Ebeltaf Peter (suterot)

**Ebeltaf Peter**
	XANTO
	XANTO
Vergumvelt	The Adventure of Black Peter
Sutesik	Arthur Conan Doyle
Ava	Englava
Suterotinda	Berpotam
Evla	1904
betara	teza

Ebeltaf Peter

Ebeltaf Peter ( englavon The Adventure of Black Peter ) tir berpotam ke Arthur Conan Doyle taneon sanegayan bak 1904 koe Standard Magazine virda az direilanon koe Dimpira ke Sherlock Holmes berpotamak.

Vildeks

Tozafa bula

Peter Carey redakik, i « Ebeltaf Peter » nope nadaf biak is lukastap is moekote tizapafa anda, zo katrasir. Tir awalkaf koe wico kum inta inon vegeduyuno koe inaf pilkot. Alto kev rebava zugon zo kandoayar. Stanley Hopkins ardialfayik nekev febafa drunara va arienta me lajumaer nume va pomara ke Sherlock Holmes yaner.

Maera

Hopkins va abiccoba kosmayana bak kodisukera va wico pu Holmes goler. Olaxak dem « PC- » taneeltay ke Peter Carey koe gomilaxo zo katrasiyir : wori Peter me vikizayar oke vugeke. Ison lan kid kretsayan fu fortey moe sid zo katrasiyir. Staa vektasa vas namifa beksa tikisa vas sistuf krupak koe bat kid zo kosuteyed. Tere lan kijasik ruyer da weti tolka abdi pisonara, reme dilk ke wico, va brucka ke lukastkirikye metise Peter Carey al wiyir.

Banlize lanison, Holmes is Hopkins is Watson davon kosmad da ludot ke wico bak daref mielcek al zo lademifenkur. Holmes trakur da raklesik dem ugolany ba miel gin lanitir. Ba siel baroy korik koe amna va int palsed aze va artlanira ke raklesik ked. Bantan ba tole bartiv tire artlanir. Zo onser voxe paokon is radeyeson ruyer da va xonukera ke savsaf birik me yordayar. Wetce John Hopley Neligan va int atoer, i wetce nazbeik ke lan omeltik griawiyis bak 1883 bal bopelawera ke tota van Norga. Omeltik va krupak rembureyer. Numen kottan trakuyur da batyon krupak bantode al griawiyid. Neken nazbeik ruyer da va lanyon krupak divbureyen gan gadikye voxaz gire awiyis den velita al kosmar. Kogrupason, tere kosmayar da dolesik tiyir Ebeltaf Peter. Djukevlanitison va savsaf birik is gildatason va debala, akoydanon kosmayar da bantan koe wico su zo adjubeyer. Hopkins ardialik va volgunuca ke yikye me folir numen in zo soper kore pumbar.

Soe Holmes va gunuca ke John Hopley Neligan me laner. Tulon al katcalar da kougatason va kando rem ast ke ayik, cugunaykafo po tir adrafo isen bate yikye nutir medise. Holmes den 221B ke Baker vawila dimlanir lize bevulason redakik ke tota, va yon kandoasik tagar. Baroy kandoasik jugemes va bat play. Tan va liota pimtayana gan kijasik weti tolka abdi pisonara vadjecker. Edje battan va segesi zubi ta pakera va brinuga sugdar, pune pomanon gan Watson is Hopkins, Holmes lajukoxolar. Bat kandoasik yoltkiraf gu Patrick Cairns va gomilara kowelidar. Pebur da va brinuga dirgana gan Ebeltaf Peter bak 1883 moe Sea Unicorn tota pakeyer. Bata tota grocelon ice Shetland tursia tigiyir ise va wilttotama fure belxasa al greleyer lize Neligan omeltik tigiyir. Kosmason da arientusik va yarlaf krupak rembureyer, Ebeltaf Peter va in ko bira djukumalkabuyur aze va krupak suyur. Tuke batcoba bak 1884 direilanon al buluyur. Patrick Cairns va in to bak 1895 oxam al katrasiyir nume va kaipki ika stivara va xonukera ke omeltik al dineyer. Ebeltaf Peter bak taneaf sielcek tiyir oluyaf voxaze arti tolka loon tukioxaweyer eke va wed al divucomayar. Battode Cairns va kando tigiso koe wico al konubayar aze va alto ke savsaf redakik remruyur aze va krupak ware videyen koe azilbaf boram gan bantel al divbureyer. Voxe va olaxak mallanison al vulkuyur, i va olaxak dem dem taneeltaytum milaf gu tel ke Peter Carey. Kadimion bak mil sielcek, John Hopley Neligan artlaniyir aze va Ebeltaf Peter kandoayan bene rebava kosmayar. Azilbaf bor pu Hopkins tere zo dimziliyir aze Cairns zo malyeyer.

