Zinaida Konoplyannikova

Zinaida Konoplyannikova

1878-1906

Rossiaf artowasik

Zinaida Vasilyevna Konoplyannikova ( rossiavon Зинаида Васильевна Коноплянниковa ) tiyir rossiaf artowasik. Koe Sankt Peterburg koe savsafo rossiafo gindaxo ba 14/11/1878 kobliyir. Ba 29/08/1906 koe Schlüsselburg ralma zo xonukaklibur. Blirizva Zinaida Konoplyannikova tiyir tavesik. Koe tawadayafa bema ke Gostilici wida poke Peterhof kobayar. Bak 1902 nope digira va biuna neva is intyon alkiskevaf suteks zo koeninter. Direilanon nope artowasa galbedura van tawadayikeem zo soper nume gu Petropavlovskaya ralma zo kobuder. Bak balemeaksat ke 1904 zo tunuyar. Bak 1905 tanaksatcekon warzon zo koflintayar. Georgi Min (1855-1906), bilmanik ke Zinaida Konoplyannikova Rielon ba 13/08/1906 do lyumas blayam ke Seltevafo Artowaso Pako va remazavzara va direm ke Min jadiwik is inafa yasa kabdue golda ke Novi Peterhof paker. Mil jadiwik va Semyonovski vertega al dirgayar, i va vertega rujayasa va kevmadara ke Moskva bak santoleaksat ke darefa ilana. Gan Zinaida Konoplyannikova balemon viltanon zo aytar. Bantanya vere zo soper. Ba 26/08 gan sayakaf erkey ke Sankt Peterburg gu vrayaraxonuka zo lanzar. Ba 28/08/1906 ko Schüsselburg ralma zo arburer. Klibura va restali direvielon di dilizer. Dere rupec ► Rossiafa artowasikya Vuestexa (ru) Шулятиков В., Прости мой народ // Учительская газета. — 1987. (ru) Коноплянникова Зинаида Васильевна (1878—1906), Учительская газета, 1988. (ru) Григорий Кан. Зинаида Коноплянникова и убийство генерала Г. А. Мина, Российская история, n° 5, 2015

Zinaida Konoplyannikova  Koblira  14/11/1878,  Sankt Peterburg, Rossia  Awalkera  29/08/1906,  Schüsselburg ralma, Rossia  Vedeyot  Rossia  Tegira  Bilmas artowasik   Bifa  Seltevafo Artowaso Pako grustaks Bilmara va Min jadiwik   Tuveli icde Izvopa