Tanahat

Tanahat ( armenavon Թանահատ ), tir armenafe tucpastaxe tigise arte 7 km- rone Vernashen wida koe Gladzor dota ke Vayots Dzor winka vagee Xayastana.

Tawavopafa debala

Tanahat tucpastaxe moe geefa datca ke Teksar mefta vwon ice mon 2200 m- tigir. Vansara dir medrikafa, moo arestafa kelda. Pokeon dere tigid :

Tanahat tucpastaxe

Wiks va tucpastaxe	Lentronuf wiks	Ar wiks

Izva

Xanta ke Tanahat tir megrupeckena voxen taneafa evla ke tucpastaxe co tir ke VIII^-eafa decemda moni 735, sedme Stepanos Orbelyan izvopik is tujradik. Debak bak XIII^-eafa decemda gan Proshyan sersaf prostelay zo malvegedur. ^[1].

Ison, tucpastaxe milugale rotir tiyir reduxo va mialukugalafa Gladzor kotla.

Kolna

Bate orikaburgife tucpastaxe vas Surp Stepanos dalafa uja is Surp Nshan amuda jadion ruldar. ^[2]

Surp Stefanos uja bak 1273-1279 zo kolnayar. Tir gamdakorafa is budenafa is riwe lujorafa, dem ronefa tolvegemafa olkoba, is dem vamoefa truga koeon akintakorafa vox diveon santolkrilafa, is dem ticef yaskokoraf fey. Koak abicote zo yunkeyer ( anamez ke tuvel is dilk ), voxen divak vas kulafa sulemafa zikexa valey konaka ponyaskafa tola remrusa va lentef lentor isu ronef isu geef ruldar : keve geef lentor, va flaweza dilfusa va perfava ^[3] trasit, voxis toloya ara perfava malulisa gu vim vamoe bartivela ; truga luxeon tir dem tanoy krapol dilfus va jaftol ( erbilok ke Orbelyan yasa ) is tanoy kiiz vannaris va namulolye ( erbilok ke Proshyan ) is tanoya jaftolafa taka isu krapolafa voxis toloyi zveri.

Zikexa ke tucpastaxe

Flaweza dilfusa va perfava, geef lentor ke Surp Stepanos uja	Bartivela, geef lentor ke Surp Stepanos	Cisek, taltef lentor ke Surp Nshan

Dye kevlente uja, kolna ape tisa Surp Nshan amuda ( slameyena bak 1307 ) tir tantamaxo dem kovakorafa galza is ticefa tolbopifa kepaita. ^[4] Taltefo runexo wale xutek zikenaf gu pru az ticef cisek kaatoes va suptafa watsa tir, i va turietavayana tcabanesa nakila koswayana gan Sasana yamba. ^[5]

Rawaks grufuneyen bak 1970 gee uja vas tanoyo tantamaxo is yona wideytafa kolna isu alkafa ruldad. Ison monexo ke Tanahat va konak xatckar atcom ke XIII^-eafa decemda. ^[4]

Xatckar

Awalkikxo dem xatckar atcom	Xatckar atcom aname uja	Ar xatckar atcom

Dere rupec

► Alkaxo ke Xayastana

Tanahat tucpastaxe

Tucpastaxe

DEBALA

Patecta

Xayastana

Winka

Vayots Dzor winka

Tigixo

Vernashen

Maneka

39° 47′ 23″ L-, 45° 24′ 02″ R-

KIRA

Alka

Armenafa kristeva

Ord

Armenafe tucpastaxe

Vegedura

VIII^-eafa decemda azu XIII^-eafa

Tuveli icde Yamba

Tigixo ke Tanahat

Vuestexa

↑ (fr) Patrick Donabédian is Jean-Michel Thierry, Les arts arméniens, Éditions Mazenod, Paris, 1987, ISBN 2-85088-017-5, bu 582.
↑ (en) Nicholas Holding, Armenia and Nagorno-Karabagh, Bradt Travel Guides, 2006, ISBN 978-1841621630, bu 191.
↑ (fr) Jannic Durand is Ioanna Rapti is Dorota Giovannoni, Armenia sacra — Mémoire chrétienne des Arméniens (IVe – XVIIIe siècle), Somogy / Musée du Louvre, Paris, 2007, ISBN 978-2-7572-0066-7, bu 306.
↑ ^4,0 et ^4,1 (fr) Patrick Donabédian is Jean-Michel Thierry, Les arts arméniens, bu 583.
↑ (fr) Sèda Mavian, Arménie, coll. « Guides Évasion », Hachette, Paris, 2006, ISBN 978-2-01-240509-7, bu 185.

[1] (fr) Patrick Donabédian is Jean-Michel Thierry, Les arts arméniens, Éditions Mazenod, Paris, 1987, ISBN 2-85088-017-5, bu 582.

[2] (en) Nicholas Holding, Armenia and Nagorno-Karabagh, Bradt Travel Guides, 2006, ISBN 978-1841621630, bu 191.

[3] (fr) Jannic Durand is Ioanna Rapti is Dorota Giovannoni, Armenia sacra — Mémoire chrétienne des Arméniens (IVe – XVIIIe siècle), Somogy / Musée du Louvre, Paris, 2007, ISBN 978-2-7572-0066-7, bu 306.

[ref101-4] 4,0 et ^4,1 (fr) Patrick Donabédian is Jean-Michel Thierry, Les arts arméniens, bu 583.

[5] (fr) Sèda Mavian, Arménie, coll. « Guides Évasion », Hachette, Paris, 2006, ISBN 978-2-01-240509-7, bu 185.

[1]

[2]

[3]

[4]

[5]