Vasili Prontcictcev

Teliz mal Wikipedia.
Aller à la navigation Aller à la recherche
Vasili Prontcictcev
1702-1736
Rossiaf totasik is vestasik va Sibiria

Vasili Vasilyevitc Prontcictcev ( rossiavon Василий Васильевич Прончищев ), kobliyis bak 1702 az awalkeyes ba 29/08/1736 ( 09/09/1736 kare Gregorius jara), tiyir rossiaf vestasik isu totafayik.

Arti vayara va solokseropa is totara koe Moskva, Vasili Prontcictcev dene birervolia bak 1728 vilter. Bak 1733 gu rikulafa ekava zo abduaskir nume va toleafa brinuga van Kamtcatka vankolana gu liwotara va krimta ke Arktika welfa wale artexo ke Lena bost is telo ke Yenisey, dirgar.

Vestara ke Prontcictcev bak 1735/1736

Bak 1735 Vasili Prontcictcev va Lena mal Yakutsk titlapir aze va inafa riska kaiklapir aze ta fentugalura koe artexo ke Olenyok bost greeltur. Drigki toz akoler aze nope brayenjakola mulufter. Nekev yone arge va ronefa domega ke Taymir dega bak 1736 lajupartlapir aze keno krimta lentlapir. Dimlapison, Prontcictcev is Maria kurenik nope brayenjakola silukon zertud.

Nekev jontik xonukesik, brinuga di tiyir kiewatca ise va mukeem zomeyer. Remi lapira Prontcictcev va jontika ewala ( Fadey ewaleem isu Komsomolskoy Pravdi isu Petra ) grocelon ice krimta kosmayar. Brinuga tiyir taneafa elimon liwotasa va Lena bost wale Yakutsk is artexo is Fadey pargalu. Kurenik ke Prontcictcev, i Maria Prontcictceva, gu taneafa naelafa vestasikya zo torigir. Moi sinafa awalkera, sin poke artexo ke Olenyok bost di zo kotawayad.

Ki ke ronefa krimta ke Taimir dega is meftaxed wale artexo ke Olenyok bost isu Anabar gu Prontcictcev di zo yoltad.

Vasili Prontcictcev

Vasili Prontcictcev

 Koblira  1702,
 Bogimovo ( Rossia )
 Awalkera  09/09/1736,
 TaymirRossia )
 Vedeyot  Rossia  Flag of Russia.svg
 Eba  Kazakik is vestasik va Sibiria
  Vestaxo  Laptev bira, Lena bost, Taymir
P Parthenon 2.svg  Tuveli icde Izvopa  P Parthenon 2.svg
Naboxa ke Prontcictcev tolonga, afigasuteks ke 1921
General Map of Asiatic Russia- Showing an Up-to-Date Division into Provinces and Regions, Maritime Administration of the Maritime Region, and the Routes of Russian Seafarers WDL96.png
Rossiaf vestasik va Sibiria
Fedot AlekseyevVladimir ArsenyevVladimir AtlasovPyotr BeketovVitus BeringSemyon DejnyovKurbat IvanovDmitri LaptevXariton LaptevIvan MoskvitinMaksim PerfilyevVasili PoyarkovVasili ProntcictcevDemid PyandaMixail StaduxinOnufri StepanovSemyon TcelyuskinAleksey TcirikovMerkuri VaginYerofey XabarovYermak Timofeyevitc