Jina Mahsa Amini
|
Jina Mahsa Amini ( kobliyisa ba 22/06/2000 koe Saqqez koe Irana ) tiyir kotlafa vayasikya. Ba 16/10/2022 koe Tehran kelu ke Irana xonuker, arti barka ke stolera gan iranaf lidardial nope « tiskira va volkalvekafe vage », tizon alieyenon. Blirizva[betara | va krent betá]Jina Mahsa Amini ba 22/06/2000 koe Saqqez koe iranafa Kurda koblir. Inafa yoltegacka ziliyina gan yasa tir Jina, voxen mana kurdafa yoltega gan rictaga zo biur kire tir kurdafa.[1] Batdume inafa winugafa yoltega tir Mahsa. Tir vayasik dene kotla ke taltefa Azara winka. Awalkera[betara | va krent betá]Ba 13/09/2022 koe Tehran nope tilderugal do berikye is konak yasik tigir.[2] Poke divaxo ke tana vawuda vane Tehran dositon gu yasa tigir viele dandon gu « tiskira va volkalvekafe vage » gan lidardial zo soper. Ardial pu berye tigise bal sopera pebur da ina ko stolexo fu zo dostar enide va taverama va lidopa di tcoker aze kadimion zo dimebidutur. Voxen Jina Mahsa Amini ba mil viel ko ropexe zo kostar lize ve reler. Arti barka medivmodeyenon awalker.[3] Konak vrutasik va ardial buntud, i va ardial tizon alieyes va yikya num nekiyis va xonukera. Bata buntura voxis ewava ke ropexe nedisa va bakaks askid da iranafi saneliaki zolter da awalkera ke Jina Mahsa Amini tickir nope kokeravafa forteytraspura nekiyisa gan tizura ke ardial. Bat siatos gan rictaga zo akler, i gan rictaga ruyesa da awalkera co tir nope « laizaf takraf zvak » ok lana keravafa akola. Sedme kosayikye millize tigise ba sopera, Jina Mahsa Amini zo alier ise ben taka zo tazer kire va pobaxara ke ardialik al kevdulzer. Bat siatos gan aryon stolenik milviele tigis koe ardialaf irem zo gruyer. Moi artlapira va ardialxe, witca ke ayikya nuve toz griawir azen ina nuve krezer.[2][4][5] Danexa[betara | va krent betá]Daktera va xonukera va jontika exaksara koe iranafa Kurda voxis konaka kotla az konaka widava koe arak ke patecta. ► Exaksaratum nope xonukera ke Jina Mahsa Amini Vuestexa[betara | va krent betá]
|
| ||||||||||||||||
.jpg)
