Recela 11 : Mishima (gweta)

Teliz mal Wikipedia.
Recela 11 : Mishima ~ 三島 (JA)


Recela 11 : Mishima ( niponavon 三島 ) tir san-toleafa gweta ke sposaf gwetak vergumveltkiraf gu 53 recela ke Tōkaidō vawa ( 東海道五十三次之内, Tōkaidō Gojūsan-tsugi no uchi ), zovdayan gan Utagawa Hiroshige niponaf yambik, is taneon piskuyun bak 1833-1834 gan Hōeidō.

Tōkaidō vawa tiyir vawapa wale Edo ( re Tokyo ) tiso kelu ke Shogun patectokilik is Kyoto gindafu kelu ke Nipona. Sareon gu Hiroshige, kotafa soluma tiyir vas mon 500 km- numen lanis koyasik bad mon toloya safta exuleyed.

Hiroshige va varaf gwetak dem 53 recela ke zalor zovdayar. Bata gweta ( Ukiyo-e tazuk ) tir lumkirafa gu 37 × 25 cm- ( ton Oban breviz ). Tir san-taneafa ke enk ise va greelt koe Mishima kaatoer.

Greelt ke Mishima[betara | va krent betá]

Recela ke Mishima ( niponavon 三島宿 ) koe Mishima widava tigir. Mishima tiyir prostewafu kelu ke Izu winka sareon gu Nara isen zolonapafa Shinto dopewapa tigiyir. Toloya gida is per-sanoya yorida mu koyasik dere fliyid.

Gweta ke Hiroshige va yon koyasik mallakis ba gazdabra nedir. Battan okollakir solve bantan kan iribarovak koyar. Va torii tuveli ke Mishima-taisha dopewa koe radimefa azenta kozwit.

Mallakira div Mishima ledungxo ba gazda koe abdaf is fentaf alpoz zo pimtar. Koyasik ware modas gu sopura va portafa koyara koo meftava va sint tugadiad edje wida ware nukeniber ise tir amlitafa.

Hiroshige va mana vanama mafelon dalinger. Battode va rubiara va antafa ksave icde radimefa azenta rozer, a anamez ; ison va grupeaf lukoptaf is faltakusaf ligundeks kare ilafa tigira malsaver.


Dere rupec[betara | va krent betá]

53 recela ke Tōkaidō vawa

Stragela[betara | va krent betá]

  • (en) Carey, Patrick. Rediscovering the Old Tokaido:In the Footsteps of Hiroshige, Global Books UK, 2000, ISBN 1901903109.
  • (en) Chiba, Reiko. Hiroshige's Tokaido in Prints and Poetry, Tuttle, 1982, ISBN 0804802467.
  • (fr) Delay, Nelly, Hiroshige sur la route du Tokaîdo, Éditions Hazan, Paris 2010, ISBN 978-2-7541-0498-2.
  • (fr) Lambert, Gisèle & Bouquillard Jocelyn, Le Tōkaidō d'Hiroshige, Bibliothèque de l'image, 2002, ISBN 2-914239-69-6.
  • (en) Traganou, Jilly. The Tokaido Road: Travelling and Representation in Edo and Meiji Japan. RoutledgeCurzon (2004). ISBN 9780415310918.
  • (fr) Le Tōkaidō : de Tōkyō à Kyōto avec Hiroshige, estampes des 53 relais, Paris, 1981 (estova ke wonara ke Cernuschi tcila, 10-11/1981).

Recela 11 : Mishima
三島 (JA)

Recela 11 : Mishima
 Yambik Utagawa Hiroshige
 Evla 1833-1834 ( piskura ke Hōeidō )
 Ord Patectoy - ( Ukiyo-e )
 Lingerinda Gweta keve eluxa
 Lum 37 × 25 cm- ( Oban breviz )
 Gwetak 53 recela ke Tōkaidō vawa


53 recela ke Tōkaidō vawa

Mallanixo : Nihonbashi1 : Shinagawa2 : Kawasaki3 : Kanagawa4 : Hodogaya5 : Totsuka6 : Fujisawa7 : Hiratsuka8 : Ōiso9 : Odawara10 : Hakone11 : Mishima12 : Numazu13 : Hara14 : Yoshiwara15 : Kanbara16 : Yui17 : Okitsu18 : Ejiri19 : Fuchū20 : Mariko21 : Okabe22 : Fujieda23 : Shimada24 : Kanaya25 : Nissaka26 : Kakegawa27 : Fukuroi28 : Mitsuke29 : Hamamatsu30 : Maisaka31 : Arai32 : Shirasuka33 : Futagawa34 : Yoshida35 : Goyu36 : Akasaka37 : Fujikawa38 : Okazaki39 : Chiryū40 : Narumi41 : Miya42 : Kuwana43 : Yokkaichi44 : Ishiyakushi45 : Shōno46 : Kameyama47 : Seki48 : Sakashita49 : Tsuchiyama50 : Minakuchi51 : Ishibe52 : Kusatsu53 : ŌtsuArtlanixo : Sanjō Ōhashi

  Tuveli icde Lingeropa