Flora Sanhueza Rebolledo
|
Flora Sanhueza Rebolledo ( kobliyis bak 1911 koe Cobquecura koe Tcilea az xonukeyes ba 18/09/1974 koe mila widava ) tiyir tavesik is arotievik.  Jovleyena mona koe Pisagua savsafa kawodafa widava Blirizva[betara | va krent betá]Flora Sanhueza Rebolledo dene nuyevafa yasa koblir. Moni 1918, yasa va Pisagua widavama poke Iquique valente patecta koirubar lize varafa skapa va savera va salitre demelxo tikir. Banlize inafa zijnafa nek gorukafa ilkuca tadlewer, dem minia is rietava ta seltafa divadomtara kadatasa arotievaf trak. Nuyevafa bema[betara | va krent betá]Dim Tcilea bak 1947 bal bowerugal ke Gabriel González Videla is brazara va arotievikeem is doevikeem, Flora va Luisa Michel bema redur, i bema koswana gan nuyevafa bema ke toza ke mila decemda. Bata bema gu donalayesikya zo vankolayar.  Cobquecura lize Flora Sanhueza kobliyir aze awalkeyer Bak yona taneafa tanda, bata nuyevafa bema ton aveg ta arayafa vonewera ke bat kobasikeem riwe birgoton guyundeyer. Bak 1953 vanpiyir bema mu rumeik ke dodelikya ise gu « Luisa Michel nuyevafa bema » zo yoltayar. Vas lo 70 vayasik ruldayar. Bak 1957 ten fliyir. Sopera az awalkera[betara | va krent betá]Flora Sanhueza tiyir ziavikya ke William Miller Sanhueza sopeyen az griawiyisin bak 1973. Moi sayakafa kevsokara ke Pinochet bak 1973, dere zo sopeyer aze zo nakeyer. Azon gu eninteno sokexo zo gledayar. Ba 18/09/1974 nope nakera awalker. Vuestexa[betara | va krent betá]
|
| |||||||||||||||||
