Tamavafa gadakiewega koe Avafrika

Bat teliz va kot debak bendeyen dene Tamavafa Gadakiewega ke UNESCO koe Avafrika otular.

Bak 2018, toloy debak ke Avafrika tid ke winugafa vexala ke Tamavafa Gadakiewega : 2 tuwavaf.

Winugafa vexala

Bat debak bevular iyelaf

Manovo-Gounda St Floris vedeyaf gerd	Welmot : 17400 km²
Tuwavaf debak bendeyen bak 1988	Ludeem : (ix) (x)	UNESCO otuk : 475
Debala : Bamingui-Bangoran Gola	Maneka : 9° 00' L-, 21° 30" R-
Zolonuca ke bat gerd tir nope kuluca ke ruxeem is sulemeem. Glupafa meila va gedrapafa moukdunolafa katca bravar : ebeltaf beicekol is cuskol is kraimol is govitaf vakol is rayol dem blakerafo jo is amidafa lavedafa zveriinda. Bat sulem va irubaxo koe lentefa azeka trasid. ^[1]

Sangha barvedeyaf gerd	Welmot : 7463 km²
Tuwavaf debak bendeyen bak 2012	Ludeem : (ix) (x)	UNESCO otuk : 1380
Debala : Sangha-Mbaéré Gola	Maneka : 2° 36' 32" L-, 16° 33' 14" R-
Tigis valenttalte kuksaxo ke Kongo bostap uton ice Kameruna is Kongoa is Avafrika, debak tir katanaks va baroy uzif vedeyaf gerd welmon ice 7500 km², abiceke vanolan gan ayafa tegira. Eem dem blibolk ke abdafa bwaala zo trasir. Kulaf fled isu ruxeem tid dem tulon Nil negova is Mbenga kabay ( Hydrocynus goliath ) zolonaf wivgasik. Senta va werdinda frivid ise Sangha kuksa va saneliapa dem aalaf fuzol is ilwin taltazekaf yiwol is iyelaf zegol bravar. Anameda ke debak va glupafa wanura va yona tuwavafa is towasa abduaxa al nover, is va videra va bligedrucapa, dem jontika iyelafa katca. ^[2]