Tamavafa gadakiewega koe Tcada

Bat teliz va kot debak bendeyen dene Tamavafa Gadakiewega ke UNESCO koe Tcada otular.

Bak 2018, toloy debak ke Tcada tid ke winugafa vexala ke Tamavafa Gadakiewega : 1 tuwavaf is 1 aotcaf.

Winugafa vexala

Bat debak bevular iyelaf

Ounianga uzdeem	Welmot : 628 km²
Tuwavaf debak bendeyen bak 2012	Ludeem : (vii)	UNESCO otuk : 1400
Debala : Ennedi Gola	Maneka : 19° 03' 18" L-, 20° 30' 22" R-
Debak va 18 walgluyafa uzda koe Ennedi gola ke Saxara Letaxo ruldar. Tir birtafa lospapa dem uzda ( 628 km² ) koe lindapafa anameda is burkaf tuwavaf patectoy tis listaf gu disukexafa gedruca ke tazukeem is ukeem. Lavokafa ok lavotafa ok lavadafa uzda gan levedafa lava zo gestud ise tid ke toloya lospa solumon ice mon balem-sane decitmetre. Ounianga Kebir tir dem balemoya uzda ( Yoan uzda tela logijafa va 3.58 km² besar ise tir titsuyafa vas 27 metre ). Inaf eipkirapaf lavok va vebdi is abica blixama anton caer. Ounianga Serir bana lospa va san-balemoya uzda voke bixelaba ruldar. Ezasa edgarda moe acku ke uzda va beganta tuaxad. Vas 4.36 km², Teli uzda tir logijafa ke bana lospa voxe anton tir titsuyafa vas 10 metre. Tuke duganya ke lavada, konaka uzda va lavaf fled ( tulon kabay ) bravad. ^[1]

Ennedi jaka	Welmot : 30 445 km²
Aotcaf debak bendeyen bak 2016	Ludeem : (iii) (vii) (ix)	UNESCO otuk : 1475
Debala : Ennedi Gola	Maneka : 17° 02' 30" L-, 21° 51' 46" R-
Ennedi jaka valentrone patecta tigir ise tir yootafa. Nope ugal, giatera ke lava is suka va bata azekexa al balumar, kogabeson va weluska is krant num nekison va disukexaf patectoy dem kiria is tuwavaf kotarn is veelda. Koe yona logijafa weluska, celesafa lava va blibolk ke jaka aldon soyordar ise va wanura va sulem is ruxa is ayik nover. Keve rapordzeta ke arula ik weluska ik buta, konaka decitoya ewava zo lingeyed ike zo gretcayad nume va tan logijaf dotay ke raporafa yamba ke Saxara tadled. ^[2]