Gesya Gelfman

Gesya Gelfman

1855-1882

Rossiaf artowasik

Gesya Mirovna Gelfman ( rossiavon Геся Мировна Гельфман ) tiyir rossiaf artowasik. Koe Mazir koe Belarusa ke savsafo rossiafo gindaxo ba 30/11/1855 kobliyir. Ba 13/02/1882 koe flintropexe ke Sankt Peterburg koe Rossia awalkeyer. Blirizva Gesya Gelfman tir vey yudafa yasa. Ba santevda enide va vanvuna kurera taruter, pune ko Kyiv yater lize koe oksiiaxe di kobar aze va lizukaf artowas rijay toz nobar. Pilkovon do Lev Deutsch is Nikolay Kolodkevitc titis kurenik tunawer. Jiz va 50 ke Sankt Peterburg (1877) Jizanik Агапов С. И. — Semyon Agapov — 3 xaltafa tanda is 4 aksat ta poana kobara Александров В. П. — Aleksandrov V- P- — 6 xaltafa tanda ta poana kobara Александров Г. А. — Aleksandrov G- A- — Divblira koe Sibiria Александрова В. И. — Varvara Aleksandrova — Divblira koe Sibiria Алексеев П. А. — Pyotr Alekseyev — 10 xaltafa tanda ta poana kobara Бардина С. И. — Sofia Bardina — 9 xaltafa tanda ta poana kobara Баринов И. В. — Barinov I- V- — Divblira koe Sibiria Батюшкова В. Н. — Varvara Batyuckova — Divblira koe Sibiria Беляевский А. П. — Belyayevski A- P- — Divblira koe Sibiria Васильев Н. — Vasilyev N- — Divblira koe Sibiria Введенская Е. А. — Vvedenskaya E- A- — 2 dagina safta Воронков М. Ф. — Voronkov M- F- — Divblira koe Sibiria Гамкрелидзе А. Е. — Antimoz Gamkrelidze — Divblira koe Sibiria Гельфман Г. М. — Gesya Gelfman — 2 tanda ta poana kobara Георгиевская Н. Г. — Georgievskaya N- G- — 2 flintaf aksat Георгиевский В. Г. — Georgievski V- G- — Divblira koe Sibiria Джабадари И. С. — Ivan Djabadari — 5 xaltafa tanda ta poana kobara Егоров Ф. Е. — Egorov F- E- — Divblira koe Sibiria Едуков И. И. — Edukov I- I- — 1 flintafa tanda isu 3 aksat Едуков Н. И. — Edukov N- I- — 3 aksat ta poana kobara Зданович Г. Ф. — Georgi Zdanovitc — 6 xaltafa tanda is 8 aksat ta poana kobara Злобин И. А. — Zlobin I- A- — Divblira koe Sibiria Иванов Л. А. — Lev Ivanov — Divblira koe Sibiria Кардашев С. M. — Stepan Kardacev — 5 xaltafa tanda ta poana kobara Ковалев В. О. — Kovalev V- O- — Divblira koe Sibiria Кураков И. А. — Kurakov I- A- — 3 dagina safta Лукашевич А. О. — Lukacevitc A- O- — Divblira koe Sibiria Любатович В. С. — Vera Lyubatovitc — Divblira koe Sibiria Любатович О. С. — Olga Lyubatovitc — 9 xaltafa tanda ta poana kobara Медведева Е. П. — Medvedeva E- P- — Divblira koe Sibiria Млодецкий М. А. — Mlodetski M- A- — Divblira koe Sibiria Николаев П. Н. — Nikolayev P- N- — Divblira koe Sibiria Нуромский А. И. — Nuromski A- I- — Divblira koe Sibiria Овчинников М. П. — Ovtcinnikov M- P- — Divblira koe Sibiria Остров П. А. — Ostrov P- A- — Рождественский И. М. — Rojdestventski I- M- — Сбромирский Г. А. — Sbromirski G- A- — Сидорацкий Г. П. — Sidoratski G- P- — 6 safta koe enintena is budena mona Субботина Е. Д. — Yevgenya Subbotina — Divblira koe Sibiria Субботина М. Д. — Maria Subbotina — Divblira koe Sibiria Субботина Н. Д. — Nadejda Subbotina — Divblira koe Sibiria Топоркова А. Г. — Anna Toporkova — 4 tanda ta poana kobara Трубецкой А. Е. — Trubetskoy A- E- — 2 dagina safta Туманова-Гамкрелидзе Е. Б. — Ekaterina Tumanova-Gamkrelidze — 6 flintafa safta Фетисов И. С. — Fetisov