Charles Augustus Milverton (suterot)

**Charles Augustus Milverton**
	XANTO
	XANTO
Vergumvelt	The Adventure of Charles Augustus Milverton
Sutesik	Arthur Conan Doyle
Ava	Englava
Suterotinda	Berpotam
Evla	1904
betara	teza

Charles Augustus Milverton

Charles Augustus Milverton ( englavon The Adventure of Charles Augustus Milverton ) tir berpotam ke Arthur Conan Doyle taneon sanegayan bak 1904 koe Standard Magazine virda az direilanon koe Dimpira ke Sherlock Holmes berpotamak.

Vildeks

Tozafa bula

Sherlock Holmes gan Eva Blackwell W^-ya kosafa gu itura askina gan Charles Augustus Milverton zo uzerar. Bantan tire tir rovligunik was va tufa ika stivara va lidarienta. Eva Blackwell va Dovercort biptik fure kurer voxen va artanye mexeyon al daalar. Milverton va inyona twa dadir ise gu deara dratcer. Kosmason va sina, bipitik va kurera vere co vewar. Dinena itaya gan Milverton ika stivara tir vas 7000 £.

Maera

Sherlock Holmes va Milverton koe lipok ke Baker vawila kakever, parleteson va stilasa gropa. Wori Milverton vanyer tianaf ise dace djumer da bilita di vinustar kiren batcoba va abdigapa plataesa gu dodera va dinen paxay gan aryon kosik ke itura ika aytcura dum Eva Blackwell co redur. Viele Holmes va Milverton ladratcer enide va rotplekusa twa dimzilir, pune bantan va viltaxa nedir aze va Baker vawila mallanir.

Holmes va twa dene Milverton batdume djukudubier. Bevulason dodelik, va zanisikya ke Milverton lajubrostar nume va cenka icde giltira ke Milverton mbi odiar. Maltegitison, kalion grupeper.

Ba siel Holmes is Watson den Milverton xatcaxakiron mallanid aze va inafao bazaxo lajukolanid. Koldey banlize tigir lize valdig icde arienteem ke itusik zo sud. Sedme cenka seotayana gan Holmes, Milverton koe vegungafa olkoba sye kenibenyer. Holmes va kold remi bartivacku lasufenkur. Viele ludot tere xaar, pune bora koo plor zo gilded. Holmes is Watson kak marwida va int preyutad azen Milverton va bazaxo kolanir. Acum cenka ke Holmes tiyid rolafa, Milverton me kenibeyer. I itusik va tigira ke toloy ayik me katcalar ise va kontan braldeson nuker. Bantan tere artlanir, kolanison rem fenkuyun dilk. To ayikya diskisa va mastus italkap tir. Milverton zinular da in va valdig icde warzafa arienta ika viroyaks fu bilder. Bam va italk tiolter numen Milverton kosmar da to in tir lantanya rotplekuyuna az alkejayana gan dalintyona givaja. Bam va Milverton viltason aykar aze otcer. Holmes is Watson va valdigeem ke kold ke Milverton ko tey ke keldega ekeyuson mimad aze silukon yated. Voxe koo matela zo tcaluted numen zanisik onkad. Mewaya ke Watson zo dapnarir viele in va rebava ke anambe urper. Tere sin va onkasik lajukosongad.

Direrielon Lestrade ardialik den Baker vawila artlanir nume va Holmes gu pisonara darevielon dilizeyesa elogar. Va jadifa pimtara va tane toloye onkanikye koe matela pu Holmes odiar. In va arienta me djukogrupar. Kadimion va pilkoma ke darevielafa ayikya lajutrasir : to inya tir aytcuyus « savsaf gazaf » korik.

Yunkexa

Konaka yunkexa va berpotam, koe sanegasa virda bak 1904 :

Dere rupel

Arthur Conan Doyle : Englavaf suterotik ( 1859-1930 )
(en) Charles Augustus Milverton, dene Wikisource ( xantokrent )

