Artblira ke yikya (suterot)
|
Artblira ke yikya tir berpotam ke Guy de Maupassant sanegayan bak 1883 koe taneatomon Gil Blas virda az Le Rosier de madame Husson larma bak 1888. VildeksLana tresenikya va intafa izva pu jevintik vaon sure giwatas gu batultik kareizur. Ugale tiyir san-tevdafa, pune zanon gu Lerable guazafe faydolesikye galpese kobayar. Lanviele do fertye koe mawa zo onser numen Lerable ve perleper. Ina ko Rouen otcer. Moo vawa va toloy batultik rofaves va intafa ixakuca num doboes kakever. Koe Rouen blidatason, baskon gu tresenik, va ayikye lapowar nume gu gakera vas konak stoles viel zo lanzar. Kadimi malyera kagrupesa va inafa volgunuca, ina va guazafe malyesikye puveyene kevlanir. Bantanye dum kotare anelikye kotrielon ginobane va ina kevdoder. Wori lansielon, savsafe tregulokilikye beneon mulufter. Ina zo soper aze gu gakera vas baroy stoles aksat zo lanzar. Tenion va Rouen ko Paris mallapir. Sutafa blira koe kelu ker. I yikya va giwasik bulur radimida va inyona mexariafa grewara al vewar. Dere rupel
|
| ||||||||||||||||
.svg){kind=icon}
