Ayikye dem mucunaf kutc (suterot)

**Ayikye dem mucunaf kutc**
	XANTO
	XANTO
Vergumvelt	The Man with the Twisted Lip
Sutesik	Arthur Conan Doyle
Ava	Englava
Suterotinda	Berpotam
Evla	1891
betara	teza

Ayikye dem mucunaf kutc

Ayikye dem mucunaf kutc ( englavon The Man with the Twisted Lip ) tir berpotam ke Arthur Conan Doyle taneon sanegayan bak 1891 koe Standard Magazine virda az direilanon koe Yona stuva ke Sherlock Holmes berpotamak.

Vildeks

Bak 1890, Watson selaropik bak gaveon mielcek gan Whitney W^-ya zo rozar, i gan nik ke kurenya. Inafe kurenikye mali konak viel al griawir ise larde tir vibongafamik, pune koe wupesise vibongaxe ke East End revava ke London arse tigir.

Whitney W^-ya dwirsir nume va Watson denlakir enide katrasitison va kurenye di zo pomar. Selaropik askir voxe zo gevapar viele va Sherlock Holmes banlize gamdar, i va nik efuyus ton guazik is kaaneyas va giva tikisa vas warzafa toda vanmiae vibongafamikeem.

Griawira ke Neville Saint-Clair W^-ye tise fiuntaf is uxaf arientusik tir bulapafa larde Saint-Clair W^-ya lanecker da va ine kake dilk ke toleaf vegem ke vibongaxe ke Upper Swandam nuda poke etolxo al wir. Ine va dilk vere al illanir numen Saint-Clair W^-ya trakuckuyur da kon zvak dilizeyer.

Batdume ina va xe lakolaniyir voxe gan pilkotik ke vibongaxe zo tatceyer. Bam va ardial gukoeyer voxazen ardialik va Saint-Clair W^-ye me lajutrasiyid. Koe olkoba lize ine al zo kozwiyir, pune tanoy prazdaf is zionapaf wipitesik anton tigiyir, i ayikye grupepene gan ardial is yoltkirafe gu Hugh Boone.

Ardialik ko munesteks fu bazeyed da batcoba tiyir rokla viele Saint-Clair W^-ya va bor dem norkaxa kum inta tcaluteyer ise kagrupeyer, i va bor djulusteyen gan kurenye mu nazbeye. Kaljoxara va ki ke vageem ke kurenye trasiyir.

Kadimion inafa lioza dem ucom kotraf gu talolk kou Thames kuksa tite xe zo katrasir. Wipitesik zo soper aze gu ardialxe zo kostoler. Holmes taneon lanecker da Saint-Claire W^-ye tiyir adjubeyen xakeyes kosik. Voxen arti vieltum radimi griawira ke Saint-Clair W^-ye, inaf kurenik va inon suteyena twa kazawar. Artfira ke bata twa vebar da Holmes va zolteks dimon gokrafiar.

Holmes ko ardialxe lanir lize va lesay ware zionaf ke Boone kan weepta tcater nume va gexata ke Neville Saint-Clair razdar. Saint-Clair kowelidar, pebuson da va jontolafa blira al ugalar. Bak jotugal, tiyir wenyusik az felusik. Nope olegara va lan teliz, gu wipitesik va int abicedje efuyur ise va erba jontikote wayar. Kaikion, ta verkara va bozapa, remi konak viel gin wipiteyer. Adre vanpiyir wipitesebik. Inaf waks tiyid umote in robevulayar wabik ise va kureranya roguzekayar. Holmes vilter da va birga ke Saint-Clair di nendoyer liedje Hugh Boone mea awitir.

Bata rupa tir tanafa ke rupeem ke Holmes. Viele bula zo maer pune dostecket da meka gomilara al tiyir. Volcum aryona rupa, Holmes me diver kane va bula al lajumaer nume isker da belisik miv gomaltrakur.

