Moavaf pezkurt (suterot)

**Moavaf pezkurt**
	XANTO
	XANTO
Vergumvelt	The Adventure of the Golden Pince-Nez
Sutesik	Arthur Conan Doyle
Ava	Englava
Suterotinda	Berpotam
Evla	1904
betara	teza

Moavaf pezkurt

Moavaf pezkurt ( englavon The Adventure of the Golden Pince-Nez ) tir berpotam ke Arthur Conan Doyle taneon sanegayan bak 1904 koe Standard Magazine virda az direilanon koe Dimpira ke Sherlock Holmes berpotamak.

Vildeks

Tozafa bula

Bak mutaf sielcek, Stanley Hopkins ardialik ke Scotland Yard va lipok ke Baker vawila artlanir. Remi afizcek va warzafa arienta al kogrupar voxe me lajumaer... Koe Yoxley Old Place pilkot tigis koe Chatham ( Kent winka ), tcunamafe guazafe tavesikye yoltkirafe gu Coram blir, do Marker W^-ya lana pomasikya is Susan Tarlton kwikya. I tavesik va jotafe suteptikye yoltkirafe gu Willoughby Smith dere dikiyir voxen bantel laridagabeyenon koe bazaxo ke Coram zo katrasiyir miledje in koe mawa tigiyir. Yik mayakaf al kizoyuyur numen Susan Carlton ko bazaxo lagreleteson ipeyer numaze va inaf bocaf ewatum nareyer : « Tavesik... tiyir, to ina... » levida in nope bakaks zertuyur. Smith va moavayaf pezkurt koe ronenuba giyir, i va pezkurt ape digin gan adjubesik.

Maera

Stanley Hopkins pu Holmes va ra dizveyena moe gomilaxo taneon razdar. Va conyuta ke bora moe kadoma ke preima kene gaest wale vawa is mona al katcalar. Batcoba sugdalar da korik obrayar enide conyuta moo gaest me di tid rowina. Conyuta moe preima me noved da toka nia ke abdulanira tiyir : van mona ok van volson vawa. Koe bazaxo gomilxa ( imizxa ) drume alto zo katrasiyir isen gentim ke bakaks torar da batcoba vol tir ksera. Viele Hopkins va pezkurt trasiyin koe nuba ke kosik bulkar, pune Holmes trumapon rinder nume male staaveem satcon maltrakur da in tiyir ke kontanya tisa wijisa...

Direvielon Holmes is Watson van Chatham kan impadimak mallapid. Holmes taneon katcalar da gomilayasa ayikya ape medjumaytason piyir larde faveyena gomilxa tiyir wedokam tigis moe bazatinidama koe olkoba ke gomilara. Ede ayikya va aytara va Smith co guzekayar, pune dem ervo sye co piyir. Ison Holmes va kotcaks poke ludot ke bazatinida katcalar. I kogrupasik maltrakur da gomilasik va guto lafenkuyur numaze jupekayar. Sedme Holmes, va valdig kou tinida aneyayar voxe gan Smith vimubon zo onseyer. Zo ebiduyur isen pezkurt zo divnariyir. Inya kan konariyin wedok va int rojuyur aze va ruzadesik aytayar aze otceyer. Voxen bexoda ta yatera tid abica : ke baroy tuvel ke bazaxo, tan tir ko plor lizu Susan Tarlton artlaniyir ( num merotis ); toleaf ko fogelom ticlanis va mawa ke Coram ( kle merotis ); bareaf van ar plor kale gaest ke waba ( ant rotisa bexoda ).

Holmes va Coram koe mawa kevlanir aze va jontika ruseta doon vikizasir aze va olkoba undeteson bulur... Titi kielcek ko mawa gire pir aze pu tavesik wiluon dakter da va arienta al maer, ruyeson da ayikya ke dareviel koe mastuyuna olkoba kake nevak tigir. Guazaf tavesik zo stuiker numazen ayikya va int divvaskar. Wetce Anna kurenik ke Coram va int pilkomar ugale sin koe Rossia bliyid ise diver dume va tciamaf valdig kou bazatinida djudimnariyir. Onseyenon gan Smith voxaz katrasiyison va wezo, va tuvel djuyateson roklayar nume ko mawa ke Coram artlaniyir. Bantel balte naleyer da di preyutayar. Moi bata razdara, Anna nope jiva fixayana abdi divlanira va vask zertur.

Holmes razdar da abdigrupeyer da pisonasik koe waba wan tigiyir kiren antafa conyuta ke bora katrasiyina dive pilkot va werda obrason kenolaniyid, voxen batcoba tiyir merotisaca ke wiakirajik a wezo. Numen uculeson va Coram gu preyutara va ayikya, Holmes va jontika ruseta tutcastason va guboy mo sid batdume al vikizasiyir, kabdu tulon nevak lize trakuyur da kon vask mastuyunon kakeon rotigiyir. Ba inafa dimpira bak kielcek, guboyolk kabdue nevak al zo seluyud numen batcoba tiyir wazdexa va arplekura va guto. Luxe bocafa ewa ke Smith (« Tavesik... tiyir, to ina... »), divera tir da yikye va titis pisonasik gozason darevielon al kakeveyer viele va mane ke Coram tavesik mbi eruyur. Acum Smith do tavesik vaon di pulviyir nume va pisonikya pu unesik kan bata bocafa ewa ladasugdayar.