Yunkexa

Konaka yunkexa va berpotam, koe sanegasa virda bak 1904 :

Dere rupel

Arthur Conan Doyle : Englavaf suterotik ( 1859-1930 )
(en) Ebeltaf Peter, dene Wikisource ( xantokrent )

Vuestexa

Tuveli icde Suteroteem

t · p · b Sherlock Holmes, nevatum ke Arthur Conan Doyle
The Adventures of Sherlock Holmes ( Yona stuva ke Sherlock Holmes )
Berpot	1887 ~ A Study in Scarlet ( Vayara va kere ) • 1890 ~ The Sign of the Four ( Sugda ke balema ) • 1902 ~ The Hound of the Baskervilles ( Vakol ke Baskerville yasa ) • 1915 ~ The Valley of Fear ( Vuda Krant )	Sherlock Holmes
Yona stuva ke Sherlock Holmes The Adventures of Sherlock Holmes (1892)	A Scandal in Bohemia ( Bilita koe Ceska ) • The Red-Headed League ( Blakerikafa Gluyista ) • A Case of Identity ( Pilkomafa arienta ) • The Boscombe Valley Mystery ( Bula ke Boscombe krant ) • The Five Orange Pips ( Aluboya dorga ke kramte ) • The Man with the Twisted Lip ( Ayikye dem mucunaf kutc ) • The Blue Carbuncle ( Faltafa aka ) • The Speckled Band ( Pinunaf nok ) • The Engineer's Thumb ( Arekta ke dritikye ) • The Noble Bachelor ( Kaelafe oluikye ) • The Beryl Coronet ( Amoto dem berielxa ) • The Copper Beeches ( Rolmukafa tajda )
Namio ke Sherlock Holmes Memoirs of Sherlock Holmes (1894)	Silver Blaze ( Dilgavafa teyka ) • The Adventure of the Cardboard Box ( Liwayaf bor ) • The Adventure of the Yellow Face ( Blafotafa gexata ) • The Stock-broker's Clerk ( Betayes unenik ) • The Gloria Scott ( Gloria Scott tota ) • The Musgrave Ritual ( Musgrave welima ) • The Adventure of the Reigate Squire ( Pilkotik ke Reigate ) • The Adventure of the Crooked Man ( Minkedikye ) • The Resident Patient ( Ropen sokesik ) • The Greek Interpreter ( Ellasavaf remtrakusik ) • The Naval Treaty ( Birafa bioga ) • The Final Problem ( Bocaf zvak )
Dimpira ke Sherlock Holmes The Return of Sherlock Holmes (1905)	The Adventure of the Empty House ( Vlardafa mona ) • The Adventure of the Norwood Builder ( Vegedusik ke Norwood ) • The Adventure of the Dancing Men ( Stutesik ) • The Adventure of the Solitary Cyclist ( Antiaf tolkrafolusik ) • The Adventure of the Priory School ( Priory bema ) • The Adventure of Black Peter ( Ebeltaf Peter ) • The Adventure of Charles Augustus Milverton ( Charles Augustus Milverton ) • The Adventure of the Six Napoleons ( Tevoy Napoleon ) • The Adventure of the Three Students ( Baroy vayasik ) • The Adventure of the Golden Pince-Nez ( Moavaf pezkurt ) • The Adventure of the Missing Three-Quarter ( Graces berkik ) • The Adventure of the Abbey Grange ( Abbey Grange ) • The Adventure of the Second Stain ( Toleafa kretsa )
Inafa bocafa celyomura His Last Bow (1917)	The Adventure of Wisteria Lodge ( Wisteria Lodge ) • The Adventure of the Bruce-Pardington Plans ( Zovdom ke Bruce-Pardington midtota ) • The Adventure of the Devil's Foot ( Oretlikafa nuga ) • The Adventure of the Red Circle ( Kerafu ivamu ) • The Disappearance of Lady Frances Carfax ( Griawira ke Frances Carfax ) • The Adventure of the Dying Detective ( Ilblis kogrupasik ) • [His Last Bow - The War Service of Sherlock Holmes ( Inafa bocafa celyomura )
Savseluxaxak ke Sherlock Holmes The Case-Book of Sherlock Holmes (1927)	The Adventure of the Mazarin Stone ( Aka ke Mazarin ) • The Problem of Thor Bridge ( Zvak ke Thor za ) • The Adventure of the Creeping Man ( Upenyesikye ) • The Adventure of the Sussex Vampire ( Forteyfamik ke Sussex ) • The Adventure of the Three Garridebs ( Baroy Garrideb yoltik ) • The Adventure of the Illustrious Client ( Tcumpaf anelik ) • The Adventure of the Three Gables ( Barragufa mona ) • The Adventure of the Blanched Soldier ( Weriktaf sayakik ) • The Adventure of the Lion's Mane ( Yinaxot ke krapol ) • The Adventure of the Retired Colourman ( Bulusaf ksevadolesik ) • The Adventure of the Veiled Lodger ( Italkkirafa vredanikya ) • The Adventure of Shoscombe Old Place ( Shoscombe Old Place )