Pyotr Beketov

Pyotr Beketov

≈1600-≈1661

Rossiaf kazakik is vestasik va Sibiria

Pyotr Ivanovitc Beketov (rossiavon : Пётр Иванович Бекетов ) tir rossiavaf vestasik, kobliyis moni 1600 az awalkeyes moni 1661. Bat kazakaf okilik ke Sibiria va konaka widava don Yakutsk is Tcita is Nertcinsk koeon zabduyur. Blirizva Pyotr Beketov va sayakaf zanugal wetce susik ( strelets ) bak 1624 tozuweyer aze ko Sibiria bak 1627 zo stakseyer. Gu winkokilik ke Yenisey gola zo kofliyir nume va taneafa koyara ko Baikal kaikegola ta yutera va koayka bas Buryat sanelia bokayar. Va vuida kiewatcon raplekuyur nume tiyir taneaf rossiik kolapis va Buryat gola. Va taneafo rossiafo boniaxo zabduyur, i va Ribinski Ostrog. Pyotr Beketov van Lena bost bak 1631 zo stakseyer. Diretandon do Kazak dositik va Yakutsk zabduyur, i va play titis mallapixo ke aryona ronafa brinuga. Va kazakik stakseyer, ta vestara va Aldan kuksa is Kolima bost is inkera va yon warzaf folk is yutera va koayka bas lizukafa sanelia. Bak 1636 va Olyokminsk Ostrog folk kene Olyokma kovoa ke Lena. Bak 1640, ko Moskva va yuteyena koayka vanbureyer nume gu kazakaf vombik zo kofliyir. Bak 1641, Beketov ko Yenisey Ostrog folk gin lapir lize di dirgayar. Kazakikaf folk kolnayan gan Beketov is inyon dositik, xanton gu Yakutsk widava Bak 1652, va toleafa koyara ta yutera va koayka koe Buryat gola bokayar. Diretandon, kazakik ke Beketov va Irgenski Ostrog ralma is fentugalafo pemaxo domegon ice Ingoda kuksa vanpitiso Tcita zabduyud. Bak 1654, va Nertcinsk stekefa widava zabduyud. Bak 1655 koe Cilkinski Ostrog folk gan tcumivaf Buryat saneik zo deblameyed, voxe va gola di ladiliayad aze va Amur bost kallakid. Beketov ko Tobolsk bak 1661 dimlapiyir. Bak abica direfa tanda nuve awalkeyer.

Pyotr Beketov  Koblira  ≈ 1600,  ( Rossia )  Awalkera  ≈ 1661,  ? Tobolsk ( Rossia )  Vedeyot  Rossia    Eba  Kazakik is vestasik va Sibiria   Vestaxo  Sibiria, Yakutsk, Tcita   Tuveli icde Izvopa