Vuestexa

Tuveli icde Suteroteem

Tana yunkexa ke taneaf piskuks va berpotam bak 1904

t · p · b Sherlock Holmes, nevatum ke Arthur Conan Doyle
The Adventures of Sherlock Holmes ( Yona stuva ke Sherlock Holmes )
Berpot	1887 ~ A Study in Scarlet ( Vayara va kere ) • 1890 ~ The Sign of the Four ( Sugda ke balema ) • 1902 ~ The Hound of the Baskervilles ( Vakol ke Baskerville yasa ) • 1915 ~ The Valley of Fear ( Vuda Krant )	Sherlock Holmes
Yona stuva ke Sherlock Holmes The Adventures of Sherlock Holmes (1892)	A Scandal in Bohemia ( Bilita koe Ceska ) • The Red-Headed League ( Blakerikafa Gluyista ) • A Case of Identity ( Pilkomafa arienta ) • The Boscombe Valley Mystery ( Bula ke Boscombe krant ) • The Five Orange Pips ( Aluboya dorga ke kramte ) • The Man with the Twisted Lip ( Ayikye dem mucunaf kutc ) • The Blue Carbuncle ( Faltafa aka ) • The Speckled Band ( Pinunaf nok ) • The Engineer's Thumb ( Arekta ke dritikye ) • The Noble Bachelor ( Kaelafe oluikye ) • The Beryl Coronet ( Amoto dem berielxa ) • The Copper Beeches ( Rolmukafa tajda )
Namio ke Sherlock Holmes Memoirs of Sherlock Holmes (1894)	Silver Blaze ( Dilgavafa teyka ) • The Adventure of the Cardboard Box ( Liwayaf bor ) • The Adventure of the Yellow Face ( Blafotafa gexata ) • The Stock-broker's Clerk ( Betayes unenik ) • The Gloria Scott ( Gloria Scott tota ) • The Musgrave Ritual ( Musgrave welima ) • The Adventure of the Reigate Squire ( Pilkotik ke Reigate ) • The Adventure of the Crooked Man ( Minkedikye ) • The Resident Patient ( Ropen sokesik ) • The Greek Interpreter ( Ellasavaf remtrakusik ) • The Naval Treaty ( Birafa bioga ) • The Final Problem ( Bocaf zvak )
Dimpira ke Sherlock Holmes The Return of Sherlock Holmes (1905)	The Adventure of the Empty House ( Vlardafa mona ) • The Adventure of the Norwood Builder ( Vegedusik ke Norwood ) • The Adventure of the Dancing Men ( Stutesik ) • The Adventure of the Solitary Cyclist ( Antiaf tolkrafolusik ) • The Adventure of the Priory School ( Priory bema ) • The Adventure of Black Peter ( Ebeltaf Peter ) • The Adventure of Charles Augustus Milverton ( Charles Augustus Milverton ) • The Adventure of the Six Napoleons ( Tevoy Napoleon ) • The Adventure of the Three Students ( Baroy vayasik ) • The Adventure of the Golden Pince-Nez ( Moavaf pezkurt ) • The Adventure of the Missing Three-Quarter ( Graces berkik ) • The Adventure of the Abbey Grange ( Abbey Grange ) • The Adventure of the Second Stain ( Toleafa kretsa )
Inafa bocafa celyomura His Last Bow (1917)	The Adventure of Wisteria Lodge ( Wisteria Lodge ) • The Adventure of the Bruce-Pardington Plans ( Zovdom ke Bruce-Pardington midtota ) • The Adventure of the Devil's Foot ( Oretlikafa nuga ) • The Adventure of the Red Circle ( Kerafu ivamu ) • The Disappearance of Lady Frances Carfax ( Griawira ke Frances Carfax ) • The Adventure of the Dying Detective ( Ilblis kogrupasik ) • [His Last Bow - The War Service of Sherlock Holmes ( Inafa bocafa celyomura )
Savseluxaxak ke Sherlock Holmes The Case-Book of Sherlock Holmes (1927)	The Adventure of the Mazarin Stone ( Aka ke Mazarin ) • The Problem of Thor Bridge ( Zvak ke Thor za ) • The Adventure of the Creeping Man ( Upenyesikye ) • The Adventure of the Sussex Vampire ( Forteyfamik ke Sussex ) • The Adventure of the Three Garridebs ( Baroy Garrideb yoltik ) • The Adventure of the Illustrious Client ( Tcumpaf anelik ) • The Adventure of the Three Gables ( Barragufa mona ) • The Adventure of the Blanched Soldier ( Weriktaf sayakik ) • The Adventure of the Lion's Mane ( Yinaxot ke krapol ) • The Adventure of the Retired Colourman ( Bulusaf ksevadolesik ) • The Adventure of the Veiled Lodger ( Italkkirafa vredanikya ) • The Adventure of Shoscombe Old Place ( Shoscombe Old Place )