María Bruguera Pérez

Teliz mal Wikipedia.
María Bruguera Pérez
1913-1992
Espanaf arotievik isu ayikyevik

María Bruguera Pérez ( kobl- ba 13/12/1895 koe Jerez de los Caballeros poke Badajoz koe Espana, aw- ba 26/12/1992 koe Madrid ) tiyir arotievaf is ayikyevaf sayudasik ke Mujeres Libres espanaf lizor.

Blirizva[betara | va krent betá]

Antonio Bruguera gadikye kobliyise koe Extremadura gola tiyir xantafe gu Catalunya, is arotievaf sayudasik is grosibik. María va nuyevafa rieta wavepon satoleyer. Va bema kali anton lerdda nobayar aze wetce fidesik is pomasik koe blotafa doltama ke gadikya kobayar. Bak 1932 va tana Juventudes LibertariasNuyevaf Jotikeem ) rega yoteyer, edje va Ni Dios ni AmoMe lorik mei felisik ) wenyaf seltom pakeyer ise va seltafa drunta koe wida ke Badajoz gola zirseyer.

Bak 1937 do konakar yasik gan torkevaf blay kereleyes va intafa wida zo sopeyer : Elisa Pérez Moreno is Francisco Torrado Navarro dositikye zo adjubeyed. Zo umbeyer kire nazbeyer. Floreal nazbeye ba 08/06/1937 kobliyir. María bak santoleaksat ke 1937 koe Badajoz gu xonuka zo lanzar. Gakera gu stolesa bar-sanda zo nuner. Ina koe flint ke Badajoz az Salamanca az Valladolid az Santurrarán az Santander az Madrid zo sopeyer lize fideson ik asadason kobayar. Va nazbeikye pu ikagadikeem goniskeyer. Bak 17/10/1939 inafe gadikye gan torkevafa vertuma zo klibuyur.

Ina bak santoleaksat ke 1945, do Aureliano Lobo warzafe dositikye zo tunuyar. Azon va birgotafa lyumara dene neda ke « Mujeres Libres » kazokever. Radimi awalkera ke Franco torkevik, va dimvegedura va « Mujers Libres » koe Madrid paker ise tir bewik ke grosiba dem ropes kobasik ke CNT. Viele CNT va int solper, pune va solpesikafa neya ise tir tan redusik va Mujeres Libertarias trelna koe Madrid. María Bruguera Pérez ba 26/12/1992 koe Madrid awalker aze alto koe Amudena awalkikxo zo kotawar.

Dere rupec[betara | va krent betá]

Mujeres Libres

Vuestexeem[betara | va krent betá]

  • (fr) Collectif, Mujeres libres : mémoire vive de femmes libertaires dans la Révolution espagnole, Paris, Le Monde libertaire, 2000.
  • (es) Miguel Iñiguez, Esbozo de una enciclopedia histórica del anarquismo español, Fundación de Estudios Libertarios Anselmo Lorenzo, Madrid, 2001, ISBN 978-8486864453.


María Bruguera Pérez

María Bruguera Pérez

 Koblira  06/11/1913,
 Jerez de los Caballeros, Espana
 Awalkera  26/12/1992,
 Madrid, Espana
 Vedeyot  Espana
 Tegira  Arotievaf ayikyevik
  Bifa 
  Tuveli icde Izvopa 
  Tuveli icde Arotieva 
Mujeres Libres ~ espanafa arotievikya

Sara Berenguer LaosaConsuelo Berges RábagoMaría Bruguera PérezPepita Carpena-AmatMercedes Comaposada GuillénAnna DelsoMika Feldman de EtchebéhèreAntònia Fontanillas BorràsSoledad Kasilda Hernáez VargasLola Iturbe ArizcurenPaquita Jolis PuigConcha Liaño GilIsabel Mesa DelgadoFederica Montseny MañéAmparo Poch y GascónMaria Suceso Portales CasamarLlibertat Ródenas RodriguezLucía Sánchez Saornil