Yunkexa

Konaka yunkexa va berpotam, koe sanegasa virda bak 1904 :

Dere rupel

Arthur Conan Doyle : Englavaf suterotik ( 1859-1930 )
(en) Moavaf pezkurt, dene Wikisource ( xantokrent )

Vuestexa

Tuveli icde Suteroteem

Tana yunkexa ke taneaf piskuks va berpotam bak 1904

t · p · b Sherlock Holmes, nevatum ke Arthur Conan Doyle
The Adventures of Sherlock Holmes ( Yona stuva ke Sherlock Holmes )
Berpot	1887 ~ A Study in Scarlet ( Vayara va kere ) • 1890 ~ The Sign of the Four ( Sugda ke balema ) • 1902 ~ The Hound of the Baskervilles ( Vakol ke Baskerville yasa ) • 1915 ~ The Valley of Fear ( Vuda Krant )	Sherlock Holmes
Yona stuva ke Sherlock Holmes The Adventures of Sherlock Holmes (1892)	A Scandal in Bohemia ( Bilita koe Ceska ) • The Red-Headed League ( Blakerikafa Gluyista ) • A Case of Identity ( Pilkomafa arienta ) • The Boscombe Valley Mystery ( Bula ke Boscombe krant ) • The Five Orange Pips ( Aluboya dorga ke kramte ) • The Man with the Twisted Lip ( Ayikye dem mucunaf kutc ) • The Blue Carbuncle ( Faltafa aka ) • The Speckled Band ( Pinunaf nok ) • The Engineer's Thumb ( Arekta ke dritikye ) • The Noble Bachelor ( Kaelafe oluikye ) • The Beryl Coronet ( Amoto dem berielxa ) • The Copper Beeches ( Rolmukafa tajda )
Namio ke Sherlock Holmes Memoirs of Sherlock Holmes (1894)	Silver Blaze ( Dilgavafa teyka ) • The Adventure of the Cardboard Box ( Liwayaf bor ) • The Adventure of the Yellow Face ( Blafotafa gexata ) • The Stock-broker's Clerk ( Betayes unenik ) • The Gloria Scott ( Gloria Scott tota ) • The Musgrave Ritual ( Musgrave welima ) • The Adventure of the Reigate Squire ( Pilkotik ke Reigate ) • The Adventure of the Crooked Man ( Minkedikye ) • The Resident Patient ( Ropen sokesik ) • The Greek Interpreter ( Ellasavaf remtrakusik ) • The Naval Treaty ( Birafa bioga ) • The Final Problem ( Bocaf zvak )
Dimpira ke Sherlock Holmes The Return of Sherlock Holmes (1905)	The Adventure of the Empty House ( Vlardafa mona ) • The Adventure of the Norwood Builder ( Vegedusik ke Norwood ) • The Adventure of the Dancing Men ( Stutesik ) • The Adventure of the Solitary Cyclist ( Antiaf tolkrafolusik ) • The Adventure of the Priory School ( Priory bema ) • The Adventure of Black Peter ( Ebeltaf Peter ) • The Adventure of Charles Augustus Milverton ( Charles Augustus Milverton ) • The Adventure of the Six Napoleons ( Tevoy Napoleon ) • The Adventure of the Three Students ( Baroy vayasik ) • The Adventure of the Golden Pince-Nez ( Moavaf pezkurt ) • The Adventure of the Missing Three-Quarter ( Graces berkik ) • The Adventure of the Abbey Grange ( Abbey Grange ) • The Adventure of the Second Stain ( Toleafa kretsa )
Inafa bocafa celyomura His Last Bow (1917)	The Adventure of Wisteria Lodge ( Wisteria Lodge ) • The Adventure of the Bruce-Pardington Plans ( Zovdom ke Bruce-Pardington midtota ) • The Adventure of the Devil's Foot ( Oretlikafa nuga ) • The Adventure of the Red Circle ( Kerafu ivamu ) • The Disappearance of Lady Frances Carfax ( Griawira ke Frances Carfax ) • The Adventure of the Dying Detective ( Ilblis kogrupasik ) • [His Last Bow - The War Service of Sherlock Holmes ( Inafa bocafa celyomura )
Savseluxaxak ke Sherlock Holmes The Case-Book of Sherlock Holmes (1927)	The Adventure of the Mazarin Stone ( Aka ke Mazarin ) • The Problem of Thor Bridge ( Zvak ke Thor za ) • The Adventure of the Creeping Man ( Upenyesikye ) • The Adventure of the Sussex Vampire ( Forteyfamik ke Sussex ) • The Adventure of the Three Garridebs ( Baroy Garrideb yoltik ) • The Adventure of the Illustrious Client ( Tcumpaf anelik ) • The Adventure of the Three Gables ( Barragufa mona ) • The Adventure of the Blanched Soldier ( Weriktaf sayakik ) • The Adventure of the Lion's Mane ( Yinaxot ke krapol ) • The Adventure of the Retired Colourman ( Bulusaf ksevadolesik ) • The Adventure of the Veiled Lodger ( Italkkirafa vredanikya ) • The Adventure of Shoscombe Old Place ( Shoscombe Old Place )