Tamavafa gadakiewega koe Magriba

Bat teliz va kot debak bendeyen dene Tamavafa Gadakiewega ke UNESCO koe Magriba otular.

Bak 2018, 99 debak ke Magriba tid ke winugafa vexala ke Tamavafa Gadakiewega : 99 arayaf is 99 tuwavaf is 99 aotcaf.

Winugafa vexala

Bat debak bevular iyelaf

Aït-Ben-Haddou folkwida	Welmot : 0.3 km²
Arayaf debak bendeyen bak 1987	Ludeem : (iv) (v)	UNESCO otuk : 444
Debala : Warzazat Winka	Maneka : 31° 02' 49" L-, 7° 07' 44" T-
Ton belca dem zirkafa kolna wale rebavega, folkwida tir prostewafa irubaxoinda ke kabdusaxarafa gola. Mona ton lospa koe folkayaf rebaveem dem pof gentimaf rasek tigid. Aït-Ben-Haddou wida tigisa koe Warzazat winka tir tulacka ke vegeduropa ke magribafo vagexo. ^[1]

Fas Madina	Welmot : 2.80 km²
Arayaf debak bendeyen bak 1981	Ludeem : (ii) (v)	UNESCO otuk : 170
Debala : Fas Winka	Maneka : 34° 03' 40" L-, 4° 58' 41" T-
Reduyuna bak IX^-eafa decemda is bravasa va tela loguazafa kotla ke tamava, Fas widava va ana akenafa rekola remi XIII^-eafa is XIV^-eafa decemda prostelayon gu Marin gazikeem ugalayar ugale va Marrakec wetce kelu ke patecta ikapiyir. Widavafa layta is benelaf cugexeem ke Madina revava tid evlon gu bata rekola : yona bema isu dolexe isu berma isu kodia isu mazjida isu sul ikz-. Nekev arburera va keludebak ko Ribat bak 1912, Fas va ravalduga ke arayafu is swavafu kelu ke patecta wan vider. ^[2]

Marrakec Madina	Welmot : 11.07 km²
Arayaf debak bendeyen bak 1985	Ludeem : (i) (ii) (iv) (v)	UNESCO otuk : 331
Debala : Marrakec Winka	Maneka : 31° 37' 52" L-, 7° 59' 13" T-
Reduyun bak 1070-1071 gan Almurabit prostelay (1056-1147), Marrakec wid jontikedje tiyir gaderopaf is skapaf is arayaf avap ke islamevafa talteka, gazas va lentefa Afrika is Andalucia. Ilamkafa cugexa tid ke bata rekola : Kutubiya mazjida is Kasbah guazaxo is migexeem is cugexaf tuveleem is yona matela ikz-. Azon, widava va va vegedura va aryona ribiega di wiyir : Bandia berma is Ben Yusef mazjida is Saadi naboxeem is yona kodiapa ikz-. Jamaa el-Fna viga, i en gaelxofo wenyaxo, va worasik dun skebur. ^[3]

Titwan Madina	Welmot : 0.6 km²
Arayaf debak bendeyen bak 1997	Ludeem : (ii) (iv) (v)	UNESCO otuk : 837
Debala : Titwan Winka	Maneka : 35° 34' 16" L-, 5° 22' 01" T-
Titwan widava tiyir pilkovon zolonafa remi islamevafa rekola, mali VIII^-eafa decemda wetce dalafo xo dogluyaso va Magriba is Andalucia. Radimi Dimolgalicura, gan gelbenik aloyayan gan espanik num koon dimlapiyis, zo dimvegeduyur. Batcoba ton vegeduropa is yamba vrutasa va pofa turestara ke Andalucia zo rowir. Madina guazaxo ke Titwan tir tano lopinafo ke Magriba voxe arse telo lovarafo kiren cuga kolna eze divefa turestara jontikedje di zavzayad. ^[4]

Assawira Madina	Welmot : 0.30 km²
Arayaf debak bendeyen bak 2001	Ludeem : (ii) (iv)	UNESCO otuk : 753
Debala : Assawira Winka	Maneka : 31° 31' 01" L-, 9° 46' 08" T-
Assawira tir burkafa tula ke folkwid ke tena ke XVIII^-eafa decemda, vegeduyuna koe lentefa Afrika kare nelkoteem ke sayakafa europafa vegeduropa ke bane sare. Mali zabdura, dun tiyir moltap ta walvedeyafa kazara kagluyas va Magriba is saxaraf patectay gu Europa is arak ke tamava. ^[5]

Maknas izvaxo	Welmot : km²
Arayaf debak bendeyen bak 1996	Ludeem : (iv)	UNESCO otuk : 793
Debala : Maknas Winka	Maneka : 33° 52' 59" L-, 5° 33' 29" T-
Maknas izvaxo Zabduyun wetce sayakafo inkexo bak XI^-eafa decemda gan Almurabit prostelay, Maknas bak gazugal ke Mulay Ismail ( 1672-1727 ) redusik va Alawi prostelay vanpiyir kelu. Gu woes wid ton espanamoraf martig dem ontinafa rebavega fenafa gu yona cugexaf tuvel zo artazukayar, tadlesa vas tamafa vangluyara ke islamevaf martig isu europaf koe Magriba bak XVII^-eafa decemda. ^[8]

Aljadida	Welmot : 0.7 km²
Arayaf debak bendeyen bak 2004	Ludeem : (ii) (iv)	UNESCO otuk : 1058
Debala : Aljadida Winka	Maneka : 33° 15' 25" L-, 8° 30' 07" T-
Portugalafa Mazagão widava ( Aljadida ) Portugalaf folkayeem ke Mazagan re tis pak ke Aljadida widava arte 90 km- getalte Casablanca ( Dar al-Bayda ), wetce folkafo boniaxo kene atlantikafa krimta teni XVI^-eafa decemda zo vegeduyur. Boniaxo gan magribik bak 1769 zo dimnariyir. Folkayeem don lipteem is migexeem vas abditcafa tula ke sayakafa vegeduropa ke Dimblirugal tadler. Portugalafa kolna wan tid rowina tid lavak is Assunção uja ( kolnayana ton Manuel martig ). Mazagão portugalafa widava tiyir tano taneafo exonexo koe ronefa Afrika, ke portugalaf vestasik totas van India. Va burkafa vrutara va gamdasa turestara wal europafa araya isu magribafa nedir, tulon ton vegeduropa is ckaneopa is widavopa. ^[9]