Maria Kutitonskaya

Teliz mal Wikipedia.
Aller à la navigation Aller à la recherche
Maria Kutitonskaya
1856-1887
Rossiaf artowasik

Maria Ignatyevna Kutitonskaya ( rossiavon Мария Игнатьевна Кутитонская ) tiyir rossiaf artowasik. Koe Odesa gee savsafo rossiafo gindaxo is refa Ukraina ba 23/02/1856 kobliyir. Ba 04/05/1887 koe Aleksandrovski flint poke Irkutsk koe Sibiria awalkeyer.

Blirizva[betara | va krent betá]

Maria Kutitonskaya tir vey oluafa yasa ke Odesa. Gadikye tiyir pilkotik is flibik ke kazaf erkey ke widava. Ina koe ayikyafa olda vayar nume zo dobar. Va mulafa artowasa galbedura toz dulaper.

Bak 1876 ko Paris koe Franca lapir lize va G- Lopatin kevlanir. Kadimi dimpira ko Rossia, turestayanon gan in, va seltom ke Kovalski denfir. Inaf bewik tid tan taneaf viduyus va eaftevafa tegira koe Rossia.

Ba 20/07/1876 taneatomon zo soper aze kadimi restalira ke sayakaf erkey, golde maltegira ke yasa amuleson kalion zo tunuyar.

Circle-icons-bookshelf.svg
Jiz va 28 ke Odesa (1879)
Всемирная иллюстрация Взрыв 19 ноября 1879 года.jpg

Jizanik

  1. Баламез А. М. — A- M- Balamez20 xaltafa tanda ta poana kobara
  2. Виттенберг С. Я. — Solomon WittenbergXonuka
  3. Гуковская В. Л. — V- L- GukovskayaParmafa divblira
  4. Давиденко И. Я. — I- Y- DavidenkoXonuka
  5. Зайднер А. Н. — A- N- Zaydner10 xaltafa tanda ta poana kobara
  6. Калюжный, А. А. — A- A- Kalyujni10 xaltafa tanda ta poana kobara
  7. Ковалев, П. А. — P- A- Kovalev10 xaltafa tanda ta poana kobara
  8. Колтановский А. П. — A- P- KoltanovskiParmafa xalta ta poana kobara
  9. Комов А. И. — A- I- Komov15 xaltafa tanda ta poana kobara
  10. Кравцов В. Х. — V- X- KravtsovParmafa xalta ta poana kobara
  11. Кутитонская М. И. — Maria Kutitonskaya4 xaltafa tanda ta poana kobara
  12. Лизогуб Д. А. — Dmitri LizobugXonuka
  13. Логовенко И. И. — I- I- LogovenkoXonuka
  14. Лурий А. Г. — A- G- Luri6 xaltafa tanda ta poana kobara
  15. Медведев Э. Б. — E- B- Ledvedev12 xaltafa tanda ta poana kobara
  16. Морейнис М. А. — M- A- MoreinisDivblira
  17. Никитин П. А. — P- A- Nikitin8 xaltafa tanda ta poana kobara
  18. Попко Г. А. — Grigori PolkoParmafa xalta ta poana kobara
  19. Скорняков М. Г. — M- G- Skornyakov15 xaltafa tanda ta poana kobara
  20. Чубаров С. Ф. — Sergey TcubarovXonuka
  21. Шнее С. А. — S- A- SchneeDivblira
  22. Щепанский И. Л. — I- L- Ctcepanski4 xaltafa tanda ta poana kobara
  23. Фомичев Г. И. — G- I- FomitcevParmafa xalta ta poana kobara
  24. Эйтнер М. Б. — M- B- Eitner15 xaltafa tanda ta poana kobara

Ba 19/06/1877 gire zo soper, uculenon gu bewik ke gomilasa gesia koe Odesa is Mikolayiv. Gan sayakaf erkey ke Odesa zo komalyer. Zo tugunar nume gu poana kobara koe iaxe vas sanalubda zo lanzar. Gakera gu balemda gan bowesik ke Odesa zo kastar. Dagixo di tir xaltaf bolk ke Nertcinsk koe Sibiria. Ba 15/01/1880 va Kara artlakir.

