Birafa bioga (suterot)

**Birafa bioga**
	XANTO
	XANTO
Vergumvelt	The Adventure of the Naval Treaty
Sutesik	Arthur Conan Doyle
Ava	Englava
Suterotinda	Berpotam
Evla	1893
betara	teza

Birafa bioga

Birafa bioga ( englavon The Adventure of the Naval Treaty ) tir berpotam ke Arthur Conan Doyle taneon sanegayan bak 1893 koe Standard Magazine virda az direilanon koe Namio ke Sherlock Holmes berpotamak.

Vildeks

Tozafa bula

Watson selaropik va twa bas savsaf bemapalik yoltkiraf gu Percy Phelps kazawar, i bas palik kobas dene Foreign Office ristula dirgana gan Holdhurst O^-ye ziavik. Phelps diver da inafa klepa tir debalajafa nope astirbafa arienta nume dilder da Sherlock Holmes den int koe Woking ba siel di pir lize mali toloy aksat koe ilava akoler.

Holmes is Watson va Woking artlakid aze va Annie Harrison aguntanikya ke Phelps keveon zavzagiyisa remi vogonugal kevlanid, voxis va Joseph Harrison berikye ke bantanya gilduckuse do ikaberye. Phelps va toloy nik va stuvaja pwader.

Edje Phelps koe bazaxo koe Foreign Office ristulaxe bak 23^-e ke alubeaksat dum kotvielon tigiyir, pune birafa bioga ziavik va birgafa birafa bioga wal Engla is Italia bulkayar, i va bioga dem telizeem goksudan. Bak sielcek, Phelps koe bazaxo ant tigiyir ise va bat lag vetcoyeson kobaveyer. Gotenukeyer abdida Joseph Harrison ko golda di aneyayar. Nope leguca, Phelps mamleyer enide Tangey W^-ye fenkusik ke sidot va fada di vanbureyer. Voldum gubeon, to inafa kurenikya artlaniyir nume va benplekura kazawayar. Wori fada gaveyer nume Phelps kal vistalega ke fenkusik miv laniyir lize bantan kenibeyer edje lava ke fada lembieweyer. Phelps va fenkusik divmodayar azen ompe tauleyer, i ompe ke biota ke bozaxo ke Phelps. Viele Phelps kadimion ve sonkeyer, pune ko bazaxo ipeyer nume kosmayar da valdig su zo dubieyer. Kare zovdom ke xo, dubiesik rem krilaf tuvel vane gaest bide nuda arse al artlaniyir aze dimmallaniyir edje Phelps koe vistalega ke fenkusik tigiyir. Do bantan va nuda bam kallaniyir lize Forbes ardialik tigiyir nume ruyeyer da va Tangey W^-ya ( kurenik ke fenkusik ) ampusa al wiyir. Batdume uculera ke Phelps va inya benfir. Wori mecoba koe oga ke Tangey zo trasiyir. Nope bata astirbafa debala, Phelps oviskon flayduyur aze koe ilava akoleyer abdida va Watson uzerayar. Ostik, mamlera va biota abdi otcera ke dubiesik wan tir meroturingana bula.

Maera

Nope nega ke Phelps, Holmes va Woking bulur enide va Forbes ardialik is Holdhurst O-ye di kevlapikir, ise va dilevielafa dimtigira abdiplekur. Phelps tir valeaf rabateson da arienta koe nubanya tigir, aze kalion fraskewer. Viele Holmes direrielon dimlapir, pune Phelps gu rilitafa regala dilizeyena bak mielcek givar : edje kenibeyer, pune gan divulaf lor mal dilk zo divmodayar. Ranyayar aze va mil dilk laizon fenkuyur nume va ayikye ton gexata mastuyuna gu layki kosmayar. Bane bulikye tiyir dem wed voxe malvulteyer. Rindeson va conyuta moe xo, Holmes lajugotur da ine va gariaf ind ke Phelps al me bulur.

Holmes trakur da bulikye va int fugin lakostar mali rotaskitir. Acum i kogrupasik erur da Annie Harrison koe olkoba afizcekon di zavzagir, ise dakter da do Watson is Phelps ko London kolapir. Neke va impadimak koe Woking me rundanyar voxe konliz mone pilkot va int palser. Ba miel Annie Harrison va olkoba bulur aze marnar inde Holmes al erur. Ba tole bak miel, Holmes va Joseph Harrison kozwir. Bantel va mil suzenk dam darevielon malsaver enide ko vlardafa mawa ke pilkotik va int kostar. Kogrupasik va in dimnaris va birafa bioga kou vask kake lan pencek ke olkoba wir. Holmes va in onser ise va tciamaf valdig lajunarir voxe me lajufeliler. Harrison arti lyumara otcer. Neken Holmes pokolecker da Forbes ardialik walzeyen va gomilasik di katrasir.

Holmes va dilizeyes bifatum kadimion vilder. Ba siel ke dubiera, Joseph Harrison kan impadimak artlapiyir aze kakeveteson va ikaberye ko bazaxo laniyir. Va krilaf tuvel remolaniyir aze va vlardafo bazaxo trasiyir larde Phelps koe vistalega ke fenkusik ta fada banedje tigiyir. Harrison va Phelps mamleson kabeyer aze kadimion ve vofayar da vodapaf valdig moe baza tigiyir. Va valdig bam dubieyer aze remo mil tuvel otceyer. Ko Woking dimlapiyir aze kak lan pencek ke mawa va valdig palseyer, voxen moion Phelps ve swavadeoneyer numen mawa ke Harrison ta inafa senyara zo favlayar. Numen larde Annie Harrison va Phelps afizcekon is mielcekon dun rubayar, pune Joseph va valdig me rodimnariyir. Joseph, to ba inafa griakolera moi auzura ke Holmes is Watson is tena ke rubara ke Annie, va valdig oxam taneatomon ladimnariyir. Voxe tineyeson, diremielon toleon yovayar radimida berikya va olkoba al buluyur.

