Spitakavor

Teliz mal Wikipedia.
Aller à la navigation Aller à la recherche
Sumuf wiks va tucpastaxe koe govitafa meftafa anameda

Spitakavorarmenavon Սպիտակավոր ), tir armenafe tucpastaxe tigise arte 7 km- lente Vernashen wida koe Gladzor dota ke Vayots Dzor winka vagee Xayastana.

Tawavopafa debala[betara | va krent betá]

Spitakavor tucpastaxe moe lentefa datca ke Teksar mefta vwon ice mon 2500 m- tigir. Vansara dir medrikafa, moo arestafa kelda. Pokeon dere tigid :

Izva[betara | va krent betá]

Kolnasa evla ke tucpastaxe tir XIV-eafa decemda, gan toloy Prochian sersik : uja gan Eatsi zo jafayar aze bak 1321 gan Amir-Hasan nazbeikye zo tenukeyer. Tigison koe taway ke bata sersafa yasa, jontikviele ganon mbi firvir. Tucpastaxe gu « Batakafa Ketikya » ( Spitakavor Astvatsatsin ) zo tarizar. Intafa alkafa reila bak XIV-eafa decemda kaiki vantenura ke Gladzor kotla tutcumpawer. [1]

Spitakavor tucpastaxe
Спитакавор2.jpeg
Monastère de Spitakavor (2).jpg
Գլաձոր Սպիտակավոր վանք 130.jpg
Katicuf wiks
Katituf wiks
Debak

Debak jontikedje zo jovleyer aze bak 1971-1972 bal sovietafe sare zo dimvegeduyur. Xim ke Garegin Njdeh artowasik bak 1983 koeon birgoton zo kotawayar. [2]

Kolna[betara | va krent betá]

Nelkafe xe tid Surp Astvatsatsin uja is tanoy biot, kagluyanaf gu rontagentimaf kusk ( rotir savsafe gavit gijaxe ). Tucpastaxe dere tiyir dem re rawafa rebavega. Vas awalkikxo dere ruldar. [3]

Surp Astvatsatsin[betara | va krent betá]

Surp Astvatsatsin uja tir gamdakorafo tamaxo [4] dem tanoya froxapafa vimava dem ticefa akintakorafa truga dem dimempayana feykorafa takaxa ; balumayana zikexa vas volayane fetinte ruldar [5]. Koeon va bem xo walwit. Vrepta gu balumaks [6] dere zo zikeyer : intafu galzamu gu java ke Kristos zo zikeyer solve galzajolok va redura va Adam vawale balemoy wiltkiraf sulem kaatoer isen ban lingeks vas tel ke ticef cisek ke gavit gijaxe ke Surp Karapet uja koe Noravank laneke vektar.

Surp Astvatsatsin uja
Գլաձոր Սպիտակավոր վանք 161.jpg
Գլաձոր Սպիտակավոր վանք 138.jpg
Գլաձոր Սպիտակավոր վանք 152.jpg
Uja
Vimava ke uja
Ketikya is Nazbeye

Diveon taltefo kolanixo tir dem vamoef cisek kaatoes va Ketikya dem Nazbeye, ke Byzantion martig. Geef lentor isu ronef gu balumayana gamda zo zikeyed. Lentef lentor isu geef tid dem kaatoeks va firvisik : keve bat lentor, Eatsi va Amir-Hasan gu tcabanera kotaver solve keve ban Amir-Hasan moe okol va wivga kan tra is tceka kulmer [7], ton martig pokef gu iranaf ik Selçuk kaatoeks ke XIII-eafa decemda ; bata toloya nakila zo solgabeyed aze bata dene Ermitage tcila ke Sankt-Peterburg is bana dene Izvatcila ke Armena koe Yerevan zo nendoyeyed. [8]

Uja is balumakseem pu Momik dile zo gaayad voxen loon nuve tid ke inafa serna. [9]

Biot is kusk[betara | va krent betá]

Biot tir biot enidkiraf gu caxa. [10] Vanmadayan bak 1330 mu lan Hovhannes is Tats kurenikya, vas toloy vegem ruldar ; toleaf vegem tir dem galzafa ponyaska valeve tanoy kojok is duseakirafa kepaita.

