Lucía Sánchez Saornil

Teliz mal Wikipedia.
Sauter à la navigation Sauter à la recherche
Lucía Sánchez Saornil
1895-1970
Espanaf arotievik isu ayikyevik

Lucía Sánchez Saornil ( kobl- ba 13/12/1895 koe Madrid koe Espana, aw- ba 02/06/1970 koe Valencia ) tiyir ezlopik is arotievaf is ayikyevaf sayudasik ke Mujeres Libres espanaf lizor. Ton kievesa milikrafamikya, tiyir tanealik ke milikrafamikyafa rena dene ezlopa.

« Sopron, krupté da kaltcinera va ikrazvak ke ayikya kan tenekara va skapazvak anton sotigir. Kan Artowara. Antede. Kota arcoba co tir yoltbetara ta warzafa levetiruca. »

— Lucía Sánchez Saornil, Solidaridad Obrera, 30/10/1935


Blirizva[betara | va krent betá]

Lucía Sánchez Saornil ba 13/12/1895 koe Madrid koblir, koe Peñuelas revava dene wawapafa yasa. Abdievlafa awalkera ke gadikya is tane berikye va skaparge tuastirbad. Radimi vayara koe sanegafa bema, bak 1916 den Telefónica espanafu sumepulvisikifu sistu zo seger. Miledje dene San Fernando Yambacultim vayar.

Lucía Sánchez Saornil, afigasuteks ke 1933

Ezlopa[betara | va krent betá]

Vabdion, ina va ezlopa skeupuson ektudar ise bak 1919 va Ultraísmo lizor.

Va ezla kan Luciano San-Saor ikayolt koe abdifisa virda dum Tableros is Plural is Manantial is Los Quijotes is Gaceta Literaria sanegar. Jontika ezla divedjon tid ikrarenafa is ilamsiskesa va ayikyafa listuca is sintafa renara ke ayikya.

Arotieva[betara | va krent betá]

Bak 1920 va ezlopa iskedar ise va gaderopafa tegira ekdudapar, vanpison sayudasik ke espanaf arotigrosibevaf lizor isu arotiayikyevaf. Va grosibaf lyumareem dene Telefónica sistu tulon paker. Bak 1927 va Valencia koirubar ise va korgrupafa virda dum Tierra y Libertad is Solidaridad Obrera dokobar. Dim Madrid bak 1929, dene amidaf arotievaf tum noon wan kobaver, aze bak 1933 gu sutelas suteptik ke virda ke CNT abdigalda zo koflir.

« Bak alubeaksat ke 1936 Mujeres Libres virda nazbalayar. Narara va bat toloy ravlem me tiyir xuvayaca. Va cek jontikviele meuyun gu Mujeres ( ayikya ) ravlem djudeayav. Gesiason gu Libre ( nuyaf ) sorela, va int tentuyuv da en tiv volruptes gu kot viray ok gaderopafa lospa, aneyason va kretura va envaks ( nuyikya ) banvieli gesiajayan gu tolpestafa remtrakura tuomasa va ayikyafa gropa is miledje tresesa va envaks ke nuyuca dumede bat toloy trogarn co tid voldojenias. »

— Lucía Sánchez Saornil, CNT, n° 531, 30/01/1937


Bak 1936 kabdi Espanafa Wideytafa Geja, do Mercedes Comaposada Guillén is Amparo Poch y Gascón va Mujeres Libres lospa zabdur, i va arotiayikyevafa lospa dikisa va CNT pako is abduaskisa va divadomtara va ayikyeem don dene arotievafa anameda. Bak 1938 bata lospa tir vas tol-kunoy bewik.

Viele wideytafa geja vinustar, Lucía va kevfrancoevaf lizor tegipison paker. Bak 1937 ko Valencia dimlapir ise va sutelara va Umbral arotievafa fela dokobar. Banugale va América Barroso kakever numen sina tudositawed. Bak alubeaksat ke 1938 gu jadif suteptik ke espanaf gabot ke SIA Kevtorkevafa Walvedeyafa Gotuskuca grustaks zo libur, i ke francespanaf grustaks zobeyes va espanaf kevtorkevik remi artowara isu kaiki.

