Iquique

Iquique tir widava valente Tcilea, poke jowa do Bolivia is Perua, kene Pacifika Welfa is Atacama letaxo. Tir widot ke Tarapacá gola. Izva Taneaf vegeduks ke Iquique gan espanik bak XVI-eafa decemda zo kolnayad. Ba volruptesuca ke boniaxoeem ke Geefa Amerika bak XIX-eafa decemda, Iquique di tiyir digixo ke Bolivia is inaf nelkaf molt. Bak Geja ke Pacifika wali 1879 is 1884, widava gan Tcilea zo olgalicuyur numen artion zo notrayar. Banugale zolonafa raba savesa va demelulxo is unesa va yon jontik dodelik koe Iquique zo tadleyer. Stakera ke Santa María bema Stakera ke Santa María bema tir stakera va yastes kobasik nelkon tis dodelik ke demelulxo is sinafa yasa isu nazbeikeem, i stakera raplekuyuna gan tcileafa ervolia koe Iquique ba 21/12/1907. Kosota tir metentuyuna voxe gu 2000 ik 3600 olkik gan amidafa klita zo uldiner. Bak pelava ke demelulafa kawodafa raba dilizeyer, bak Tcileafe Pulodafe Sokasane ( 1891-1925 ). Nope stakera az tueaftasa gazara, yastera zo kalempayar isen dodelaf lizor remi konaka sanda zo levrotiyir. Jontikedje grupera va stakera is rujara ins di zo tuflovayar. Bak 2007 nope decemeilanuk, bowere va lorasipisa konamira is tanoy vedeyon sugawalkas vielcek grustayar ise va kosikeem winugon dimrokayar. Stakexo tiyir Domingo Santa María bema liz yon decemoy kawodik mal konaka demelulafa kawoda ke lentefa Tcilea mali tanoya safta pemayad radimida van Iquique golaf widot al vanmilenidayad, erutuson va maltegira ke bowere ta tulokiewara va bliraf is kobaraf gropeem. Rafael Sotomayor Gaete eldik va selura va yastera gorayar, kan edefiste ervoliafa ruzadera. Ba 21/12/1907 Roberto Silva Renard jadiwik dirgas va milk banlize tigis, nope bat azed va yastes okilik givayar da tari abdi tanoy bartiv di gotcastaweyer kiren edeme in vaon artion volmiv viltayar. Tari is okilik zavzagiyid. Arti edja, Silva Renard jadiwik va zeltara dirgayar. Taneafa vordotara va yon parlesik balieyer, azen zeltara is lyestara va tari onotcason kulmeyed, don decemoy ayikya isu rumeik dositas va yastesik. Sopron 2000 ik 3600 korik zo zeltayad ike zo klibuyud ike zo adjubeyed. Ewava va stakera Ewava va stakera Santa María de Iquique bema ke Iquique, titi XX-eafa decemda Santa María de Iquique bema Milk ke Esmeralda vertega rujayasa va exura ke Iquique Ervolia koe vawila ke Iquique Rictaga is pak ke dodelikeem ke Iquique, 19/12/1907 Dodelafi tari koe Iquique, 1907 Dodelafa exaksara koe Iquique, 1907 Farura ke 2500 dodelik koe Iquique ba 19/12/1907 Sanelia Sanelia ke Iquique tiyir vas 164 396 irubasik bak 2017. Ilana Sanelia 1982 110 175 1992 145 139 2002 164 396 2017 164 396 Ewavak ke refa widava Ewava is vegeduks ke Iquique Wiks va Iquique Wiks va Iquique, geuon Wiks va Iquique, geuon Cavancha piluda arte Cavancha dega Baquedano bedom Istexo ke Iquique Dotafe wenyaxe ke Iquique Dotafe wenyaxe ke Iquique, mielon Torre del Reloj ( Bartivelarasek ) moe Arturo Prat viga Prat viga Mall Zofri, mielon 21-e ke alubeaksat viga Trans-Atacama impadimak Arturo Prat kotla Arturo Prat kotla, Vegeduropa kizey Santo Tomas kotla Slava viga Korobik tikis vas Iquique Teresa Wilms Montt (1893-1921) Elena Caffarena Morice (1903-2003) Baldramina Flores Urquieta (1924-) Dere rupec ► Widava ke Tcilea Vuestexa

Iquique RISTULA Patecta Tcilea   Gola Tarapacá Welmot 2 262 km² SANELIOPA Sanelia 189 065 ir- (2017) TAWAVOPA Maneka  20° 14' 10' G-, 70° 08' 08" T- Ontine 5 m- LAPIRA, LIZIBA Bira, kuksa Rid Kelot Vawa