Yeghegnadzor

Teliz mal Wikipedia.
Aller à la navigation Aller à la recherche

Yeghegnadzorarmenavon Եղեգնաձոր ) tir widava is dota ( Yeghegnadzor Hamaynk ) vageiste Xayastana, istef widot ke Vayots Dzor winka.

Yeghegnadzor arte mon 120 km- gerone Yerevan patectafu kelu tigir.

Tawavopa[betara | va krent betá]

Sazopa[betara | va krent betá]

Gnome-weather-few-clouds.svg  Lidawickaf sazorig koe Yeghegnadzor WPTC Meteo task force.svg
Aksat Tan- Tol- Bar- Bal- Alub- Tev- Per- Any- Lerd- San- STan- STol- Tanda
Cugafa yankacka (°C) 0.9 3.0 9.5 16.4 21.1 26.0 30.3 29.5 25.9 18.7 10.8 4.1 16.4
Yankacka (°C) -3.2 -1.4 4.2 10.4 14.8 19.2 23.1 22.4 18.5 12.3 5.7 0.1 10.5
Vugafa yankacka (°C) -7.3 -5.7 -1.0 4.4 8.6 12.4 16.0 15.4 11.2 5.9 0.7 -3.9 4.7
Kotafa muvareka (mm-) 17 20 35 45 62 47 31 19 18 30 25 19 368
Xantaza : Climate-data.org


Izva[betara | va krent betá]

Savsaf yolt ke Yeghegnadzor tiyir Yeghegik az Keshishkend kali 1935 az Mikoyan kali 1957.

Wida bal V-eafa decemda yolton gu Pondzatagh taneatomon zo miwayar. Soe joxayana bada ke lano awalkikxo is xim ke slape evlon gu taneafa decitda AGJ slamed da gola tiyir saneliakirafa valevi V-eafa decemda. Strabrega ke ralma ke Urartu tigisa mone widava tid evlafa gu -VII-eafa decemda.

Sedme izvaf valdig, sersik ke Syunik va oga mal Sisian kal Vayots Dzor winka arplekuyur nume va Yeghegis az stekef Yeghegnadzor folkayer. Bak mialukugal, Leso Vawa va gola ke Vayots Dzor remlakiyir, tulon wale Martuni is Yeghegdnazor. Jontika zolonafa uja is yone tucpastaxe isu za isu tedaxe koe gola wali X-eafa decemda isu XIII-eafa zo kolnayad. Yeghegnadzor banugale tiyir ke Syunik gazaxo.

Titi XVI-eafa decemda, taltefa Armena gan Safavi Persa zo kofeliyir. XVI-eafa decemda isu XVII-eafa tid orikafa rekola ugale gola tir ferefo meldxo wal turkaf grelt isu iranaf. Numen jontika cugexa isu trigafa wida zo apkayad ike zo vilayad isen pakap ke sanelia zo arplekuyur. Bak 1747 Yeghegnadzor gu Nakhchevān sersaxo zo tunotrayar. Titi XIX-eafa decemda, yolt ke wida tiyir Keshishkend.

Nope Turkmantcay bioga sugdayana wal rossiafo gindaxo is Persa bak 1828 teni rossiapersafa geja ke 1826-1828, jontiko tawavo ke ronefa Armena don Vayots Dzor gola gan Rossia zo tunotrayad. Moion jontika armenafa yasa vey Salmas is Khoy iranafa widava va ronefa Xayastana koirubayad. Taneafa boniasa runta ko Vayots Dzor moni 1830 dilizeyer.

Wali 1935 is 1956 widava gu Mikoyan zo yoltayar, tis yolt ke Anastas Mikoyan Bolcevik gadesik, abdi va izvaf yolt vas Yeghegnadzor katrasiyir.

Yeghegnadzor tir widot ke warzaf Vayots Dzor winka winka mali ristulafa fabdura ke 1995.

Sanelia[betara | va krent betá]

Varafa sanelia ke Yeghegnadzor dota tir vas 7944 irubasik otulayan bak 2011 moe welmot vas 40.80 km², trabe for vas 194 ir-/km².

Towara ke sanelia ke Yeghegnadzor widava (1831-2011)

Xantaza : ArmStat [1]

Ewava[betara | va krent betá]

Cugexa[betara | va krent betá]

Mone Yeghegnadzor, konaka zolonafa cugexa tigid :

Vuestexa[betara | va krent betá]

  1. « The results of the 2011 Population Census of the Republic of Armenia ». ArmStat. rupeyena ba 31/07/2021 ; Otulara ke 2011.
Yeghegnadzor
Yeghegnadzor landscape3.jpg
RISTULA
Patecta Xayastana   Flag of Armenia.svg
Gola Vayots Dzor winka, Yeghegnadzor dota
Welmot 40.80 km²
SANELIOPA
Sanelia 7944 ir- (2011)
TAWAVOPA
Maneka OOjs UI icon mapPin-progressive.svg 39° 45′ 40" L-, 45° 20′ 00" R-
Ontine 1194 m-
LAPIRA, LIZIBA
Bira, kuksa
Rid
Kelot
Vawa Aiga groundtransportation.svg Maki-car-15.svg
Tigixo ke Yeghegnadzor
Debala ke Yeghegnadzor koe Vayots Dzor winka
Vayots Dzor.svg
Navegador.png  Wideem ke Vayots Dzor winka ke Xayastana  Flag of Armenia.svg
Jermuk JermukGndevazHerherKarmrashen
Vayk VaykArinAzatekPorZedea
  Yeghegnadzor   Yeghegnadzor
Areni AreniAgarakadzorAghavnadzorArpiChivaGnishikKhachikMozrovRindYelpin
Gladzor GladzorGetapVernashen
Malishka Malishka
Yeghegis ShatinAghnjadzorArtabuynkGoghtanikHermonHorbateghHorsKaraglukhSalliSevazhayr TaratumbVardahovitYeghegis
Zaritap ZaritapArtavanBardzruniGomkKapuytKhndzorut MartirosNor AznaberdSaravanSersUghedzor