Vladimir Atlasov

Teliz mal Wikipedia.
Aller à la navigation Aller à la recherche
Vladimir Atlasov
1661-1711
Rossiaf kazakik is vestasik va Sibiria

Vladimir Vasilievitc Atlasov ( rossiavon Владимир Васильевич Атласов ) bak 1661 koe Veliki Ustyug kobliyir aze bak 1711 awalkeyer. Tiyir kazakik ke Sibiria inkeyes va taneafo rossiafo elupkafo boniaxo moe Kamtcatka dega. Atlasov tculk is letafa Atlasov tculkewala arte geeon Kamtcatka gu in zo yoltayad.

Tanizva[betara | va krent betá]

Remi 1697 ik 1699, Atlasov va brinuga dem 65 kazakik is 60 Yukagir saneik ta vestara va dega gadeyer. Lakison kan bedakolaf impadimot, sin va artexo ke Penjina bost artlakiyid. Azon va Sredinni rodega remlakiyid aze va Itelmen saneik kakevlakiyid. Do Koryak mikra, kakevera tir plabafa numen 150 patectolik zo stakeyed. Radimion, uzera do Ainu sane dere tir savekafa numen warzafa stakera zo raplekuyur. Taneaf folkam ( ostrog ) koe Verxnekamtcatsk zo vegeduyur. Az ar kene Kamtcatka bost. Bat folk di vanpiyid moortexo va myot.

Tozi 1701, Atlasov ko Moskva dimlapiyir lize wetce fayik ta vestara va Kamtcatka di zo abduaskiyir. Tiyir taneik atoes va pintas munesteks va plekrob ke gola is irubasikeem, is dere ewaleem poke Kamtcatka isu sidayeem is Tcuktci dega is Nipona.

Vladimir Atlasov larujason va exura ke boniaxo ke Kamtcatka va rictula ke Moskva bak 1711 zo aytayar.

Vladimir Atlasov

Vladimir Atlasov

 Koblira  1661,
 Veliki Ustyug ( Rossia )
 Awalkera  01/02/1711,
 Nijnekamtcatsk ( Rossia )
 Vedeyot  Rossia  Flag of Russia.svg
 Eba  Kazakik is vestasik va Sibiria
  Vestaxo  Kamtcatka
P Parthenon 2.svg  Tuveli icde Izvopa  P Parthenon 2.svg
General Map of Asiatic Russia- Showing an Up-to-Date Division into Provinces and Regions, Maritime Administration of the Maritime Region, and the Routes of Russian Seafarers WDL96.png
Rossiaf vestasik va Sibiria
Fedot AlekseyevVladimir ArsenyevVladimir AtlasovPyotr BeketovVitus BeringSemyon DejnyovKurbat IvanovDmitri LaptevXariton LaptevIvan MoskvitinMaksim PerfilyevVasili PoyarkovVasili ProntcictcevDemid PyandaMixail StaduxinOnufri StepanovSemyon TcelyuskinAleksey TcirikovMerkuri VaginYerofey XabarovYermak Timofeyevitc