure of the Devil's Foot ( Oretlikafa nuga ) • The Adventure of the Red Circle ( Kerafu ivamu ) • The Disappearance of Lady Frances Carfax ( Griawira ke Frances Carfax ) • The Adventure of the Dying Detective ( Ilblis kogrupasik ) • [His Last Bow - The War Service of Sherlock Holmes ( Inafa bocafa celyomura )
Savseluxaxak ke Sherlock Holmes The Case-Book of Sherlock Holmes (1927)	The Adventure of the Mazarin Stone ( Aka ke Mazarin ) • The Problem of Thor Bridge ( Zvak ke Thor za ) • The Adventure of the Creeping Man ( Upenyesikye ) • The Adventure of the Sussex Vampire ( Forteyfamik ke Sussex ) • The Adventure of the Three Garridebs ( Baroy Garrideb yoltik ) • The Adventure of the Illustrious Client ( Tcumpaf anelik ) • The Adventure of the Three Gables ( Barragufa mona ) • The Adventure of the Blanched Soldier ( Weriktaf sayakik ) • The Adventure of the Lion's Mane ( Yinaxot ke krapol ) • The Adventure of the Retired Colourman ( Bulusaf ksevadolesik ) • The Adventure of the Veiled Lodger ( Italkkirafa vredanikya ) • The Adventure of Shoscombe Old Place ( Shoscombe Old Place )