Tamavafa gadakiewega koe Sudana

Bat teliz va kot debak bendeyen dene Tamavafa Gadakiewega ke UNESCO koe Sudana otular.

Bak 2018, baroy debak ke Sudana tid ke winugafa vexala ke Tamavafa Gadakiewega : totoloy arayaf is tanoy tuwavaf.

Winugafa vexala

     Bat debak bevular iyelaf

	Jebel Barkal is debak ke Napata gola	Welmot : 1.83 km²
	Arayaf debak bendeyen bak 2003	Ludeem : (i) (ii) (iii) (iv) (vi)	UNESCO otuk : 1073
	Debala : Ach-Chamaliya Soka	Maneka :  18° 31' 59" L-, 31° 49' 01" R-
	Bat aluboy rawopaf debak moe gola kene Nil krant ontinon ice loon 60 km- tigid. Kot debak tid ke Napata araya ( wali -900 is -270 AF ) oku Meroe ( wali -270 is 350 AF ), ke toleafa rekola ke Kush gazaxo. Debak vas relidakirafa naboxa isu relidiskafa is dopewa is irubasa kolna is berma ruldad. Mali savsugal, Jebel Barkal venta dun tiyir dikisa va alkafa prostewa is rwalt. Dalafa dopewa gu tumtaxo wan zo torigid.

	Rawopaf debakeem ke Meroe ewala	Welmot : 23.57 km²
	Arayaf debak bendeyen bak 2011	Ludeem : (ii) (iii) (iv) (v)	UNESCO otuk : 1336
	Debala : Nahr an Nil Soka	Maneka :  16° 55' 59" L-, 33° 43' 01" R-
	Rawopaf debakeem ke Meroe ewala, i lion letaf patectoy wale Nil bost is Atbara kuksa, tiyir idja ke Kush gazaxo gijarotipafo wali vol-VIII-eafa decemda isu vol-IV-eafa. Kiewega vas gazawid ke Kush gazik ke Meroe poke Nil bost is Naqa vegungaf alkaf debak isu Musawwarat is Sufra ruldar. Tiyir kelu ke yon nafalik kereleyes va Misra remi mon tanoya decemda, vanmiae aryona stabrega isu relida isu dopewa isu irubaxo isu dere lavagatceso inkexopo. Sinafo gazaxopo divlizeyeno male Mediterranea bira kale idja ke Afrika, isen kiewega va moortera ke yambind is vegeduropa is alkeem is aveem wal bata toloya gola vrutar.

	Sanganeb vedeyaf biragerd is Dungonab ceda vedeyaf biragerd	Welmot : 1995.23 km²
	Tuwavaf debak bendeyen bak 2016	Ludeem : (vii) (ix) (x)	UNESCO otuk : 262
	Debala : Al Bahr el Ahmar Soka	Maneka :  19° 44' 10" L-, 37° 26' 35" R-, 20° 56' 14" L-, 37° 15' 19" R-
	Sanganeb vedeyaf biragerd is Dungonab ceda vedeyaf biragerd Kiewega tir dem toloy solwif pak : Sanganeb tir bumafo drakxo is rinca iste Ahmar Bira arte 25 km- male biradom ke Sudana. Tadle ke toleaf pak ke kiewega tir Dungonab ceda is Mukkawar ewala. Arte 125 km- lente Bur Sudan tigir ise vas gedrapafa belca dem drakxo is dervekxo is birawerdxo is piluda is ewalama ruldar. Kiewega tir irubaxo ke yona sanelia dem birazveri isu biraf moukol isu kabay isu ricol isu imboza isu yali. Dungonab ceda va tana nelkafa tamavafa sanelia dem wekixol dere bravar.