Tamavafa gadakiewega koe Nigeria

Bat teliz va kot debak bendeyen dene Tamavafa Gadakiewega ke UNESCO koe Nigeria otular.

Bak 2018, toloy debak ke Nigeria tid ke winugafa vexala ke Tamavafa Gadakiewega : 2 arayaf.

Winugafa vexala

Bat debak bevular iyelaf

Tumtaalxo ke Osun-Oshogbo	Welmot : 0.75 km²
Arayaf debak bendeyen bak 2005	Ludeem : (ii) (iii) (vi)	UNESCO otuk : 1118
Debala : Osun Soka	Maneka : 7° 45' 22" L-, 4° 33' 07" R-
Ekemafo tumtaalxo ke Osun cane Oshogbo widava tir tano ironokafo taneakaxo ware kruldeso vagee Nigeria. Wetce oga ke Osun zo torigir, i ke tan olkoy ke Yoruba lorikeem. Aalxo remnino gan Osun kuksa va yono tumtaxo isu balumaks isu yambaxa renzayana poron gu Osun is aryon Yoruba lorik bravar. Milo aalxo gan kotafe Yoruba sane wetce pilkomafa leca re zo torigir ise ape tir ano bocafo tumtaxo ke Yoruba araya. Va orpa lekeon yavapafa tadleyesa va kono tumtaxo sume kota ayafa mona vrutar. ^[1]

Arayaxo ke Sukur	Welmot : km²
Arayaf debak bendeyen bak 1999	Ludeem : (iii) (v) (vi)	UNESCO otuk : 938
Debala : Adamawa Soka	Maneka : 10° 44' 28" L-, 13° 34' 19" R-
Arayaxo ke Sukur, dem berma ke okilik ( Hidi ) moe venta vamoe wideem, is dem tawetcafa taya is tumtafa leca is dere kotlize strabrega ke savsafa azilafa raba, va selt lekeyon reduyus is inafa swavafa is ugafa araya sagon tcazedar. ^[2]