Erba (suterot)
|
Erba tir berpot ke Émile Zola sanegayan bak 1891, i san-anyusteafa karba ke Rougon-Macquart yasa nevatum. VildeksTicfiraAristide Saccard, i berikye ke Eugène Rougon vanpiyis eldik, va tufa koe Guinera berpot tis toleafa karba ke Rougon-Macquart yasa lenopapa al aflavar. Koe Erba berpot sanegayan bak 1891, wetce idjaf koredik gire tigir. Va towara ke velita is erbopafa tiura voxis numafa bilita ke bane sare suzdat. Aristide Saccard taneon al tiyir faliskaf gu konaka erbafa bitupera nume koe xokagafa debala kuzur. Mal ansu djudimfir nume va wafafa kodia keve Monceau gerd doler aze gu gida inton koinker lize va toloy vegem lizukedur. Nope lana selera do Eugène berye, va Tamef Omelt redur aze va erbafa dolebela ke Pokeroneka toz dulaper. Va Orviedo sersikya gu bata ja taneon labuiver voxe mbi malvewar. Bam va vegungikye dulapeper, i va jotaf dritik yoltkiraf gu Jacques Hamelin is Caroline inafa berikya. Abdiplekuson va kaliaf is zolonaf waks, va kaydemesik pabur. Va Hamelin ko Konstantinopolis stakser enide bantel va arienta rontion di suler edje va konak turestaf kulik nobar numaze va yona biuna sopura isu todlaca do sin meklabuson levskur.  Azed va velitaxe ke Paris zovdayan gan Zola TitfiraTicfira ke Aristide Saccard va seltbil nutir kimiskafa. Dace Caroline berikya ke Hamelin nope inafa fegalasa mempera tere zertur. Voxe va poruca nendar radimida Saccard kosmar da Saccard va memwedafe nazbeikye yoltkirafe gu Victor dikir. Wori kotcoba me tir draydesa numen Aristide va kakak dere dikir. Inafa vartuca va konak volnik koe eba al nekir, i va tulon lan yudaf omeltik isu kevlik : Gundermann. Inafa erbafa sopura dere zo rotplekud kiren ticfitison va namu, Saccard va intafa tegila luster ise dimluster. Bata rantapafa erbafa omava atitsur viele Gundermann poman gan yon delaf nik va tegila ke Tamef Omelt levdoler ise aun tegir numen namu akeoyer. Saccard va debala meoblion laturontar, ixalason va intafa bocafa erba, voxen namu ke tegila durulon atitsur, teyesison va megaks ke dirnuyus kaydemesik. Gu todlara zo koridar nume zo jizar. Gu alubdafa stolera zo lanzar. Eugène berye impavantason va tirka vezur numen gakeks gu divblira zo artazukar. Aristide va Franca ko Nederlanda bulur. Tison berpot icde erba is zatkuca is erbafa skujera, Erba berpot tozatenon sker. Ticfira az titfira ke Aristide Saccard kan teyka koe bontay ton kerafo piako zo sizuntasid. Dere rupel
|
 Moek ke xantof piskuks ke 1891 | ||||||||||||||||
.jpg)
.svg){kind=icon}