Arusha

Teliz mal Wikipedia.

Arusha tir widavapa valente Tanzania. To ristus widot ke Arusha gola tir.

Tigisa moe ontine vas 1390 m- tite geefa datca ke Meru mefta, valente patecta poke jowa ke Kenya, dem zakodackafa lidawicka, Arusha tir zolonafo kazaxo nobano gan Masai saneik batliz doles va bondeem. Raba tir savenafa koe blotaraf ( botagatcera ) is oksif is foalkaf ( tawamiduraf foalk ) is intanyofaraf ind.

Kan kelot va Mombasa molt isu Tanga is kan vawa va Dodoma is Dar es-Salaam kagluyaweson, Arusha va walvedeyafo severoxo dere digir. Koyutarulapafa, widava tir malworaxo va Kilimanjaro. Vedeyaf Gerd is Serengeti kalnendaxo isu Ngorongoro.

Vedeyafo severoxomo ( IATA beksa : ARK ) krulder, dem sarva van Zanzibar is yonara widava ke Tanzania.

Afigasuteks[betara | va krent betá]

Arusha
RISTULA
Patecta Tanzania  
Gola Arusha Gola
SANELIOPA
Sanelia 416 442 ir- (2012)
TAWAVOPA
Maneka  03°22′ G-, 36°41′ R-
Ontine 1 697 m-
LAPIRA, LIZIBA
Bira, kuksa
Rid
Kelot
Vawa
Carte
Tigixo ke Arusha


  Widava ke Tanzania 
ArushaDar es-SalaamDodomaIringaKigomaMbeyaMorogoroMoshiMtwaraMusomaMwanzaShinyangaSongeaTaboraTangaZanzibar