Biot
Գլաձոր Սպիտակավոր վանք 155.jpg
Գլաձոր Սպիտակավոր վանք 141.jpg
Գլաձոր Սպիտակավոր վանք 55.jpg
Biot
Biot
Valeve biot

Kusk wale taltef kril ke uja is biot tir rontagentimaf ise wali 1321 is 1330 zo vegeduyur ; rotir savsafe gavit gijaxe. Gu ponyaska is kojok zo ingayar. [11]

Kusk
Spitakavor-gavit.jpg
Գլաձոր Սպիտակավոր վանք 149.jpg
Գլաձոր Սպիտակավոր վանք 154.jpg
Kusk wale uja is biot, savsafe gavit gijaxe
Savsafe gavit gijaxe
Ar wiks va kusk
Ar vegeduks koe debak
View from the entrance of Spitakavor Church.jpg
Սպիտակավոր31.JPG
Գլաձոր Սպիտակավոր վանք 120.jpg
Ark ke savsafa vrepta
Ark ke briva
Naboxa koe kusk kendive uja
Zikexa is balumaks
Սպիտակավոր Աստվածածին վանքի բարավորը և եկեղեցու շրջակայքի խաչքարերը.jpg
2014 Prowincja Wajoc Dzor, Klasztor Spitakawor (14).jpg
2014 Prowincja Wajoc Dzor, Klasztor Spitakawor (10).jpg
Spitakavor Crook Cross, Reconstructed.jpg
Yon balumaks koe debak
Tuveli
Cisek vamoe tuveli
Gamda kevdive rebava

Dere rupec[betara | va krent betá]

Alkaxo ke Xayastana

Spitakavor tucpastaxe
Wiks va Spitakavor tucpastaxe
DEBALA
Patecta Xayastana   Flag of Armenia.svg     
Winka Vayots Dzor winka
Tigixo Vernashen
Maneka OOjs UI icon mapPin-progressive.svg 39° 49′ 47″ L-, 45° 21′ 48″ R-
KIRA
Alka Armenafa kristeva
Ord Armenafe tucpastaxe
Vegedura XIV-eafa decemda, 1330
Nuvola 2.0+ Sculpture.svg  Tuveli icde Yamba  Nuvola 2.0+ Sculpture.svg
Tigixo ke Spitakavor tucpastaxe

Vuestexa[betara | va krent betá]

  1. (en) Thomas F. Mathews is Avedis Krikor Sanjian, Armenian Gospel Iconography: The Tradition of the Glajor Gospel, Dumbarton Oaks, Washington, 1991, ISBN 978-0-8840-2183-4.
  2. (en) John Brady Kiesling, Rediscovering Armenia : An Archaeological/Touristic Gazetteer and Map Set for the Historical Monuments of Armenia, Yerevan, 2009.
  3. (fr) Sèda Mavian, Arménie, coll. « Guides Évasion », Hachette, Paris, 2006, ISBN 978-2-01-240509-7, bu 183.
  4. (fr) Sèda Mavian, Arménie, coll. « Guides Évasion », Hachette, Paris, 2006, ISBN 978-2-01-240509-7, bu 183.
  5. (fr') Patrick Donabédian is Jean-Michel Thierry, Les arts arméniens, Éditions Mazenod, Paris, 1987, ISBN 2-85088-017-5, bu 578.
  6. (fr) Dédéyan 2007, bu 366.
  7. (en) « Armenian Sculptural Reliefs, HMA n° 1320 », dene Izvatcila ke Armena.
  8. (fr) Jannic Durand is Ioanna Rapti is Dorota Giovannoni, Armenia sacra — Mémoire chrétienne des Arméniens (IVe – XVIIIe siècle), Somogy / Musée du Louvre, Paris, 2007, bu 308.
  9. (fr) Patrick Donabédian is Jean-Michel Thierry, bu 205.
  10. (fr) Patrick Donabédian is Jean-Michel Thierry, bu 198.
  11. (de) Jasmine Dum-Tragut, Armenien: 3000 Jahre Kultur zwischen West und Ost, Trescher Verlag, 2008, ISBN 978-3-89794-126-7, bu 397.