Tanzania

**Tanzania**
	Jamhuri ya Muungano wa Tanzania (sw); The United Republic of Tanzania (en)
Kelu	Dodoma
Ava	Swaxiliava, Englava
Vertuma	Sokasane
Welmot	945 087 km²
Sanelia	58 552 845 (2020)
For	61 ir-/km²
Tal	Shilling ke Tanzania
betara	teza

Tanzania tir patecta ke Ronefa Afrika.

Noelafa Tanzania nope katanara ke Tanganyika is Zanzibara ba 26 balemeaksat ke 1964 nazbalayar, moi volruptera ke bato toloyo boniaxo gu Tanaragazaxo. Tir bewafa gu Commonwealth grustaks azu Tanaravedeyeem mali tena ke 1961.


	Ristusa grustara
Goleem Tanzania tir dem bar-sanoya gola. Loon rupé → Risturafa watsa : Gaderopafa vertuma ke Tanzania • Goleem ke Tanzania


	Tawavopa
Pozlakelor is savsafa azekexa is tculktraspuxa Tanzaniaxo va taltef kelor ke Rift Valley koe Ronefa Afrika ( kerelenaf gu Tanganyika uzda isu Rukwa isu Malawi ) is India welfa walenir. Va pakavapa ke ontinafa azekexa ke Uzdapaxo kale darefo taltefo selorxo, is va titefo krimtaxo wale Usambara mefteem is bostartexo ke Ruvuma baton ruldar. Kene bato krimtaxo konaka pokefa ewala tigid, telyona logijafa tisa Pemba is Zanzibar is Mafia. Loon rupé → Tawavopafa watsa : Mefta ke Tanzania • Voa ke Tanzania • Uzda ke Tanzania • Ewala ke Tanzania


	Izva
Arabafa turestara Tela taneafa izvafa vuestexa va krimteem ke Ronefa Afrika is noelafa tadavafa Tanzania is Pemba ewala isu Zanzibar tid koe « Anamekoyara va Ertra bira » suteks sutelayan gan dolekik ke Aliskanderia moni II-eafa decemda. Tir totarafa is kazafa nyaperaneva icde molteem ke Araba is Barata is Ronefa Afrika ( savsugalikeem kan Ertra Bira va Kerafa Bira is India Welfa is Araba Witalu belcon yoltayar ). Koeon ravet da tozi fird gubefa skeda ixam krulded wale taneon Araba is Mesopotamia is dere do krimta is ewala se ke Ronefa Afrika kale Rapta ( mepilkomodana widava ke Tanganyika, lanon kaike Rufiji riska ). Lodelimafa cenkaxa gan arabaf koyasik isu tawavopik ( Al Masudi is Ibn Xaukal is Al Idrisi ) azon zo dafud. Loon rupé → Izvafa watsa : Izva ke Zanzibar • Izvik • Kilwa gazaxo • Maji-Maji kevmadara • Julius Nyerere • Tanganyika • Zanzibara


	Sanelia
Mali "Homo habilis" kali lonoeltaf frofas grelt Re, Tanzaniaxo tir telo xo videyeso va lokulaf is losavsaf conyuteem ke taneaf ayikkoraf tisik is ayikdunol. Bak 1959, moe Olduvai ecorxo debak kosmara va xim ke Zinjanthropus ( 1 750 000^–daf autralopithecus ) gan Leakey, noveyer da afrikaf abdiugal is ayizva warzon zo koafiyid. Kuritcafa is warnafa bada ke serixo va tisuca ke losavsaf ayikdunol ( Homo habilis ) azon ( 1963 ) ve razduyud. Tere, koe lotitefa bada, va 600 000-daf xim ke Homo erectus divsidayad. Strabrega ke ilbodeyena xeka isu dri trasiyina koe lonoeltafa bada va elubkuca ke ayexonenuca koe bata gola ke Roneafrika vrutad. Loon rupé → Saneliafa watsa : Saneliopa va Tanzania • Mikreem ke Tanzania • Widava ke Tanzania


	Araya is yamba
Burmotaropa Nyama choma estuxa tir kum deaxolafa pustayana atela, sanegapafa koe Kenya ( lize wetce ana vedeyafa estuxa ) is Tanzania. Nyama choma muxaks vas « pustarotafa atela » swaxiliavon sugdalar. Egara : Koe Kenya, deaxolafa atela zo abdualbar, voxen jaftola dere zo faver. Ta garifa nyama choma estuxa, eip is culo anton zo loplekud, voxen yontan koe aotceks dem nyorku is biolma is glefayan betcelek do abico pofo rizo is vobekratela taneon koljed. Loon rupé → Arayafa is yambafa watsa : Rwalt is vundopa • Aveem • Suteroteem • Abdulrazak Gurnah • Yamba • Gaara is tavera • Alkeem • Utieem • Burmotaropa • Tamavafa gadakiewega ke UNESCO