I- S- — 1 flintafa tanda isu 3 aksat Фигнер Л. Н. — Lidya Figner — Divblira koe Sibiria Хоржевская А. С. — Aleksandra Xorjevskaya — 5 xaltafa tanda ta poana kobara Цвиленев Н. Ф. — Nikolay Tsvilenev — Divblira koe Sibiria Цицианов А. К. — Aleksandr Tsitsianov — 8 xaltafa tanda ta poana kobara Чикоидзе M. H. — Mixail Tcikoidze — Divblira koe Sibiria Bak 1870-e sanda nope artowasa tegira zo soper. Bak 1877 bal jiz va artowas sayudasik yoltkiron gu Jiz va 50, gu tolda ta poana kobara zo lanzar. Il stanjuxo koe Staraya Rusa bak santaneaksat ke 1879 yater aze ko Sankt Peterburg lakir lize va Narodnaya Volya grustaks yoter. Dene grustaks gu gedira va konaka birgotafa kraba zo vajger. Ugalon gu bilmara lajupadjubesa va Aleksandr II gindik (13/03/1881), yolton gu Elena Grigorieva do Nikolay Sablin palik wetce merotuculena kureyena tolonga koe tanbata kraba blir. Arti tolka radimi bilmara, ardial va kraba kowir. Gesya Gelfman zo soper solve Nikolay Sablin viltason ko taka va ksera abdualbar. Ina va kota pakera va bata bilmara meur voxe wetce sayudasik ke Pervomartovtsi dostak gan malyerot zo xonukalanzar. Voxe nazber numen lanzara gu balemsanda radimi koblira ke pintik az parmafa koflintara zo arevlar. Nikolay Kolodkevitc yerumanye bak saneaksat dere al zo sopeyer. Bak saneaksat Gesya va nazbeikya nazbar voxen bana ina arti balemoy aksat zo deswar ise koe gadiskikxe zo rundayar. Gesya ba 13/02/1882 nope selajayana wemudakola moi radekara mulufter. Nazbeya kadimion dere mulufter. Kolodkevitc nope brayakola arti tolda koe flint luxeon awalker. « Ina tiyir tana yoltiskafa gradilikya, i tan bat tapedaf dodelik varon wetas gu lazava is mekretus va koncoba ta int. Sina va loniaafa yorda kalnaled ; ta lodulkaf ol va int wetad. Va yolt ta daalara al beitad ; va megrupenik al ditsad ; megrupeson va cek, va eruilt al bured. Pu battanya ezlopik va blok me tarizar. Izva va sinaf yolt ko ugalda me suter. Direkeugal ta sina va kagrupera me tikir. Wori a sinafa bodara, pako me co krulder. Kota lyumara co tumerotisawer. Voxen to xuyava va tana tapedafa dodelikya narar ise gu tapeducapa titisa inafa blira sollimpar ise ontinapon plekur maneke inafa kotgrupuca tutameawer. Numen kota disukera kev battanya nutisa morafa titickawer. Ke ina va kolmeem ke glogapa is vobuca is takreluca kosmat maneke mafelara ke kot laoik zo poar. » — Sergey Kravtcinski Strepnyak brudis va Gesya Gelfman koe « Подпольная Россия », 1885. Bak 1883 Sergey Mixailovitc Kravtcinski-Stepnyak artowas galbedusik pu Gesya Gelfman va tana anyustoya « artowasikafa liota » ke Levedafa Rossia tarizar, i va antafa liota burkon ektuna pu korik miv megrupeyen. Strepnyak suter : Dere rupec ► Rossiafa artowasikya Vuestexeem (en) Sinkin J., Gesia Gelfman, Spartacus Educational, 1997 (ru) Ioxelson V. is Kantor R., Gesia Gelfman, Материалы для биографии и характеристики, 1922 (ru) Kantor R., Gesia Gelfman, 1930.

Gesya Gelfman  Koblira  30/11/1855,  Mazir, Belarusa  Awalkera  13/02/1882,  Sankt Peterburg, Rossia  Vedeyot  Rossia  Tegira  Grustas artowasik   Bifa  Narodnaya Volya grustaks   Tuveli icde Izvopa  Afigasuteks va Nikolay Kolodkevitc (1849-1884), yerumanik ke Gesya Gelfman