Yunkexa

Konaka yunkexa va berpotam, koe sanegasa virda bak 1893 :

Dere rupel

Arthur Conan Doyle : Englavaf suterotik ( 1859-1930 )
(en) Birafa bioga, dene Wikisource ( xantokrent )

Vuestexa

Tuveli icde Suteroteem

t · p · b Sherlock Holmes, nevatum ke Arthur Conan Doyle
The Adventures of Sherlock Holmes ( Yona stuva ke Sherlock Holmes )
Berpot	1887 ~ A Study in Scarlet ( Vayara va kere ) • 1890 ~ The Sign of the Four ( Sugda ke balema ) • 1902 ~ The Hound of the Baskervilles ( Vakol ke Baskerville yasa ) • 1915 ~ The Valley of Fear ( Vuda Krant )	Sherlock Holmes
Yona stuva ke Sherlock Holmes The Adventures of Sherlock Holmes (1892)	A Scandal in Bohemia ( Bilita koe Ceska ) • The Red-Headed League ( Blakerikafa Gluyista ) • A Case of Identity ( Pilkomafa arienta ) • The Boscombe Valley Mystery ( Bula ke Boscombe krant ) • The Five Orange Pips ( Aluboya dorga ke kramte ) • The Man with the Twisted Lip ( Ayikye dem mucunaf kutc ) • The Blue Carbuncle ( Faltafa aka ) • The Speckled Band ( Pinunaf nok ) • The Engineer's Thumb ( Arekta ke dritikye ) • The Noble Bachelor ( Kaelafe oluikye ) • The Beryl Coronet ( Amoto dem berielxa ) • The Copper Beeches ( Rolmukafa tajda )
Namio ke Sherlock Holmes Memoirs of Sherlock Holmes (1894)	Silver Blaze ( Dilgavafa teyka ) • The Adventure of the Cardboard Box ( Liwayaf bor ) • The Adventure of the Yellow Face ( Blafotafa gexata ) • The Stock-broker's Clerk ( Betayes unenik ) • The Gloria Scott ( Gloria Scott tota ) • The Musgrave Ritual ( Musgrave welima ) • The Adventure of the Reigate Squire ( Pilkotik ke Reigate ) • The Adventure of the Crooked Man ( Minkedikye ) • The Resident Patient ( Ropen sokesik ) • The Greek Interpreter ( Ellasavaf remtrakusik ) • The Naval Treaty ( Birafa bioga ) • The Final Problem ( Bocaf zvak )
Dimpira ke Sherlock Holmes The Return of Sherlock Holmes (1905)	The Adventure of the Empty House ( Vlardafa mona ) • The Adventure of the Norwood Builder ( Vegedusik ke Norwood ) • The Adventure of the Dancing Men ( Stutesik ) • The Adventure of the Solitary Cyclist ( Antiaf tolkrafolusik ) • The Adventure of the Priory School ( Priory bema ) • The Adventure of Black Peter ( Ebeltaf Peter ) • The Adventure of Charles Augustus Milverton ( Charles Augustus Milverton ) • The Adventure of the Six Napoleons ( Tevoy Napoleon ) • The Adventure of the Three Students ( Baroy vayasik ) • The Adventure of the Golden Pince-Nez ( Moavaf pezkurt ) • The Adventure of the Missing Three-Quarter ( Graces berkik ) • The Adventure of the Abbey Grange ( Abbey Grange ) • The Adventure of the Second Stain ( Toleafa kretsa )
Inafa bocafa celyomura His Last Bow (1917)	The Adventure of Wisteria Lodge ( Wisteria Lodge ) • The Adventure of the Bruce-Pardington Plans ( Zovdom ke Bruce-Pardington midtota ) • The Adventure of the Devil's Foot ( Oretlikafa nuga ) • The Adventure of the Red Circle ( Kerafu ivamu ) • The Disappearance of Lady Frances Carfax ( Griawira ke Frances Carfax ) • The Adventure of the Dying Detective ( Ilblis kogrupasik ) • [His Last Bow - The War Service of Sherlock Holmes ( Inafa bocafa celyomura )
Savseluxaxak ke Sherlock Holmes The Case-Book of Sherlock Holmes (1927)	The Adventure of the Mazarin Stone ( Aka ke Mazarin ) • The Problem of Thor Bridge ( Zvak ke Thor za ) • The Adventure of the Creeping Man ( Upenyesikye ) • The Adventure of the Sussex Vampire ( Forteyfamik ke Sussex ) • The Adventure of the Three Garridebs ( Baroy Garrideb yoltik ) • The Adventure of the Illustrious Client ( Tcumpaf anelik ) • The Adventure of the Three Gables ( Barragufa mona ) • The Adventure of the Blanched Soldier ( Weriktaf sayakik ) • The Adventure of the Lion's Mane ( Yinaxot ke krapol ) • The Adventure of the Retired Colourman ( Bulusaf ksevadolesik ) • The Adventure of the Veiled Lodger ( Italkkirafa vredanikya ) • The Adventure of Shoscombe Old Place ( Shoscombe Old Place )