Rebekka Fialka

Rebekka Fialka

1888-1975

Rossiaf artowasik

Rebekka Moiseyevna Fialka ( rossiavon Ревекка Моисеевна Фиалка ) tiyir rossiaf artowasik. Ko Timkovitci ke Minsk bowexo koe savsafo rossiafo gindaxo ba 02/03/1888 kobliyir. Bak 1975 koe Moskva awalkeyer. Blirizva Rebekka Fialka koe Timkovitci wida ke Minsk bowexo koe refa Belarusa kobliyir. Tiyir nazbeik ke yudavaf tavesik Moise Girc Fialka ( 1852-? ) is Xaya Fialka ( 1855-1900 ). Moni 1890 yasa gu Chișinău koe refa Moldova divsoker lize Rebekka va asadara di vayar. Azon koe asadasa onya abicedje kobar. Bak 1904 va Seltevafo Artowaso Pako yoter. Titi 1905 koe Odesa va epura va gasiza is ervo birgoton paker. Bak idulugal ke 1905 do Aleksandr Lappe koe Odesa zo soper. Xalta ke Nertcinsk Sin is Pavel Galperin ar artowasik gan sayakaf utcaf erkey zo komalyed. Gu poana kobara vas tolsanda zo lanzad, voxen gakera ke Fialka oye pinepuca jijacekon gu 13 tanda zo kastar. Bak taneaksat ke 1906 Rebekka gu Butirka sposajaf flint zo kobuder lize va tevoy aksat di tiskir. Bak pereaksat ke 1906, ina is aluboya ara nuyevafa artowasikya dere lanzayana gu narmafa dagira ( Maria Spiridonova is Lidya Ezerskaya is Aleksandra Izmaylovitc is Maria Ckolnik is Anastasya Bitsenko ) ko Akatuy xalta ke Nertcinsk poke siniafa jowa zo staksed. Gu cesterka( teva ) bam zo dayoltad. Viafa koyara kan impadimak kal xalta ke Nertcinsk va tanoy aksat tiskir. Koe kota recela luntafi tari mu lanzanik exaksar. Bak 1907 sin tevoy ko Maltsev zo arbured lize dagis gropeem tid lodolgapaf. Azon bak 1905 Rebekka Fialka ko tana xalta ke Barguzin lize kali 1915 di zo dagir, meronokoyason. Radimi Artowara ke Toleaksat Mali 1916, Fialka gu Svobodni widava kene Amur bost. Bak 1917 den Pirdot ke kobasikeem is sayakikeem zo libur. Bak 1923 do intafa yasa va Xabarovsk koinker aze wali 1926 is 1931 koe Vladivostok blir. Bak 1931 va irubara koe Moskva zo ristar lize kali 1946 dene ristulafa neda di kobar. Yasa Yerumanikye ke Rebekka Sigismund Gustavovitc Ratcinski ( 1882-1938 ) tiyir patopik koe Ximkraska widadota. Bak Eaftugalap is stalinevafa karlerapa, wetce bewik ke kevartowas seltevaf grustaks gan NKVD ardial aze moe viltaxo ke Butovski ba 04/06/1938 zo zeltar. Bak 1956 zo dimrokatar. Ina gu inafi bali numu xonukera meviele zo givayar. Rebekka Fialka koe Moskva bak 1975 awalker. Dere rupec ► Rossiafa artowasikya Vuestexeem

Rebekka Fialka  Koblira  02/03/1888,  Timkovitci, Belarusa  Awalkera  1975,  Moskva, Rossia  Vedeyot  Rossia  Tegira  Artowasik   Bifa  Seltevafo Artowaso Pako Xalta ke Akatuy   Tuveli icde Izvopa  Impadimakafa recela ke Omsk ba 30/06/1906 van xalta : Maria Spiridonova, Maria Ckolnik, Anastasya Bitsenko, Aleksandra Izmaylovitc, Rebekka Fialka, Lidya Ezerskaya