Yunkexa

Konaka yunkexa va berpotam, koe sanegasa virda bak 1891 :

Dere rupel

Arthur Conan Doyle : Englavaf suterotik ( 1859-1930 )
(en) Ayikye dem mucunaf kutc, dene Wikisource ( xantokrent )

Vuestexa

Tuveli icde Suteroteem

t · p · b Sherlock Holmes, nevatum ke Arthur Conan Doyle
The Adventures of Sherlock Holmes ( Yona stuva ke Sherlock Holmes )
Berpot	1887 ~ A Study in Scarlet ( Vayara va kere ) • 1890 ~ The Sign of the Four ( Sugda ke balema ) • 1902 ~ The Hound of the Baskervilles ( Vakol ke Baskerville yasa ) • 1915 ~ The Valley of Fear ( Vuda Krant )	Sherlock Holmes
Yona stuva ke Sherlock Holmes The Adventures of Sherlock Holmes (1892)	A Scandal in Bohemia ( Bilita koe Ceska ) • The Red-Headed League ( Blakerikafa Gluyista ) • A Case of Identity ( Pilkomafa arienta ) • The Boscombe Valley Mystery ( Bula ke Boscombe krant ) • The Five Orange Pips ( Aluboya dorga ke kramte ) • The Man with the Twisted Lip ( Ayikye dem mucunaf kutc ) • The Blue Carbuncle ( Faltafa aka ) • The Speckled Band ( Pinunaf nok ) • The Engineer's Thumb ( Arekta ke dritikye ) • The Noble Bachelor ( Kaelafe oluikye ) • The Beryl Coronet ( Amoto dem berielxa ) • The Copper Beeches ( Rolmukafa tajda )
Namio ke Sherlock Holmes Memoirs of Sherlock Holmes (1894)	Silver Blaze ( Dilgavafa teyka ) • The Adventure of the Cardboard Box ( Liwayaf bor ) • The Adventure of the Yellow Face ( Blafotafa gexata ) • The Stock-broker's Clerk ( Betayes unenik ) • The Gloria Scott ( Gloria Scott tota ) • The Musgrave Ritual ( Musgrave welima ) • The Adventure of the Reigate Squire ( Pilkotik ke Reigate ) • The Adventure of the Crooked Man ( Minkedikye ) • The Resident Patient ( Ropen sokesik ) • The Greek Interpreter ( Ellasavaf remtrakusik ) • The Naval Treaty ( Birafa bioga ) • The Final Problem ( Bocaf zvak )
Dimpira ke Sherlock Holmes The Return of Sherlock Holmes (1905)	The Adventure of the Empty House ( Vlardafa mona ) • The Adventure of the Norwood Builder ( Vegedusik ke Norwood ) • The Adventure of the Dancing Men ( Stutesik ) • The Adventure of the Solitary Cyclist ( Antiaf tolkrafolusik ) • The Adventure of the Priory School ( Priory bema ) • The Adventure of Black Peter ( Ebeltaf Peter ) • The Adventure of Charles Augustus Milverton ( Charles Augustus Milverton ) • The Adventure of the Six Napoleons ( Tevoy Napoleon ) • The Adventure of the Three Students ( Baroy vayasik ) • The Adventure of the Golden Pince-Nez ( Moavaf pezkurt ) • The Adventure of the Missing Three-Quarter ( Graces berkik ) • The Adventure of the Abbey Grange ( Abbey Grange ) • The Adventure of the Second Stain ( Toleafa kretsa )
Inafa bocafa celyomura His Last Bow (1917)	The Adventure of Wisteria Lodge ( Wisteria Lodge ) • The Adventure of the Bruce-Pardington Plans ( Zovdom ke Bruce-Pardington midtota ) • The Adventure of the Devil's Foot ( Oretlikafa nuga ) • The Adventure of the Red Circle ( Kerafu ivamu ) • The Disappearance of Lady Frances Carfax ( Griawira ke Frances Carfax ) • The Adventure of the Dying Detective ( Ilblis kogrupasik ) • [His Last Bow - The War Service of Sherlock Holmes ( Inafa bocafa celyomura )
Savseluxaxak ke Sherlock Holmes The Case-Book of Sherlock Holmes (1927)	The Adventure of the Mazarin Stone ( Aka ke Mazarin ) • The Problem of Thor Bridge ( Zvak ke Thor za ) • The Adventure of the Creeping Man ( Upenyesikye ) • The Adventure of the Sussex Vampire ( Forteyfamik ke Sussex ) • The Adventure of the Three Garridebs ( Baroy Garrideb yoltik ) • The Adventure of the Illustrious Client ( Tcumpaf anelik ) • The Adventure of the Three Gables ( Barragufa mona ) • The Adventure of the Blanched Soldier ( Weriktaf sayakik ) • The Adventure of the Lion's Mane ( Yinaxot ke krapol ) • The Adventure of the Retired Colourman ( Bulusaf ksevadolesik ) • The Adventure of the Veiled Lodger ( Italkkirafa vredanikya ) • The Adventure of Shoscombe Old Place ( Shoscombe Old Place )