Recela 0 : Nihonbashi (gweta)

Mallanixo : Nihonbashi ~ 日本橋 (JA)

Mallanixo : Nihonbashi ( niponavon 日本橋 ) tir taneafa gweta ke sposaf gwetak vergumveltkiraf gu 53 recela ke Tōkaidō vawa ( 東海道五十三次之内, Tōkaidō Gojūsan-tsugi no uchi ), zovdayan gan Utagawa Hiroshige niponaf yambik, is taneon piskuyun bak 1833-1834 gan Hōeidō.

Tōkaidō vawa tiyir vawapa wale Edo ( re Tokyo ) tiso kelu ke Shogun patectokilik is Kyoto gindafu kelu ke Nipona. Sareon gu Hiroshige, kotafa soluma tiyir vas mon 500 km- numen lanis koyasik bad mon toloya safta exuleyed.

Hiroshige va varaf gwetak dem 53 recela ke zalor zovdayar. Bata gweta ( Ukiyo-e tazuk) tir lumkirafa gu 37 × 25 cm- ( Oban breviz ). Tir taneafa ke enk ise va mallanixo mal Nihonbashi za koe Edo kaatoer.

Nihonbashi za

Nihonbashi za tir mallanixo ke Tōkaidō vawa is dere balemoya ara vawa, i ke belca tazukasa va Gokaido gort ( Aluboya vawapa ke Nipona ). Soluma male bata uta zo patavackayad.

Koe Muromachi gola, poke Kitazume is Odawara, dolexo va kabay tiyid jontiko. Tite Nihonbashi za to batlize koyara tozuwer. Vanawalton, moni 7^-eaf bartiv, teixa mo Tōkaidō vawa talton mallanir.

Teixa vas tanoy jiomik is kabdueon toloy zanisik bures va fiptabozak az yonar zanisik bures va prolk ruldar. Talteon avlemodaf kabaydolesik va daremielaf kabay vanbured isen aryon dem tuvlardayana kita dimlanid. Roneon toloy vakol va koni jovleyeni sinkaki rotir kaaneyad.

To mana spua male bata taneafa gweta diveksoyewer eke ina jontikote vere zo doleyer numen piskusik va warzafa gretcaxa di goniayar. Hiroshige bam impavantayar nume va konakar koredik loplekuyur.

Gweta va bata recela koe baroya piskura va 53 recela ke Tōkaidō vawa gwetak
Xantofa piskura : 1833-1834 gan Hōeidō
Piskura : Gyosho enk, 1841-1844 gan Ezaki
Piskura : Reisho enk, 1847-1852 gan Marusei

Dere rupec

► 53 recela ke Tōkaidō vawa

Stragela

(en) Carey, Patrick. Rediscovering the Old Tokaido:In the Footsteps of Hiroshige, Global Books UK, 2000, ISBN 1901903109.
(en) Chiba, Reiko. Hiroshige's Tokaido in Prints and Poetry, Tuttle, 1982, ISBN 0804802467.
(fr) Delay, Nelly, Hiroshige sur la route du Tokaîdo, Éditions Hazan, Paris 2010, ISBN 978-2-7541-0498-2.
(fr) Lambert, Gisèle & Bouquillard Jocelyn, Le Tōkaidō d'Hiroshige, Bibliothèque de l'image, 2002, ISBN 2-914239-69-6.
(en) Traganou, Jilly. The Tokaido Road: Travelling and Representation in Edo and Meiji Japan. RoutledgeCurzon (2004). ISBN 9780415310918.
(fr) Le Tōkaidō : de Tōkyō à Kyōto avec Hiroshige, estampes des 53 relais, Paris, 1981 (estova ke wonara ke Cernuschi tcila, 10-11/1981).

Mallanixo : Nihonbashi
日本橋 (JA)

Yambik

Utagawa Hiroshige

Evla

1833-1834 ( piskura ke Hōeidō )

Ord

Patectoy - ( Ukiyo-e )

Lingerinda

Gweta keve eluxa

Lum

37 × 25 cm- ( Oban breviz )

Gwetak

53 recela ke Tōkaidō vawa

53 recela ke Tōkaidō vawa
Mallanixo : Nihonbashi • 1 : Shinagawa • 2 : Kawasaki • 3 : Kanagawa • 4 : Hodogaya • 5 : Totsuka • 6 : Fujisawa • 7 : Hiratsuka • 8 : Ōiso • 9 : Odawara • 10 : Hakone • 11 : Mishima • 12 : Numazu • 13 : Hara • 14 : Yoshiwara • 15 : Kanbara • 16 : Yui • 17 : Okitsu • 18 : Ejiri • 19 : Fuchū • 20 : Mariko • 21 : Okabe • 22 : Fujieda • 23 : Shimada • 24 : Kanaya • 25 : Nissaka • 26 : Kakegawa • 27 : Fukuroi • 28 : Mitsuke • 29 : Hamamatsu • 30 : Maisaka • 31 : Arai • 32 : Shirasuka • 33 : Futagawa • 34 : Yoshida • 35 : Goyu • 36 : Akasaka • 37 : Fujikawa • 38 : Okazaki • 39 : Chiryū • 40 : Narumi • 41 : Miya • 42 : Kuwana • 43 : Yokkaichi • 44 : Ishiyakushi • 45 : Shōno • 46 : Kameyama • 47 : Seki • 48 : Sakashita • 49 : Tsuchiyama • 50 : Minakuchi • 51 : Ishibe • 52 : Kusatsu • 53 : Ōtsu • Artlanixo : Sanjō Ōhashi

Tuveli icde Lingeropa