Tamavafa gadakiewega koe Lesotoa

Bat teliz va kot debak bendeyen dene Tamavafa Gadakiewega ke UNESCO koe Lesotoa otular.

Bak 2018, tanoy debak ke Lesotoa tid ke winugafa vexala ke Tamavafa Gadakiewega : 1 aotcaf.

Winugafa vexala

     Bat debak bevular iyelaf

	Maloti-Drakensberg tolvedeyaf gerd	Welmot : 2428 km²
	Aotcaf debak bendeyen bak 2013	Ludeem : (i) (iii) (vii) (x)	UNESCO otuk : 985
	Debala : Qacha's Nek Utca	Maneka :  29° 53' 56" G-, 29° 07' 16" R-
	Maloti-Drakensberg gerd tir tolvedeyaf debak dem Ukhalamba Drakensberg vedeyaf gerd koe Geeafrika is Sehtalehbe vedeyaf gerd koe Lesotoa. Debak va burkafa listuca muxawesa ton gurapaf burgif sekol is disukexafa radimazenta is moavukafa yootafa migexa lidam arula is kiria is swalot is raporafa drimula nedir. Gedruca ke irubaxoeem ke debak va jontika katca vas lizukafa ruxa myodafa gu tamavafa vwa konendar. Debak va dratcena apta kereler, i va tulon turci ke Kaapstad ( Gyps coprotheres ) is lukastafi nikadi ( Gypaetus barbatus ). Sehlathebe vedeyaf gerd koe Lesotoa va lukastaf kabay ( Pseudobarbus quathlambae ) dere vedgober, i va ilblina kabayafa katca tanon blisa koe bat gerd. Bata disukexafa tuwavafa kiewega dere tir dem jontika arula isu buta lize tela lodekemafa lospa dem rapordzetaf lingeks koe Afrika gee Saxara zo trasir. Bat lingeks va swavafa blira ke San sane bliyise moe bato tawavo remi loon balemoya decitda volad.