Toleafa kretsa (suterot)

**Toleafa kretsa**
	XANTO
	XANTO
Vergumvelt	The Adventure of the Second Stain
Sutesik	Arthur Conan Doyle
Ava	Englava
Suterotinda	Berpotam
Evla	1904
betara	teza

Toleafa kretsa

Toleafa kretsa ( englavon The Adventure of the Second Stain ) tir berpotam ke Arthur Conan Doyle taneon sanegayan bak 1904 koe Standard Magazine virda az direilanon koe Dimpira ke Sherlock Holmes berpotamak.

Vildeks

Tozafa bula

Lanrielon, Sherlock Holmes dene lipok ke Baker vawila gan Bellinger O^-ye is Trelawney Hope zo auzur. Battan tir Taneaf Eldik ke Britana isen bantan eldik va europaf arienteem. Sin va fitc ke Holmes ta maera va zolonapafa sokafa arienta rozed Trelawney Hope va lana twa ke divef gadesik weti tevka al kazawar, i va twa dem cek gozavzas odiaxaf kiren inafa tusaneagara va zolonafa gaderopafa ok dace geja co rovorotcesir. Neken mila twa daresielon zo dubieyer neke koe marnayan kold koe inafa mawa tigiyir. Holmes va twa abdi beta tusaneagara gokatrasir.

Maera

Sedme vrutara ke Trelawney Hope, twa wali oxam 19^-e bartiv is acku ( bartiv viele Hope a mawa sielestutuson buluyur ) is 23^-e bartiv is acku ( bartiv viele Hilda kurenya mal wenyaxe dimlakiyir ) al zo rodubier. Hope ruyer da kot kwik tir bagaliaf gu dirnura ise dum Hilda kurenya va kruldera ke bata twa me gruper. Kruldera ke twa bal eldapirdot anton zo razdayar.

Holmes trakur da bata gaderopafa pirtafa gomilara anton rotir skuks ke baroy korik ke London grupaskis va mana raplekura. Tan tir yoltkiraf gu Eduardo Lucas. Neken Watson koe gazdafa fela katcalar da Eduardo Lucas bak mielcek koe intafa oga al zo adjuber. Sedme Holmes, pisonara va Lucas is griawira ke tciamaf valdig va dikisa arienta tadled. Abdida Holmes va Lucas denlanir, pune gan Hida Hope O^-ya kurenya ke Trelawney Hope zo auzur. Bantanya va radeya ke kurenye dwir nume erur da Holmes va cek ke griawiyina twa razdar voxe kalvewar. Hope O^-ya me karaker.

Remi barka, Holmes va bata arienta noalon kobaver voxe va mecoba trasir. Bak balemeaf viel, francaf ardial kosmar da Eduardo Lucas va toleafa pilkoma faveyer ise koe Franca bevulayar lani Henri Fournaye. Wetce bata pilkoma, tiyir yerumanik ke lana stirafa lerkikya. Battanya pitcasa kabdue dilk ke kraba ke yerumanik ba siel ke gomilara koe London zo wiyir. Bak mil viel, Lestrade kogrupasik kal Baker vawila lanir aze va Holmes gu divulaca koe gomilaxo koe kraba ke Lucas givar. Tire, alto moe tcalist al zo katrasiyir, lize kretsapa ke fortey al tazukaweyer. Voxen, levmadason va tcalist, kogrupasik al katcalad da kretsa moe myeza valeve kretsa moe tcalist sye co gotigiyir voxe fereyenon kapbure bana enwe tigiyir. Holmes davon vangruper da tcalist mal torefa tirka ba siel ke gomilara sure al zo arplekur. Kogrupason va siskeem ke azeba leve tcalist, va birgaf vask ape preyutayasa va dubieyena twa kosmar, voxen in re tir vlardaf. Holmes va tel ardialik gonenintes va gomilaxo tagar nume raver da daresielon eglusikya ko kraba laniyir aze yonton gu rilituca va bonta ke gomilara levrictanon rovansayar. Wison va fortey ve akolukeyer numen trasitison va dimduntusisa ulixa, ardialik gograceyer. Viele dimlaniyir, pune lantanya al mallaniyir. Holmes pu ardialik va afigasuteks va Hope O^-ya nedir numen battan va arintafa ayikya kagruper.

Holmes va Hilda Hope denlakir. Bantan tere welidar da va twa dubieyena pu kurenye az arinton dimnariyina levu tcalist ke Eduardo Lucas dadir. Hilda Hope va kotafa arienta pu Holmes bam diver. Eduardo Lucas va renatwa suteyena gan Hilda Hope pu kontan metis Trelawney Hope abdi inafa yerumara dadiyir. Lucas va Hilda Hope bam ituyur : va vartafa twa kobudeyena koe kold ke kurenikye mbi gobulkayar enide bata twa rotplekusa va Hope O^-ya me di tusaneayar. Ina batvielu tegiyir inde itusik vebayar, jupason da kurenye va dalintafa tigira koe wenyaxe foliyir, num rokolanison va dilintafa mawa az levtiolteson va twa ( dem megrupen cek ) az tere bulkason pu Eduardo Lucas den dilint. Voxen moida Lucas va twa ko vask leve tcalist al aykayar, pune inafa lerkafa yerumanikya ko kraba al gepoyteyer. Bantan va toleafa blirinda ke battan koe London su kosmayar aze afizcekon al toideyer. Fournaye W^-ya va kurenik aytatason al ipeyer kire foliyir da Hilda Hope tiyir inaf fertik. Arti oxam konak viel, dimnaritison va dubieyena twa kou vask leve tcalist, Hope O^-ya gire al laniyir. Holmes va inya forendar nume gorar da va twa ko kold ke Trelawney Hope dimaykar. Jupar da bantan tere zo buiver da twa koe kold kotedje al zavzagir.

