Vera Zasulitc

Vera Zasulitc

1849-1919

Rossiaf artowasik

Vera Ivanovna Zasulitc ( rossiavon Вера Ивановна Засулич ) tiyir rossiaf arotievaf artowasik az marxevik. Koe Mixailovka widama ke Smolensk bowexo koe savsafo rossiafo gindaxo ba 08/08/1849 kobliyir. Ba 08/05/1919 koe Sankt Peterburg awalkeyer. Blirizva Ke oluafa yasa, Vera koe olda koe Sankt Peterburg vayar lize va kotlafa artowasa anameda nume daalayason va Sergey Netcayev mecobevik bak alubeaksat ke 1869 zo soper. Zo koflintar aze bak bareaksat ke 1871 tere zo tunuyar. Bam va Xarkiv koirubar lize va Geef jalmasikeem birgotaf blay grustas va bilmara va gindafa vertuma di denfir. Ko Swiza gelber aze ko Rossia dimpir banlize dene Zemlya i Volya grustaks sayudar. Moi solpera va lizor bak anyusteaksat ke 1879, do Georgi Plexanov is Pavel Akselrod is Lev Deutsch is Ossip Aptekman is Elizaveta Kovalskaya va zabdura va Tcerni Peredel grelta paker. Va marxevaf sanegaks kalrossiavar, don tulon Exaksa ke doevafo pako sanegayana bak 1882 koe Genève. Koe London koe Britana gelber. Radimi daalara va Karl Marx, va arotieva ilfir aze mali 1883 va marxevaf lizor yoter. Do Georgi Plexanov va Tunuyara va Kobara lospa zabdur, i va taneaf marxevaf grustaks, ise va sanegara va Iskra fela paker. Bal toleafa aba ke Dodelafo Seltasokasanerotifo Rossiafo Pako koe Bruxelles az London bak anyusteaksat ke 1903, va tcilkeem ke Lenin garfelon tsuner. Ba 08/05/1919 kadimi Artowara ke Santaneaksat awalker. Koe Volkovo awalkikxo zo kotawar. Dere rupec ► Rossiafa artowasikya Vuestexeem (en) Jay Bergman. Vera Zasulich: A Biography, Stanford University Press, 1983, ISBN 0-8047-1156-9 (ru) Borisova T- «Необходимая оборона общества»: язык суда над Засулич / НЛО 2015, 5(135). (en) Barbara A. Engel, Clifford N. Rosenthal, Five Sisters: Women Against the Tsar, Routledge, 1975, ISBN 0-415-90715-2 (ru) Dobrovolski E- N- Чужая боль: Повесть о Вере Засулич. — М.: Политиздат, 1978. (fr) Christine Fauré is Hélène Châtelain, Quatre femmes terroristes contre le tsar, Vera Zassoulitch, Olga Loubatovitch, Élisabeth Kovalskaïa, Vera Figner, coll. Actes et mémoires du peuple, éd. Maspero, Paris, 1978, ISBN 2-7071-1042-6. (ru) Pelevin Y-. Казус Засулич, Вопросы истории. 2015. № 1. С. 60-78; № 2. С. 52-70; № 3. С. 69-77; № 4. С. 41-61. (de) Rindlisbacher S. Leben für die Sache: Vera Figner, Vera Zasulič und das radikale Milieu im späten Zarenreich. Wiesbaden: Harrassowitz Verlag, 2014. (en) Ana Siljak. Angel of Vengeance: The "Girl Assassin," the Governor of St. Petersburg, and Russia's Revolutionary World, St. Martin's Press, 2008, ISBN 978-0-312-36399-4 (ru) Smolyartcuk V- I- Процесс Веры Засулич / Смолярчук В. И. Анатолий Фёдорович Кони. — М.: Наука, 1981.

Vera Zasulitc  Koblira  08/08/1849,  Mixailovka, Smolensk winka, Rossia  Awalkera  08/05/1919,  Sankt Peterburg, Rossia  Vedeyot  Rossia  Tegira  Bilmas artowasik   Bifa  Zemlya i Volya grustaks Mencevik doevaf lizor   Tuveli icde Izvopa