Koyarafilav (suterot)
|
Koyarafilav tir stuvaf berpot ke Jules Verne sanegayan bak 1903, tis tana karba ke Yona zultafa koyara nevatum. VildeksAntillan School tir vartafa londonafa reila tanon vedgobesa va sardik xantaf gu Antilla. Lerdoy reilik va koyarafilav firvin gan Seymour W-ya kulaf pilkotik ke Barbadosa mbi yofted. Harry Markel gri totas redakik re tis tcordik su zo gralomer az ko Engla al zo arburer. Do dofugiktum va int divstoler aze va Alert barnoriskafa tota mallapisa koilkar, stakeyeson va redakik is drig. Voxen yoftembik dositan gan Horatio Patterson pofesik va reila to dye mo bata tota korundanyad. Remlapirapa va Atlantika welfa tenuwer isen Markel nariyis va pilkoma ke adjubeyen fayik va kotasikeem djuprolaridagaber. Voxe zo givar da ban va erbitayapa gan Seymour W-ya ba artlapira va Barbadosa fu mbi bulkar. Warkon, Markel trobindar da va reiliktum nore umber. Sin va yona ewala soktasokton koyad, i va ewala lize al kobliyid, lacon emudenon gan vuwik is nik. Koyara koo tursia tir vecara voxen tena folvon di rovotir. Tire viele Markel lanecker da reiliktum va gablexa firviyina gan Seymour W-ya malgir, pune djuprozobar. Will Mitz birelik rundanyayas va Alert tota juikeyenon gan Seymour W-ya, va gomilasa erava ke rolaf redakik onser. Impavantason va miel, do reilikeem layater voxe tiner. Voxaze va tcordik lajukobuder nume va dirgara va tota narir. Tcordik folvon xonuked, volins nekiyis va fird. Tota tere belxar. Mitz is reilikeem va witka lajurundanyad aze iyelon tiskid vieli gan gantatota zo giwad aze va Britana dimlapid. YunkexaKonaka yunkexa va berpot, koe piskura ke 1903 Dere rupel
Vuestexa
|
 Moek ke taneaf piskuks va berpot bak 1903 | ||||||||||||||||
.svg){kind=icon}