Xe ke Kara xalta, 1891
Gretcaks va Aleksandrovski flint, 1883

Bak 1882 gan sayakaf bowesik ke Zabaikala gola gu koirubara ko Akca wida zo korictar.

Azon, bak milaf ilanacek, koe uja tigir. Va dofa yatera ke anyustoy gomilasik div ayikyef flint tcoker. Yatesik di zo gralomed ise konak gaderopikaf daginik kadimion zo staked. Kaikion xaltafa vertuma zo tuolgapar, ton altofa tizuca is sostara. Flintik gu yona roka dum belira is daalara is lustera va arsay ik buca zo zelad. Lan daginik toz aelyasted voxe poanon zo kogestud. Ilyacevitc bowesik ke Zabaikala gola tir tel dirgayas va bat sabegeem.

Maria Kutitonskaya ba 14/09/1882 va Akca merictanon bulur. Moe kelda gan kazakaf milk zo soper nume ko Tcita zo malstar. Arti tolka ta keyaksera ko bazaxo ke bowesik eruyuson zo star. Waroldon kan dierkam va in tanon viltar. Ilyacevitch ko uvoona astirbon zo bakar. Ina vere so soper. Ba 17/11/1882 nope yatera il rezgalexo is lagadjubera va bowesik gan sayakaf erkey ke Tcita utca zo malyer nume gu vrayara zo lanzar. Wori Ilyacevitc gruyeyen gan rictaga ke Sankt Peterburg va ina grigaker numen gakera gu parmafa poana kobara zo nuner.

Oye kivara va inafa rotisa fimafa turestara va aryon daginik lize ina va gakera sye co gosopur, pune ko xalta ke Kara me zo dimstaker voxe titi 1883 ko Aleksandrovski flint poke Irkutsk ugaloron zo arburer.

Ba 04/05/1887 nope kotcakola ke larida koe Aleksandrovski flintropexe mulufter.

Vuestexeem[betara | va krent betá]

Maria Kutitonskaya

Maria Kutitonskaya

 Koblira  23/02/1856,
 Odesa, Ukraina
 Awalkera  04/05/1887,
 Aleksandrovski flint poke Irkutsk, Rossia
 Vedeyot  Rossia
 Tegira  Bilmas artowasik
  Bifa 
P Parthenon 2.svg  Tuveli icde Izvopa  P Parthenon 2.svg
Aleksandrovski flint, titi 20-eafa decemda
General Map of Asiatic Russia- Showing an Up-to-Date Division into Provinces and Regions, Maritime Administration of the Maritime Region, and the Routes of Russian Seafarers WDL96.png
Rossiafa artowasikya

Varvara AleksandrovaMaria AnaninaNatalya ArmfeldAlyona ArzamaskayaSofia BardinaFanya BaronEkaterina BartenevaVarvara BatyuckovaAnastasya BitsenkoSofia BogomoletsAnisya BolotinaEkaterina Brecko-BreckovskayaMaria CkolnikLidya EzerskayaRebekka FialkaLidya FignerVera FignerYevgenya FignerGesya GelfmanEmma GoldmanXristina GrinbergRaisa GrossmanSofia Ivanova-BoreycoAleksandra IvanovskayaEvdokia IvanovskayaPraskovya IvanovskayaAleksandra IzmaylovitcMaria KalyujnayaFanni KaplanNatalya KlimovaNatalya Kogan-BernsteinZinaida KonoplyannikovaMaria KovalevskayaElizaveta KovalskayaYulya KrukovskayaMaria KutitonskayaTatyana LebedevaSofia LeschernOlga LyubatovitcVera LyubatovitcFani MoreinisMaria NikiforovaSofia PerovskayaAnna Pribilyova-KorbaAnna RasputinaYevgenya RatnerNeonila SalovaNadejda SigidaNadejda SmirnitskayaMaria SpiridonovaMaria SubbotinaNadejda SubbotinaYevgenya SubbotinaOlga TaratutaLyudmila TerentyevaAnna ToporkovaMaria VetrovaLyudmila VolkensteinAleksandra XorjevskayaAnna YakimovaVera Zasulitc