Pemba

Teliz mal Wikipedia.
Pemba
TAWAVOPA
Ord Tadavafa ewala
Debala India Welfa
Maneka     05°09 G-, 39°45 R-
Tursia Zanzibar
Welmot   984 km²
Abrotce 67 km-  ( mant- : 22 km- )
Ontine 50 m-  
RISTULA
Patecta Tanzania    
Gola Pemba North, Pemba South
SANELIOPA
Sanelia 406 848 ir- ( 2012 )
For 413,46 ir-/km²
Widava Chake Chake, Mkoani, Wete
Pemba ( lenteon ) vanmiae Zanzibar tursia

Pemba tir tana baroya ewala ke Zanzibar tursia koe Tanzania kabdue afrikafa krimta koe India Welfa. Arte 50 km- lente Unguja tisa nelkafa ewala tigir. Inafa sanelia vas 406 848 irubasik moe welma vas 980 km² ( abr- gu 67 km is mant- vas 22 km- ) ba 2012 zo maluldiner.

Pemba ewala wetce arabaf yolt vas Al-Jazira al-Xadrakusafa ewala ) dere zo grupeyer. Tir briakirafa is bodafa loon dam Unguja, nelkon koe valentexo lize zaday is keraf xot zo midud. Inaf robap tir luminda vas lo baroy celemoy aal. Abic fad isu vreja isu bilka isu botada dere tid.

Koyutarula tir noeltaf rob mali 1990-e sanda, dem yona piluda. Isen Pemba tir debakany ta ridafa estobara nope intaf drakcanak ware galenyes is kuluca ke biraf sulemeem.

Nelkafa widava tid Chake Chake is Mkoani is Wete. Moltap tir Wete.

Izva[betara | va krent betá]

Sanelia ke ewala tir aotceks va cug Bantu mikrik is gadesa pula xanton gu Araba ik Persa. Inafa araya tir Swaxili.

Afigasuteks[betara | va krent betá]

KilwaMafiaPembaUnguja