Bak 1937 do Emma Goldman

Moi cenera ke francoevaf vedeyevik, Lucía Sánchez Saornil ko Franca gelber. Azon bak 1942 divvawatason va rezgalera, ko Espana birgoton gonodimlapir, ko taneon Madrid az Valencia. Kali 1954 palseson di zavzagir.

Lucía Sánchez Saornil ba 02/06/1970 koe Valencia nope veta mulufter.


Klita[betara | va krent betá]

Bat teliz tir pakaf kalkotavaks va teliz ke Anarcopedia internetxo

Dere rupec[betara | va krent betá]

→ Mujeres Libres

Suterot[betara | va krent betá]

  • (es) Lucía Sánchez Saornil, Poesía [1], Martín Casamitjana, Editorial Pre-Textos, ISBN 84-8191-100-3, 1996.

Vuestexeem[betara | va krent betá]

  • (en) Ackelsberg, Martha A. Free Women of Spain: Anarchism and the Struggle for the Emancipation of Women. Bloomington, IN: Indiana University Press, 1991.
  • (es) Tània Balló, Las Sinsombrero 2. Editorial Espasa. Barcelona 2018 ISBN 9788467054002.
  • (es) Nuria Capdevila-Argüelles, Autoras inciertas. Voces olvidadas de nuestro feminismo. Editorial Horas y horas. Madrid, 2008. ISBN 9788496004184.
  • (it) Michela Cimbalo, Ho sempre detto noi. Lucia Sanchez Saornil, femminista e anarchica nella Spagna della Guerra Civile, Ed. Viella, Roma, 2020.
  • (en) Enders and Radcliff. Constructing Spanish womanhood: female identity in modern Spain. SUNY Press, 1999.
  • (es) Antònia Fontanillas Borràs, Pau Martínez Muñoz, Lucía Sánchez Saornil : poeta, periodista y fundadora de Mujeres libres, Madrid, LaMalatesta, 2014.
  • (fr) Guillaume Goutte, Lucia Sanchez Saornil, poétesse, anarchiste et féministe, Paris, Ed. Monde libertaire, 03/2011.
  • (en) Robert Graham, Anarchism : A Documentary History of Libertarian Ideas, From Anarchy to Anarchism (300 CE to 1939), vol. I, Black Rose Books, 2005, krentack.
  • (en) Linhard, Tabea Alexa. Fearless women in the Mexican Revolution and the Spanish Civil War. University of Missouri Press, 2005.
  • (it) Ricke Merighi, Mujeres Libres. Bagalara va nuyevafa ayikyeva.
  • (en) Nash, Mary. Defying Male Civilization: Women in the Spanish Civil War. Denver, CO.: Arden Press, 1995.
  • (es) Lucía Sánchez Saornil, Poeta, periodista y fundadora de Mujeres Libres, Editorial LaMalatesta, 2014, ISBN 978-84-941712-2-2
  • (it) Pier Francesco Zarcone, Mujeres Libres, Comunismo Anarchico al femminile nella Spagna rivoluzionaria Belira

Lucía Sánchez Saornil

Lucía Sánchez Saornil

 Koblira  13/12/1895,
 Madrid, Espana
 Awalkera  02/06/1970,
 Valencia, Espana
 Vedeyot  Espana
 Tegira  Arotievaf ayikyevik
  Bifa 
P Parthenon 2.svg  Tuveli icde Izvopa  P Parthenon 2.svg
Rb-star.svg  Tuveli icde Arotieva  Rb-star.svg
Mujeres Libres 9.gif
Mujeres Libres ~ espanafa arotievikya

Sara Berenguer LaosaConsuelo Berges RábagoMaría Bruguera PérezPepita Carpena-AmatMercedes Comaposada GuillénAnna DelsoMika Feldman de EtchebéhèreAntònia Fontanillas BorràsSoledad Kasilda Hernáez VargasLola Iturbe ArizcurenPaquita Jolis PuigConcha Liaño GilIsabel Mesa DelgadoFederica Montseny MañéAmparo Poch y GascónMaria Suceso Portales CasamarLlibertat Ródenas RodriguezLucía Sánchez Saornil