Mercedes Comaposada Guillén

Teliz mal Wikipedia.
Aller à la navigation Aller à la recherche
Mercedes Comaposada Guillén
1901-1994
Espanaf arotievik isu ayikyevik

Mercedes Comaposada Guillén ( kobl- ba 14/08/1901 koe Barcelona koe Espana, aw- ba 11/02/1994 koe Paris koe Franca ) tiyir gaaropik is aluteik is ayikyevaf nuyevaf sayudasik.

Do Lucía Sánchez Saornil is Amparo Poch y Gascón va Mujeres Libres nuyevaf ayikyevaf grustaks zabdur ise va espanafa seltevafa artowara ke 1936 paker.

Blirizva[betara | va krent betá]

Mercedes Comaposada Guillén tiyir nazbeik ke Josep Comaposada catalunyaf seltevaf vukudiasik. Koe sayudasa is arayakirafa anameda atrir. Tir jotapaf viele va bema bulur aze wetce unenik koe elpatafu sistu toz kobar. Azon va grosiba ke CNT abdigalda yoter.

Taneugal[betara | va krent betá]

Kadimion va Madrid koirubar lize va rokopa vayar. Va Antonio Machado rungruper.

Gu gaaropa va int tazukar enide pu aryona ayikya di rotaver. Do Lucía Sánchez Saornil, va ayikyafa lospa tikisa va nuyevaf lizor redur. Sin pu dodelik koe gola ke Madrid ixam al anamtaveyed, rabateson va tisa ayikyafimuca isu abdimalyeks.

Mujeres Libres[betara | va krent betá]

Bak balemeaksat ke 1936 do Lucía Sánchez Saornil is Amparo Poch y Gascón va Mujeres Libres ayikyevaf grustaks vanpitis tan nelkaf grustaks ke espanaf nuyevaf lizor.

Grustaks kalion vonewer, kabelcason va lo 20 000 dodelikya isu tawamidusikya koe sokasanef seg bak 1938. Bak alubeaksat ke 1936 taneaf otuk ke Mujeres Libres virda zo sanegar.

Artanya va 12 ar otuk sanegatan paked, dum Federica Montseny Mañé is Emma Goldman is Lucía Sánchez Saornil is Carmen Conde Abellán ikz-. Baltasar Lobo balumasik kakeveyen bak 1933 az vanpiyis inaf dositik, wetce yunkesik dere paker.

Bak kevsokara ke 18 ke pereaksat ke 1936, Comaposada ko Barcelona dimlapir lize va ara ayikyafa lospa kazokever. Va redura va warzafa vedeyafa galda dokobar.

Yona ironokafa tanda[betara | va krent betá]

Beka Mercedes Comaposada galejeyer, pune va intafa gaasa kobara is dokobara va nuyevaf feleem me jovler. Bak taneafa tanda ke Toleafe Espanafe Sokasane, va jontika nuyevafa fela dokobar, nelkon suteson mu Tierra y Libertad fela ( piskuna gan Iberafa Arotievafa Galda ) is Mujeres Libres ( vanpison sutelas suteptik bak Seltafa Espanafa Artowara ke 1936 ) is Tiempos Nuevos lize va wimna ektudas va detce dum selaropa ik ikruca viunsur.

Radimi surtera, do Baltasar Lobo dositye ko Paris koe Franca divblinon gonotcer, konendanon gan Pablo Picasso uneteso wetce suteptik. Va jontik malespanavaks va espanaf suterotik dum pilkovon Lope de Vega skur. Remi 1960-e sanda isu 1970-e koe Paris va Mujeres Libres virda isu Tierra y Libertad isu Tiempos Nuevos is dere Ruta trelna isu Umbral wan dokobar.

Ba 11 ke toleaksat ke 1994 koe Paris awalker.

Dere rupec[betara | va krent betá]

Mujeres Libres

Suterot[betara | va krent betá]

  • (es) Los artistas españoles de la Escuela de París
  • (es) La ciencia en la mochilla, Barcelona, 1938.
  • (es) Esquemas, Barcelone, 1937.
  • (es) Las mujeres en nuestra revolución, 1937.

Vuestexeem[betara | va krent betá]

  • (es) Iñiguez, Miguel (2001). Esbozo de una Enciclopedia histórica del anarquismo español. Madrid. ISBN 9788486864453.
  • (es) Vega, Eulàlia (2010). Revolucionarias y pioneras: mujeres durante la República, la Guerra Civil y el Franquismo. Barcelona. ISBN 8498882893.
  • (es) Martha Ackelsberg (2006). Mujeres Libres: El anarquismo y la lucha por la emancipación de las mujeres. Barcelona. ISBN 978-84-88455-66-6.
  • (es) Nash, Mary (1976). Mujeres Libres: España 1936-1939. Barcelona. ISBN 84-7223-704-4.
  • (es) Liaño Gil, Conchita (1991). Mujeres Libres. Luchadoras libertarias. ISBN 9788486864330.

Mercedes Comaposada Guillén

Mercedes Comaposada Guillén

 Koblira  14/08/1901,
 Barcelona, Espana
 Awalkera  11/02/1994,
 Paris, Franca
 Vedeyot  Espana
 Tegira  Arotievaf ayikyevik
  Bifa 
P Parthenon 2.svg  Tuveli icde Izvopa  P Parthenon 2.svg
Rb-star.svg  Tuveli icde Arotieva  Rb-star.svg
Mujeres Libres 9.gif
Mujeres Libres ~ espanafa arotievikya

Sara Berenguer LaosaConsuelo Berges RábagoMaría Bruguera PérezPepita Carpena-AmatMercedes Comaposada GuillénAnna DelsoMika Feldman de EtchebéhèreAntònia Fontanillas BorràsSoledad Kasilda Hernáez VargasLola Iturbe ArizcurenPaquita Jolis PuigConcha Liaño GilIsabel Mesa DelgadoFederica Montseny MañéAmparo Poch y GascónMaria Suceso Portales CasamarLlibertat Ródenas RodriguezLucía Sánchez Saornil