Evdokia Ivanovskaya

Evdokia Ivanovskaya

1855-1940

Rossiaf artowasik

Evdokia Semyonovna Ivanovskaya yer-kirafa gu Korolenko ( rossiavon Евдоки́я Семёновна Ивано́вская, Короленко ) tiyir rossiaf artowasik. Koe Sokovnino widama koe Tula bowexo ke savsafo rossiafo gindaxo bak 1855 kobliyir. Bak 1940 koe Poltava ke Ukraina koe savsafa TSSS awalkeyer. Blirizva Evdokia koe Sokovnino wida ke Tcerni utca koe Tula bowexo koblir, nazbeya ke gertikye. Va toloya berya Praskovya is Aleksandra is baroye berikye Vasili az Ivan az Pyotr dikir. Gan ujafa reila ke Tula zo dobar, aze dene Lubyanka kizey koe Moskva vayar. Bak imwugal ke 1876 koe Moskva nope Ardasenov / Balmacyov galbedusa arienta ke Vologda winka zo soper. Ervo is volmwedaf sanegaks is rolafa remeluxaxa bal kowira zo trasid. Remi tanoya tanda is sanoy aksat zo dagir aze zo amulanon tunuyar. Ba 07/02/1879 ristulon zo lanzar, ton gakera gu stanjura lentronefa winka is enintera ke ardial. Katrasinon gan ardial, ba 07/03/1879 koe Moskva bal kowira va kraba ke Makov zo soper. Ko Olonets winka zo stakser. Mali 29/08/1879 koe Povenets stanjunon is enintenon gan ardial blir. Bak 1880 ko Kostroma zo arburer lize kali 1883 zavzagir. Bam, radimi tutenara va winugafa enintera, va Nijni Novgorod koirubar. Bak taneaksat ke 1886 va Vladimir Korolenko suterotik banlize yerumar. Wali 1895 is 1900 koe Sankt Peterburg soker aze koe Poltava lize bak 1940 di awalker. Berikeem Vasili Semyonovitc Ivanovski ( 1846-1911 ) : saneevaf artowasik Aleksandra Semyonovna Ivanovskaya ( 1851-1917 ) : saneevaf artowasik Praskovya Semyonovna Ivanovskaya ( 1852-1935 ) : saneevaf artowasik Ivan Semyonovitc Ivanovski ( 1859- ) : saneevaf artowasik Pyotr Semyonovitc Ivanovski ( 1863- ) Vasili Ivanovski Aleksandra Ivanovskaya Praskovya Ivanovskaya Dere rupec ► Rossiafa artowasikya Vuestexeem (ru) Ивановская Евдокия Семеновна // Деятели революционного движения в России, Ф. Я. Кона и др. — М. : Всесоюзное общество политических каторжан и ссыльнопоселенцев, 1927—1934.

Evdokia Ivanovskaya  Koblira  1855,  Sokovnino, Tula winka, Rossia  Awalkera  1940,  Poltava, Ukraina, TSSS  Vedeyot  Rossia  Tegira  Galbedus artowasik   Bifa  Zemlya i Volya grustaks   Tuveli icde Izvopa  Korolenko yasa : Evdokia Ivanovskaya is Vladimir Korolenko is Natalya nazbeya isu Sofia, 1903