Dar es-Salaam

Dar es-Salaam tir ana widavapa ke Tanzania, ise va Dar es-Salaam gola miv tazukar. Dar es-Salaam kene artexopo ke Msimbazi bostam ko India Welfa tigir numen moltap zo voneyer. Widava bak 1867 gan Zanzibar Sultan gazik zo reduyur aze bak 1896 va Bagamoyo wetce kelu ke germanafa Tanganyika ikaplekuyur, aze teni Taneafa Tamavageja gan Britik di kostujeyer. Dar es-Salaam bak 1990 joke Dodoma va keluravalduga drasuyur. Soe va yoni ristulafi fli ware lanote vider. Kene uzdaka rune geeon Zanzibar vedil tigir, ise bal Waligejugal viele vanpiyison vexafa vekta beno kota birasarva kenolapisa va afrikafa krimta ke India welfa, widava toz divlizepeyer. Witafa revava voke Main Street ( revielon Volruptesuca Ikpa ), nelkafa etola lize sanefa kolna is debak ke kazafa japa zo vegeduyud, bam voneweyed. Dar es-Salaam tir taneafo is lozolonafo rabaxo ke Tanzania. Tolnagatcexe is yone poopafe iaxe ( kseara va direm ) is razraba ( kosudexa ) is oksiraba is blotraba is dere umaviaxe tid nelkaca. Widava va traliaxe ostik digir. Malkelotxe van Kigoma, Dar es-Salaam tir idja ke vedeyaf vaweem. Tegirapaf, ta lostara va rust va vedeyafa divburera isu koburera do dana telyona ke yona kopilkotanafa vegungafa soka ( tulon Zambia is Sokasanerotifa Kongoa ) loplekuwed ( xodi is kilta is fadolk is wageye is kawot ), molt al tudikawer. Inafo severoxo tir tano lozolonafo koe Ronefa Afrika. Afigasuteks Wiray va widava Wiks va molt Molt Wiks va arientaxo ke widava Wiks va biradomaxo Wiks va idja Wiks van molt Diremuk koe widava Wiks va ezefa wawafa revava Wiks va Kimara, irubaxofa revava Kunduchi, dolexofa ikpa Mzizima, kabayafo dolexo Zovdom va widava

Dar es-Salaam RISTULA Patecta Tanzania   Gola Dar es-Salaam Gola Welmot 162 km² SANELIOPA Sanelia 4 364 541 ir- (2012) TAWAVOPA Maneka  6°49′ G-, 39°16′ R- Ontine 0 m- LAPIRA, LIZIBA Bira, kuksa Rid Kelot Vawa