Yunkexa

Konaka yunkexa va berpotam, koe sanegasa virda bak 1904 :

Dere rupel

Arthur Conan Doyle : Englavaf suterotik ( 1859-1930 )
(en) Toleafa kretsa, dene Wikisource ( xantokrent )

Vuestexa

Tuveli icde Suteroteem

Tana yunkexa ke taneaf piskuks va berpotam bak 1904

t · p · b Sherlock Holmes, nevatum ke Arthur Conan Doyle
The Adventures of Sherlock Holmes ( Yona stuva ke Sherlock Holmes )
Berpot	1887 ~ A Study in Scarlet ( Vayara va kere ) • 1890 ~ The Sign of the Four ( Sugda ke balema ) • 1902 ~ The Hound of the Baskervilles ( Vakol ke Baskerville yasa ) • 1915 ~ The Valley of Fear ( Vuda Krant )	Sherlock Holmes
Yona stuva ke Sherlock Holmes The Adventures of Sherlock Holmes (1892)	A Scandal in Bohemia ( Bilita koe Ceska ) • The Red-Headed League ( Blakerikafa Gluyista ) • A Case of Identity ( Pilkomafa arienta ) • The Boscombe Valley Mystery ( Bula ke Boscombe krant ) • The Five Orange Pips ( Aluboya dorga ke kramte ) • The Man with the Twisted Lip ( Ayikye dem mucunaf kutc ) • The Blue Carbuncle ( Faltafa aka ) • The Speckled Band ( Pinunaf nok ) • The Engineer's Thumb ( Arekta ke dritikye ) • The Noble Bachelor ( Kaelafe oluikye ) • The Beryl Coronet ( Amoto dem berielxa ) • The Copper Beeches ( Rolmukafa tajda )
Namio ke Sherlock Holmes Memoirs of Sherlock Holmes (1894)	Silver Blaze ( Dilgavafa teyka ) • The Adventure of the Cardboard Box ( Liwayaf bor ) • The Adventure of the Yellow Face ( Blafotafa gexata ) • The Stock-broker's Clerk ( Betayes unenik ) • The Gloria Scott ( Gloria Scott tota ) • The Musgrave Ritual ( Musgrave welima ) • The Adventure of the Reigate Squire ( Pilkotik ke Reigate ) • The Adventure of the Crooked Man ( Minkedikye ) • The Resident Patient ( Ropen sokesik ) • The Greek Interpreter ( Ellasavaf remtrakusik ) • The Naval Treaty ( Birafa bioga ) • The Final Problem ( Bocaf zvak )
Dimpira ke Sherlock Holmes The Return of Sherlock Holmes (1905)	The Adventure of the Empty House ( Vlardafa mona ) • The Adventure of the Norwood Builder ( Vegedusik ke Norwood ) • The Adventure of the Dancing Men ( Stutesik ) • The Adventure of the Solitary Cyclist ( Antiaf tolkrafolusik ) • The Adventure of the Priory School ( Priory bema ) • The Adventure of Black Peter ( Ebeltaf Peter ) • The Adventure of Charles Augustus Milverton ( Charles Augustus Milverton ) • The Adventure of the Six Napoleons ( Tevoy Napoleon ) • The Adventure of the Three Students ( Baroy vayasik ) • The Adventure of the Golden Pince-Nez ( Moavaf pezkurt ) • The Adventure of the Missing Three-Quarter ( Graces berkik ) • The Adventure of the Abbey Grange ( Abbey Grange ) • The Adventure of the Second Stain ( Toleafa kretsa )
Inafa bocafa celyomura His Last Bow (1917)	The Adventure of Wisteria Lodge ( Wisteria Lodge waba ) • The Adventure of the Bruce-Pardington Plans ( Zovdom ke Bruce-Pardington midtota ) • The Adventure of the Devil's Foot ( Oretlikafa nuga ) • The Adventure of the Red Circle ( Kerafu ivamu ) • The Disappearance of Lady Frances Carfax ( Griawira ke Frances Carfax ) • The Adventure of the Dying Detective ( Ilblis kogrupasik ) • [His Last Bow - The War Service of Sherlock Holmes ( Inafa bocafa celyomura )
Savseluxaxak ke Sherlock Holmes The Case-Book of Sherlock Holmes (1927)	The Adventure of the Mazarin Stone ( Aka ke Mazarin ) • The Problem of Thor Bridge ( Zvak ke Thor za ) • The Adventure of the Creeping Man ( Upenyesikye ) • The Adventure of the Sussex Vampire ( Forteyfamik ke Sussex ) • The Adventure of the Three Garridebs ( Baroy Garrideb yoltik ) • The Adventure of the Illustrious Client ( Tcumpaf anelik ) • The Adventure of the Three Gables ( Barragufa mona ) • The Adventure of the Blanched Soldier ( Weriktaf sayakik ) • The Adventure of the Lion's Mane ( Yinaxot ke krapol ) • The Adventure of the Retired Colourman ( Bulusaf ksevadolesik ) • The Adventure of the Veiled Lodger ( Italkkirafa vredanikya ) • The Adventure of Shoscombe Old Place ( Shoscombe Old Place )