Stéphane Mallarmé

Teliz mal Wikipedia.
Sauter à la navigation Sauter à la recherche
Stéphane Mallarmé
1842-1898
Francavaf ezlopik

Stéphane Mallarmé bak 18/03/1842 koe Paris koblir. Wavepon va gadikya is berikya drasur, batcoba den in va dustulera ke awalk pistoler. Bata koe inaf grabom di tir gustafa. Koe Sens olda lize va vayarugal tenuker, in va Baudelaire is Edgar Poe seramon kosmar ; va yon taneaf blok suter. Ko Engla mallapir ( 1862 ) lize kurer. Moi dimpira ko Franca, vanpir englavatavesik ( koe Tournon az Besançon az Avignon az tere Paris mali 1871 ).

Nomanon gan yon ravesik, va bata exava kodayasa va intaf ugal isu fa kotviele temeyer ! Axofeson va ezlafe belike soltioltese va brigafa blira, nope astirbafa krulderadeona mejer. Kaikida va konak Parnassos rijay nobayar, pu saneg gan Verlaine is Huysmans zo razdar. Inaf Poésies ezlak bak 1887 koe La Revue Indépendante zo sanegad. Lecevaf ezlopikeem wetce inaf okilik va in bam askir ise giltaver da kotbareavielon koe inafa bonta kene Rome vawila katanawer ( lize Laforgue ik Valéry ik Gide ik Claudel ik Oscar Wilde zo rokakeved ).

Ba 09/09/1898 in koe intafa mona koe Valvins ( Seine-et-Marne ) awalker edje va Hérodiade nyabafa piza zavzatasa stogoyeks kobaver.

Stéphane Mallarmé

Stéphane Mallarmé

 Blira 1842-1898
 Ava Francava
 Suterind Ezlopa
  Suterot 
  • L'Après-midi d'un faune (1876)
  • Petite philologie, les mots anglais (1878)
  • Les Dieux antiques (1879)
  • Album de vers et de prose (1887)
  • Pages (1891)
  • Oxford, Cambridge, la musique et les lettres (1895)
  • Divagations (1897)
  • Un coup de dés jamais n'abolira le hasard (1897)
  • Poésies (1899, radimiawalkon)
  • Vers de circonstance (1920 radimiawalkon)
  • Igitur (1925 radimiawalkon)
  • Contes indiens (1927 radimiawalkon)
Bookshelf icon (red and blue).svg  Tuveli icde Suteroteem  Bookshelf icon (red and blue).svg