Harper Lee

Teliz mal Wikipedia.
Aller à la navigation Aller à la recherche
Harper Lee
1928-2016
Englavaf amerikaf suterotik

Harper Lee ( Nelle Harper Lee ) tiyir tan amerikaf suterotik ke XX-eafa decemda.

Blirizva

Ba 27/06/1928 koe Monroeville koe Alabama galdolk koe Tanarasokeem koblir. Ba 19/02/2016 koe mila widava di awalker.

Radimi vayarugal dene olda ke Monroeville, va kotla ke Huntingdon denfir aze va rokopa vayar. Banlize koe konaka kotlafa fela toz suter. Bak 1950 va New York koirubar. Fure va suteroteba djukubokar, bristunon gan Truman Capote nik.

Beendos me zo gonaytar berpot, sanegayan bak 1960, tir davafa kiewatca nume gu Pulitzer poradro bak 1961 zo gabler. To alutara mu malyera tir ise zo piskur ugale kagrupera va wideytaf rokeem ke afrikamerikikeem, don tulon tunera va bifafa solkatcara koe tavexo va yona tizafa kategirevafa exaksara nekir. Berpot wetce elpat bak 1962 zo zaler.

Lee Harper va berpot azon ten sanegar. Soe abic teliz isu vayarundeks dem inaf sugdaks zo sanegad. Inafa amlitara is tixolucapa mali inaf storkaf berpot va nisu sinkad. Toleaf berpot levi inafa awalkera di zo piskur.

Vuestexa


Harper Lee

Harper Lee

 Blira 1928-2016
 Ava Englava
 Suterind Berpot
  Suterot 
Bookshelf icon (red and blue).svg  Tuveli icde Suteroteem  Bookshelf icon (red and blue).svg