Mbeya

Mbeya tir widava vagetalte Tanzania. To ristus widot ke Mbeya gola tir. Izva Bak 1905, gola va moavavultera nekisa bak 1927 redura va kawotafa widava lize zanoxa mu gola avplekuwed. Mbeya remi englaf boniarugal kalion laumar aze kaiki volruptera is artlapira ke Tanzara kelot bak 1970-e sanda wan vonewer. Tawavopa Widava moe bodafa ontinafa azekexa ontineon gu 1700 m- tigir. Anameon konaka jaka dem jontik tcullk tigid. Mbeya mefteem ( ontine vas 2818 m- ) lenteon ticeon tigir, isen geeon Poroto mefteem is Rungwe mefta va 3000 m- kactad. Vedeyaf gerd loon pokef tir Vedey Gerd ke Kitulo Azekexa, noeltaf is abicote giworan. Lidawicka Nope ontine, idulota gitid zakodafa koe Mbeya. Mialukafa muvareka tir vas mon 900 dm-, i umafa tokoda ta torlera va noafa tawamidura mone widava ( irk is zaday is bilka is ola ikz- ). Abdugal mali santaneakast kali alubeaksat gitiskir ; rodugal gu lopof yankatust wali afiz is miel zo gitcalar. Liziba Mbeya tir gamdot zolonaf gu neuk ke patecta. Widava tir vebackano remlapixo van Zambia, ont kan Tazara kelot, ont kan Tanzam Highway kotron wixafa vawa wale Dar es-Salaam is Lusaka. Ara gama ke bata vawa mal Mbeya kal Malawia star. Severoxo dem tawafa sleda ( IATA beksa : MBI ) krulder. Wiks va Mbeya golda Impadimak artlapis ko Mbeya

Mbeya RISTULA Patecta Tanzania   Gola Mbeya Gola SANELIOPA Sanelia 270 741 ir- (2012) TAWAVOPA Maneka  8° 54′ G-, 33° 27′ R- Ontine 1 697 m- LAPIRA, LIZIBA Bira, kuksa Rid Kelot Vawa Wiks va Mbeya